完整藏文原文 · 德格版页 当前仅加载第 6 函德格 32a 版页；藏文 NFD、目录标记与异常页序保留在来源切片中，重复版页行以稳定序号区分。
དང་ལྡན་པར་འཇིག་རྟེན་ཐམས་ཅད་ལ་གྲགས་ཏེ། སྦྱིན་པ་དང་། མཆོད་པ་དང་། བསྙེན་བཀུར་དག་གིས་ཁྱིམ་གྱི་འབྱོར་པ་ཉེ་བར་བསགས་ཞེས་གྲག་གོ། །མས་སྨྲས་པ། བུ་དེ་ལྟར་ག་ལ་འགྱུར་ཏེ། བྲན་མོའི་བུ་དེ་ལ་སུ་ཞིག་སྦྱིན་པ་དང་།
D3.006.0032a01.01མཆོད་པ་དང་། བསྙེན་བཀུར་དག་གིས་བསྙེན་བཀུར་བྱེད་པར་འོས་ན་དེ་ལ་བསྙེན་བཀུར་བྱེད་པར་འགྱུར། དེ་ནས་དེ་ཅང་མི་སྨྲ་བར་འདུག་གོ། །ཇི་ཙམ་དུས་གཞན་ཞིག་ན་ཉི་ཟླ་ལོངས་སྤྱོད་སྲབས་པར་གྱུར་ནས་མས་དེ་ལ་སྨྲས་པ། བུ་ནུ་བོ་དེའི་གན་དུ་སོང་ཤིག་དང་
D3.006.0032a02.01གལ་ཏེ་ན་དེ་ཁྱོད་ལ་ལོངས་སྤྱོད་དག་གིས་བགོ་བཤའ་བྱེད་པར་འགྱུར་རོ། །དེས་སྨྲས་པ། མ་དེའི་ཚེ་ན་དེ་བྲན་མོའི་བུ་ཡིན་ན་ད་ཇི་ལྟར་ནུ་བོར་འགྱུར། མས་སྨྲས་པ། བུ་གལ་ཏེ་དེ་ལྟ་ན་ཡང་སོང་ལ་དེ་ལས་བླང་བ་མ་ཟློག་ཤིག །དེ་མས་ནན་གྱིས་མནན་པ་ན་དོན་
D3.006.0032a03.01མཐུན་བཙལ་ཏེ་མཉན་ཡོད་དུ་སོང་ངོ་། །ཆོལ་ཟངས་པས་ཇི་ལྟར་བདག་གི་ཕུ་བོ་ཉི་ཟླ་དེ་དོན་མཐུན་དང་ལྷན་ཅིག་འདིར་འོངས་ཏེ་ཕྱོགས་ག་གེ་མོ་ཞིག་ན་འདུག་གོ་ཞེས་ཐོས་སོ། །ཐོས་ནས་ཀྱང་བསུ་ནས་དེས་དེ་ལ་འོངས་པ་ལེགས་སོ་ཞེས་བྱ་བའི་ཚིག་གིས་ཀུན་དུ་སྤྱད་ནས་
D3.006.0032a04.01སྨྲས་པ། བདག་གིས་འདིར་ཟླ་བ་ཞི་བ་ཞེས་བྱ་བའི་མིང་བཏགས་ཀྱིས། བདག་ལ་ཁྱོད་ཆོལ་ཟངས་པ་ཞེས་མ་འབོད་ཅིག །ཉི་ཟླས་སྨྲས་པ། ཁྱོད་ཟླ་བ་ཞི་བ་ཡིན་ན་སུ་ཞིག་གཞན་དུ་འབོད་པར་འགྱུར་དེས་ཉི་ཟླ་ཁྱིམ་དུ་ཁྲིད་དེ་བཀུར་སྟི་ཆེན་པོས་མཁོས་སུ་ཕབ་ནས་
D3.006.0032a05.01ཟན་བྱིན་ཏེ། བྲམ་ཟེ་མོ་ལ་སྨྲས་པ། ཁྱོད་ཤེས་པར་གྱིས་ཤིག །འདི་ནི་ཁོ་བོའི་ཕོ་བོ་ཉི་ཟླ་ཞེས་བྱ་བ་ཡིན་གྱིས་ཁྱོད་ཀྱིས་འདི་ལ་མཁོ་བ་ཐམས་ཅད་བསྟབ་པར་བྱ་ཞིང་ཚིག་མི་གཅག་པ་དང་། རྟག་ཏུ་གུས་པ་དང་བཅས་པར་གྱིས་ཤིག །དེས་ཀྱང་ཁས་
D3.006.0032a06.01བླངས་སོ། །ཉི་ཟླ་ནི་དེས་ཤིང་འགྲོགས་ན་བདེ་བ་ཡིན་ལ། ཆོལ་ཟངས་པ་ནི་གཏུམ་ཞིང་གཟུ་ལུམས་དང་། དྲག་ཤུལ་ཅན་ཡིན་པས་དེ་ཆུང་མ་དེ་ལ་ཉེས་པ་ཅུང་ཟད་ཙམ་གྱིས་ཀྱང་ཁུ་ཚུར་དང་ཐལ་ལྕག་དག་གིས་རྡེག་པར་བྱེད་དོ། །བྲམ་ཟེ་མོ་དེས་ཉི་ཟླ་ལ་སྨྲས་པ། ཇོ་
D3.006.0032a07.01