完整藏文原文 · 德格版页 当前仅加载第 6 函德格 51b 版页；藏文 NFD、目录标记与异常页序保留在来源切片中，重复版页行以稳定序号区分。
སྟེགས་ཅན་གྱི་ཁྱིམ་དུ་ཆོས་གོས་དག་བཞག་སྟེ་ལྷའི་གནས་སུ་སྐྱ་རེངས་འཆར་བར་བྱེད་ན་ལྟུང་བ་མེད་དོ། །ལྷའི་གནས་སུ་ཆོས་གོས་དག་བཞག་སྟེ་མུ་སྟེགས་ཅན་གྱི་ཁྱིམ་དུ་སྐྱ་རེངས་འཆར་བར་བྱེད་ན་ཡང་ལྟུང་བ་མེད་དོ། །མུ་སྟེགས་ཅན་གྱི་ཁྱིམ་མམ་ལྷའི་གནས་སུ་
D3.006.0051b01.01ཆོས་གོས་དག་བཞག་སྟེ་གཞན་དུ་སྐྱ་རེངས་འཆར་བར་བྱེད་ན་སྤང་བའི་ལྟུང་བྱེད་དུ་འགྱུར་རོ། །མུ་སྟེགས་ཅན་གྱི་ཁྱིམ་རབ་ཏུ་མང་པོ་ཉེན་ཀོར་གཅིག་པ་གང་ཞེ་ན། འདི་ལྟ་སྟེ་མུ་སྟེགས་ཅན་གྱི་ཁྱིམ་རབ་ཏུ་མང་པོ་ལྟ་བ་གཅིག་པ་དང་། བཟོད་པ་གཅིག་པ་དང་། འདོད་པ་
D3.006.0051b02.01གཅིག་པ་དང་། བསམ་པ་གཅིག་པ་གང་དག་ཡིན་པའོ། །དེ་དག་གི་ཉེན་ཀོར་གང་ཞེ་ན། ནང་ཐམས་ཅད་དང་ཕྱི་རོལ་འདོམ་གང་ངམ། གང་དུ་དེ་དག་ལྕི་བ་དག་འདིང་བར་བྱེད་པ་དང་། ཡམ་སྲེག་ཤིང་དག་འཇོག་པར་བྱེད་པ་དང་། གཡང་གཞི་དག་དང་།
D3.006.0051b03.01ཤིང་ཤུན་དག་དང་། དབྱིག་གུ་དག་དང་། རིལ་བ་དག་དང་། བླུགས་གཟར་དག་དང་། དགང་གཟར་དག་འཇོག་པར་བྱེད་པ་དང་། མེ་སྦར་བར་བྱེད་པ་དང་། ཡམ་སྲེག་ཤིང་སྲེག་པར་བྱེད་པ་དང་། གང་དུ་དེ་དག་རྡུང་བར་བྱེད་པ་དང་། རྔོ་བར་བྱེད་པ་དང་།
D3.006.0051b04.01འཐག་པར་བྱེད་པ་དང་། འཆའ་བར་བྱེད་པ་དང་། ཟ་བར་བྱེད་པ་དང་། འཐུང་བར་བྱེད་པ་དང་། ཁྱེའུ་སུས་བྱེད་པ་དེ་ནི་དེ་དག་གི་ཉེན་ཀོར་ཡིན་ནོ། །དགེ་སློང་གིས་ནང་དུ་ཆོས་གོས་དག་བཞག་སྟེ་ཉེན་ཀོར་དུ་སྐྱ་རེངས་འཆར་བར་བྱེད་ན་ལྟུང་བ་མེད་དོ། །ཉེན་ཀོར་
D3.006.0051b05.01དུ་ཆོས་གོས་དག་བཞག་སྟེ་ནང་དུ་སྐྱ་རེངས་འཆར་བར་བྱེད་ན་ཡང་ལྟུང་བ་མེད་དོ། །ནང་ངམ་ཉེན་ཀོར་དུ་ཆོས་གོས་དག་བཞག་སྟེ་གཞན་དུ་སྐྱ་རེངས་འཆར་བར་བྱེད་ན་སྤང་བའི་ལྟུང་བྱེད་དུ་འགྱུར་རོ། །མུ་སྟེགས་ཅན་གྱི་ཁྱིམ་རབ་ཏུ་མང་པོ་ཉེན་ཀོར་ཐ་དད་པ་གང་ཞེ་ན།
D3.006.0051b06.01འདི་ལྟ་སྟེ་མུ་སྟེགས་ཅན་གྱི་ཁྱིམ་རབ་ཏུ་མང་པོ་ལྟ་བ་ཐ་དད་པ་དང་། བཟོད་པ་ཐ་དད་པ་དང་། འདོད་པ་ཐ་དད་པ་དང་། བསམ་པ་ཐ་དད་པ་གང་དག་ཡིན་པའོ། །དེ་དག་གི་ཉེན་ཀོར་གང་ཞེ་ན། སོ་སོ་ཐ་དད་པའོ། །ཅི་ཞིག་ཐུན་མོང་ཡིན་ཞེ་ན། ཅི་ཡང་མ་ཡིན་ནོ། །
D3.006.0051b07.01