完整藏文原文 · 德格版页 当前仅加载第 6 函德格 199a 版页；藏文 NFD、目录标记与异常页序保留在来源切片中，重复版页行以稳定序号区分。
ཇི་རྫ་མཁན་གྱི་སྣོད་དུ་འཚེད་དམ། འོན་ཏེ་ཟངས་མའི་སྣོད་དུ་འཚེད་བཞིན་{བཟངས་,བཟང་}ཁྱོད་ཀྱིས་གནས་ཁང་འདི་དག་མཐོང་ངམ། འཕགས་པ་མཐོང་ངོ་། །བཞིན་{བཟངས་,བཟང་}གནས་ཁང་འདི་དག་ཟངས་མའི་སྣོད་ཀྱིས་གང་ཞིང་འདུག་གོ། །གཡོན་ཅན་
D3.006.0199a01.01དེས་བསམས་པ། ལེགས་པར་བྲིད་ཟིན་གྱིས་ད་ནི་འགྲོའོ་སྙམ་ནས་གཡོན་ཅན་དེས་སྨྲས་པ། འཕགས་པ་ཁྱོད་ཀྱི་དགེ་བའི་ཕྱོགས་ཡོངས་སུ་ཉམས་པ་ནི་བདག་གི་དོན་ཡོངས་སུ་ཉམས་པ་ལགས་པས་བདག་སླད་ཀྱིས་ཀྱང་མཆི་ཡིས་ད་ནི་མཆིའོ། །བཞིན་{བཟངས་,བཟང་}དེ་
D3.006.0199a02.01བཞིན་གྱིས་ཤིག །གཡོན་ཅན་དེས་རྒན་ཞུགས་དེའི་རྐང་པ་ལ་ཕྱག་འཚལ་ཏེ་སོང་ནས་གཡོན་ཅན་དེ་ཆོམ་རྐུན་པ་དེ་དག་གི་དྲུང་དུ་སོང་སྟེ་སྨྲས་པ། པད་མའི་མིག་ཅན་དག་རྫས་ཐམས་ཅད་ཀྱིས་གང་བའི་གྲུ་བོ་ཆེ་སྐམ་ས་ན་འདུག་གིས་ཕྲོགས་ཤིག །ཕྲོགས་
D3.006.0199a03.01ཤིག །དེ་ན་གཅིག་གིས་སྨྲས་པ། དེ་ན་འཁོད་པའི་རབ་ཏུ་བྱུང་བ་དྲུག་བཅུ་པོ་དག་ནི་འཕོང་གི་སློབ་དཔོན་ཤ་སྟག་ཡིན་ཞེས་གྲགས་པས་དེ་བཞིན་དུ་གཞོམ་པར་མི་ནུས་ཀྱིས། གང་གི་ཚེ་དེ་དག་མཚན་མོ་ཆོས་ཉན་པ་དེའི་ཚེ་གཞོམ་མོ། །གཞན་དག་གིས་སྨྲས་པ།
D3.006.0199a04.01ཉི་མ་གང་ལ་དེ་དག་གི་ཆོས་ཉན་པ་འབྱུང་བར་འགྱུར། དེས་སྨྲས་པ། ཚེས་བརྒྱད་དང་། བཅུ་བཞི་ལ་འབྱུང་སྟེ། དེ་ལ་ཚེས་བརྒྱད་ནི་ཐལ་ཟིན་པས་ཚེས་བཅུ་བཞི་ལ་འབྱུང་བར་འགྱུར་རོ། །དེ་དག་སོར་མོ་དག་གིས་ཉི་མ་བགྲང་ཞིང་འཁོད་འཁོད་ནས། ཇི་ཙམ་ན་ཚེས་བཅུ་
D3.006.0199a05.01བཞི་ལ་བབ་སྟེ། དགེ་འདུན་གྱི་གནས་བརྟན་གྱིས་སོ་སོར་ཐར་པའི་མདོ་བཏོན་ཏེ། དགེ་འདུན་གྱིས་གསོ་སྦྱོང་བྱས་ནས་ཆོས་སྒྲོག་པ་སེང་གེའི་ཁྲི་ལ་འཛེགས་ཏེ་འདི་སྐད་ཅེས། མི་མཆོག་གདུལ་བའི་ཁ་ལོ་སྒྱུར་མཛད་པ། །ཀུན་སྦྱོར་འཆིང་བ་གཅོད་པ་དེ་བཞིན་གཤེགས། །
D3.006.0199a06.01དབང་པོ་ཞི་ཞིང་ཉེར་ཞི་ཞི་ལ་མཁས། །མཉན་ཡོད་ཞུགས་པས་བཀའ་བཞིན་བྱེད་ལ་གསུངས། །ཞེས་སྨྲ་བར་བརྩམས་པ་དང་། གཡོན་ཅན་དེ་དག་གིས་སྒོ་བརྡུངས་སོ། །དགེ་སློང་དག་གིས་ཚོར་ནས་སྨྲས་པ། ཤེས་ལྡན་དག་ཁྱེད་ཅག་སུ་ཡིན། འཕགས་པ་དག་
D3.006.0199a07.01