完整藏文原文 · 德格版页 当前仅加载第 6 函德格 207b 版页；藏文 NFD、目录标记与异常页序保留在来源切片中，重复版页行以稳定序号区分。
མཆིས་ཞེས་བགྱིས་ན། བཙུན་པ་ཉེ་དགའ་བདག་ལ་འདི་སྐད་ཅེས་ཁྱིམ་བདག་ཁོ་བོ་ཉིད་ཤཱཀྱའི་རིགས་ལས་རབ་ཏུ་བྱུང་བ། སྡེ་སྣོད་གསུམ་དང་ལྡན་པ། ཆོས་སྒྲོག་པ། རིགས་པ་དང་གྲོལ་བའི་སྤོབས་པ་ཅན་ཡིན་ནོ་ཞེས་མཆི་ནས། བདག་གིས་བཙུན་པ་ཉེ་དགའ་
D3.006.0207b01.01ལ་འཕགས་པ་ཁྱོད་རས་ཟུང་འདི་བཞེས་ཤིག་ཅེས་སྦྱིན་པར་བརྩམས་པ་དང་། བཙུན་པ་ཉེ་དགའི་མཆིད་ནས་ཁྱིམ་བདག་ཁྱོད་སྦྱིན་པ་སྦྱིན་ཡང་མི་ཤེས་སམ། གང་གི་ཚེ་སངས་རྒྱས་ལ་སོགས་པ་དགེ་སློང་གི་དགེ་འདུན་མཆོད་སྟོན་གསོལ་བ་དེའི་ཚེ་ཁྱོད་ཀྱིས་རྒན་པའི་
D3.006.0207b02.01མཐའ་ལོགས་སུ་རྗེས་སུ་ཡི་རང་བ་བྱེད་དུ་ཆུག་ལ་ཁོ་བོ་ལ་བྱིན་ཅིག་ཅེས་མཆི་ནས། བདག་གིས་དེ་ཁོ་ན་བཞིན་དུ་བགྱིས་པས་འདི་ལ་བདག་གིས་ནོངས་པ་ཅི་མཆིས། བསོད་སྙོམས་པ་དེ་གཙུག་ལག་ཁང་དུ་སོང་བ་དང་། དགེ་སློང་རྣམས་ཀྱིས་དེ་ལ་སྨྲས་པ། བསོད་
D3.006.0207b03.01སྙོམས་པ་དང་རིས་མཐུན་པ་གང་ཡིན་པས་ཀྱང་ཁྱིམ་བདག་ཅིག་ཇི་ལྟར་དད་པས་བསྐྱེད་ན་དེས་ཀྱང་གཞན་དུ་འབྲུག་བསྒྲགས་ལ་གཞན་དུ་ཆར་ཕབ་བོ། །དེས་སྨྲས་པ། དེས་ཅི་ཉེས་འདི་ལྟར་དེར་གཅིག་ཅིག་གིས་སོང་སྟེ་འདི་སྐད་ཅེས་ཁྱིམ་བདག་འདི་ནི་ཁྱོད་ལ་ཡོངས་སུ་བཏང་
D3.006.0207b04.01བ་ལས་བྱུང་བའི་བསོད་ནམས་ནི་ཡོད་ན། ཡོངས་སུ་ལོངས་སྤྱད་པ་ལས་བྱུང་བའི་བསོད་ནམས་ནི་ལན་འགའ་ཡང་མེད་དེ། བཅོམ་ལྡན་འདས་ཀྱི་འཁོར་སྟོང་ཉིས་བརྒྱ་ལྔ་བཅུ་ལ་རས་ཟུང་སྟོང་ཉིས་བརྒྱ་ལྔ་བཅུས་འགྲུབ་པས་འདི་ནི་རེ་ཞིག་ཆོས་གོས་ཀྱི་གདང་ཁོ་ན་ལ་ཡོངས་སུ་ཟད་
D3.006.0207b05.01པར་བྱ་དགོས་པར་འགྱུར་རོ། །བཅོམ་ལྡན་འདས་ཀྱིས་ཀྱང་ཟས་ཀྱི་རྙེད་པ་བྱུང་ན་ནི་པུ་ལ་སའི་འདབ་མས་ཀྱང་བགོ་བར་བྱ་ལ། གོས་ཀྱི་རྙེད་པ་བྱུང་ན་ནི་མར་མེའི་སྙིང་པོར་རུང་བས་ཀྱང་བགོ་བར་བྱའོ་ཞེས་གསུངས་ན་གལ་ཏེ་འགེད་པར་མི་བྱེད་ན་ནི་ཁྱོད་ཀྱི་འདི་ཡང་ལོངས་སྤྱད་པར་མི་
D3.006.0207b06.01འགྱུར་རོ་ཞེས་ཟེར་ནས་འདི་སྐད་ཅེས་འཕགས་པ་གང་གིས་བདག་ལ་ཡོངས་སུ་བཏང་བ་ལས་བྱུང་བའི་བསོད་ནམས་ཀྱང་མཆིས་ལ། ཡོངས་སུ་ལོངས་སྤྱད་པ་ལས་བྱུང་བའི་བསོད་ནམས་ཀྱང་མཆིས་པར་འགྱུར་བའི་ཐབས་ཅི་མཆིས་ཞེས་བྱས་ན། དེ་ན་རེ་འདི་སྐད་ཅེས་གལ་
D3.006.0207b07.01