完整藏文原文 · 德格版页 当前仅加载第 6 函德格 148b 版页；藏文 NFD、目录标记与异常页序保留在来源切片中，重复版页行以稳定序号区分。
ཞ་ཉེ་དང་། ཁྲོ་ཆུ་ལ་རེག་པ་ལ་ལྟུང་བ་མེད་དོ་ཞེས་དེ་ལྟར་བཅོམ་ལྡན་འདས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བ་མཛད་དོ།། །།འདུལ་བ་རྣམ་པར་འབྱེད་པ། བམ་པོ་སུམ་བཅུ་རྩ་གསུམ་པ། སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་
D3.006.0148b01.01ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་ན་ཙམ་པ་ན་ཁྱིམ་བདག་དད་པ་དང་ལྡན་པ། དགེ་བའི་བསམ་པ་ཅན། བཟང་པོ་སྦྱིན་པ་ཞིག་འདུག་པ་དེས་དེ་བཞིན་གཤེགས་པའི་ཉན་ཐོས་ཀྱི་དགེ་འདུན་གྱི་ཕྱིར་གཙུག་ལག་ཁང་རྟ་བབས་མཐོན་པོ་དང་།
D3.006.0148b02.01སྐར་ཁུང་དང་སྐར་ཁུང་དྲ་བ་ཅན་དང་། ལན་ཀན་གྱིས་བརྒྱན་པ། སྙིང་དང་མིག་འཕྲོག་པ་མཐོ་རིས་ཀྱི་ཐེམ་སྐས་སུ་གྱུར་པ་ཞིག་བྱེད་དུ་བཅུག་ནས། དེར་དགེ་སློང་མང་པོ་དག་དབྱར་གནས་པར་ཁས་བླངས་ཏེ། དེ་དག་གིས་དགག་དབྱེ་བྱས་ནས་སྨྲས་པ། ཁྱིམ་བདག་བདག་ཅག་
D3.006.0148b03.01མཉན་ཡོད་དུ་སྟོན་པ་དང་། དགེ་སློང་གནས་བརྟན་གནས་བརྟན་རྣམས་ཀྱི་ཞབས་ལ་ཕྱག་འཚལ་དུ་འགྲོས་བདག་ཅག་ལ་གོས་དག་བྱིན་ཅིག །ཁྱིམ་བདག་དེས་སྨྲས་པ། འཕགས་པ་དག་འདི་ན་གོས་བཟང་པོ་དག་མ་མཆིས་ཏེ། དོན་མཐུན་དག་མཆི་ཞེས་གྲག་གིས་
D3.006.0148b04.01དོན་མཐུན་དག་མཆིས་ཀྱི་བར་དུ་རེ་ཞིག་གཞེས་ཤིག་དང་། དེ་ནས་གོས་བཟང་པོ་དག་འཇལ་ཏེ་གསོལ་ལོ། །དེ་དག་གིས་སྨྲས་པ། ཁྱིམ་བདག་གལ་ཏེ་གོས་བཟང་པོ་དག་མེད་ན་གོས་ངན་པ་དག་བྱིན་ཅིག །འཕགས་པ་དག་བདག་ནི་བཟང་པོ་སྦྱིན་པ་ལགས་ན། ཇི་
D3.006.0148b05.01ལྟར་བདག་གིས་ངན་པ་དག་གསོལ་བར་བགྱི། གལ་ཏེ་ཁྱེད་ཅག་{རིངས་,རིང་}ན་གོས་ཀྱི་རིན་ཀཱར་ཥཱ་པ་ཎ་དག་སྣོམས་ལ་བཞུད་ཅིག །ཁྱིམ་བདག་བཅོམ་ལྡན་འདས་ཀྱིས་ཀཱར་ཥཱ་པ་ཎ་དག་བཀག་པས་བདག་ཅག་མི་ལེན་ཏོ། །འཕགས་པ་དག་འདི་ལྟར་བདག་ལ་མ་བྱིན་པ་ནི་མི་མངའི།
D3.006.0148b06.01གོས་ངན་པ་དག་སྦྱིན་དུ་ནི་མི་རུང་ངོ་། །དགེ་སློང་དེ་དག་གིས་ཀཱར་ཥཱ་པ་ཎ་དག་མ་བླངས་པར་གོས་ངན་པ་དག་ཁོ་ནས་དོང་སྟེ། མཐར་གྱིས་མཉན་ཡོད་དུ་ཕྱིན་པ་དང་། དེ་དག་ལ་དགེ་སློང་རྣམས་ཀྱིས་སྨྲས་པ། ཚེ་དང་ལྡན་པ་དག་ཁྱེད་ཅག་གིས་དབྱར་གནས་པའི་གོས་ཀྱི་རྙེད་པ་མ་རྙེད་དམ།
D3.006.0148b07.01