完整藏文原文 · 德格版页 当前仅加载第 6 函德格 112a 版页；藏文 NFD、目录标记与异常页序保留在来源切片中，重复版页行以稳定序号区分。
དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །ཁྱིམ་བདག་དེ་གཞན་གྱི་ཆུང་མ་ལ་ཆགས་པར་གྱུར་ནས་དེ་ལ་ཆུང་མས་རྗེའི་སྲས་དེ་ལྟར་མ་མཛད་ཅིག་ཅེས་ཕྱིར་བཟློག་ན་ཇི་ཙམ་དུ་དེ་ཕྱིར་བཟློག་ཀྱང་ཕྱིར་མ་ལོག་པ་དེ་ཙམ་དུ་དེའི་
D3.006.0112a01.01ཆུང་མ་དེ་ཡང་སྐྱེས་པ་གཞན་དག་དང་ལྷན་ཅིག་འཁྲུལ་པ་རྩོམ་པར་བྱེད་དོ། །ཁྱིམ་བདག་དེ་ཡང་བུད་མེད་གཞན་དག་ལ་སྦྱིན་པར་བྱེད་ལ། ཆུང་མ་དེ་ཡང་སྐྱེས་པ་གཞན་དག་ལ་སྦྱིན་པར་བྱེད་པས་དེ་ལྟར་ཁྱིམ་དེ་གཉིས་ཀ་ནས་རྒུད་པར་གྱུར་ནས་དེ་གཉིས་ལ་བུ་མོ་མངག་གཞུག་མ་
D3.006.0112a02.01ཞིག་ཡོད་ནས་ཁྱིམ་བདག་དེས་བུ་མོ་དེ་ལ་འདིས་ཁྱིམ་རྒུད་པར་བྱས་སོ་ཞེས་ཁུ་ཚུར་དང་ཐལ་ལྕག་དག་གིས་རྡེག་པར་བྱེད་དོ། །བུ་མོ་དེས་སྨྲས་པ། བདག་གིས་ཁྱིམ་རྒུད་པར་གྱུར་པ་འདི་ཅི་ལས་གྱུར་པ་འཚལ་མོད་ཀྱི། འོན་ཀྱང་བདག་གིས་ཇི་ལྟར་རྗེ་དག་ལ་བསྔགས་པ་མ་
D3.006.0112a03.01ལགས་པ་བརྗོད་པར་བགྱིར་རུང་། ཉེ་{དགའས་,དགས་}དེ་ཚོར་ནས་ཁྱིམ་བདག་དེ་དང་ཁྱིམ་བདག་གི་ཆུང་མ་དེའི་གན་དུ་སོང་སྟེ། ཅི་ནས་ཀྱང་དེ་གཉིས་སྐྱབས་སུ་འགྲོ་བ་དང་བསླབ་པའི་གཞི་དག་ལ་གནས་པར་འགྱུར་བ་དེ་ལྟ་དེ་ལྟར་ཚུལ་ཁྲིམས་ཀྱི་བསྔགས་པ་བརྗོད་ཅིང་ཚུལ་ཁྲིམས་
D3.006.0112a04.01འཆལ་པའི་བསྔགས་པ་མ་ཡིན་པ་བརྗོད་ནས། དེས་དེ་གཉིས་སྐྱབས་སུ་འགྲོ་བ་དང་བསླབ་པའི་གཞི་དག་ལ་གནས་པར་བྱས་སོ། །ཁྱིམ་བདག་དེ་གཏུམ་པ། བརྟུན་ངས་པ། དྲག་ཤུལ་ཆེ་བ་ཡིན་པས་ཡང་བུ་མོ་དེ་ལ་བརྡེག་པར་བརྩམས་པ་དང་། ཆུང་མས་དེ་ལ་སྨྲས་པ།
D3.006.0112a05.01རྗེའི་སྲས་གང་གི་ཚེ་བདག་ཅག་ལས་དང་ལས་ཀྱི་རྣམ་པར་སྨིན་པ་མི་མཁྱེན་པ་དེའི་ཚེ་གོ་རྡེག་པར་མཛད་མོད། ད་བདག་ཅག་དགེ་བའི་བཤེས་གཉེན་འཕགས་པ་ཉེ་དགའ་ལ་བརྟེན་ནས་ལས་དང་ལས་ཀྱི་རྣམ་པར་སྨིན་པ་མཁྱེན་པས་འདི་ལྟར་འཇིག་རྟེན་ནི་རང་གི་ལས་ཀྱི་འབྲས་
D3.006.0112a06.01བུ་ལ་སྤྱོད་པ་ལགས་པས་སུ་ཞིག་སུའི་བྲན་ལགས། བུ་མོ་འདི་ལ་རྡེག་པར་མ་མཛད་ཅིག །བཟང་མོ་ཁྱོད་ཟེར་བ་མ་ཉེས་སོ། །བུ་མོ་ཚུར་ཤོག །ཁྲུས་གྱིས་ལ་ཤོག་ཤིག །བུ་མོ་དེ་ཁྲུས་བྱས་ཏེ་འོངས་པ་དང་དེས་དེ་ལ་གོས་ཕྲུགས་གཅིག་བསྐོན་ནས་སྨྲས་པ། བུ་མོ་
D3.006.0112a07.01