完整藏文原文 · 德格版页 当前仅加载第 6 函德格 190a 版页；藏文 NFD、目录标记与异常页序保留在来源切片中，重复版页行以稳定序号区分。
ཆོས་བྱིན་གྱིས་སོ། །ཆུང་མ་དེ་དག་གིས་བསམས་པ། དོན་གྱིས་ན་འཕགས་མ་ཆོས་བྱིན་ནི་བདག་ཅག་ལ་མ་མའི་བྱ་བ་མཛད་དོ་སྙམ་དུ་རིག་ནས་དེ་ལ་མངོན་པར་དད་པར་གྱུར་ཏེ། དེ་དག་གིས་བསམས་པ། གང་གི་ཚེ་བདག་ཅག་གི་ཁྱིམ་ཐབ་དག་དམག་གི་
D3.006.0190a01.01གནས་སུ་འདོང་བ་དེའི་ཚེ་ན་བདག་ཅག་གིས་ཁྱིམ་ཐབ་དག་བསྐྱལ་ནས་འཕགས་མ་ཆོས་བྱིན་ལ་བསྙེན་བཀུར་བྱའོ་སྙམ་མོ། །དུས་གཞན་ཞིག་ན་དེ་དག་གི་ཁྱིམ་ཐབ་དག་དམག་གི་གནས་སུ་འཕགས་པ་དང་། ཆོས་བྱིན་གྱིས་དེ་དག་འདུལ་བའི་དུས་ཤེས་ནས་གཙུག་ལག་
D3.006.0190a02.01ཁང་ཆག་ཆག་བཏབ། ལེགས་པར་བྱུགས། ལྕི་བ་སར་པའི་བྱུག་པས་བསྐུས་ཏེ་འདག་རྫས་དང་། ཆུ་དང་། དྲི་དང་། བདུག་པ་དང་། མེ་ཏོག་དང་། པོག་པོར་བཞག་ནས་དགེ་སློང་མ་སྐད་སྙན་པ་དག་བསྐོས་ཏེ་བསྡད་པ་དང་། ཆུང་མ་དེ་དག་ཀྱང་ཁྱིམ་ཐབ་དག་
D3.006.0190a03.01བསྐྱལ་ཏེ་ཆོས་བྱིན་གྱི་དྲུང་དུ་ལྷགས་ནས་ཆོས་བྱིན་གྱིས་དེ་དག་ལ་འདག་རྫས་དང་། ལག་པ་བསྙལ་བའི་ཆུ་དང་། དྲི་དང་། བདུག་པ་དང་། མེ་ཏོག་དང་། པོག་པོར་དག་བྱིན་ནས་ཚིགས་སུ་བཅད་པའི་སྐད་ཀྱིས་མཆོད་རྟེན་ལ་ཕྱག་འཚལ་ཏེ་དགེ་སློང་མའི་དགེ་འདུན་གྱི་གོང་
D3.006.0190a04.01དུ་སྟན་བཤམས་པ་ཉིད་ལ་འདུག་གོ། །དེ་དག་ཀྱང་དེའི་རྐང་པ་ལ་ཕྱག་འཚལ་ཏེ་ཆོས་མཉན་པའི་ཕྱིར་མདུན་དུ་འཁོད་དོ། །ཆོས་བྱིན་གྱིས་དེ་དག་གི་བསམ་པ་དང་། བག་ལ་ཉལ་དང་། ཁམས་དང་། རང་བཞིན་ཁོང་དུ་ཆུད་ནས་ཇི་ནས་ཀྱང་དེ་དག་གིས་འཇིག་ཚོགས་
D3.006.0190a05.01ལ་ལྟ་བའི་རིའི་རྩེ་མོ་ཉི་ཤུ་མཐོ་བ་ཡེ་ཤེས་ཀྱི་རྡོ་རྗེས་བཅོམ་སྟེ། རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས་པ་དེ་ལྟར་ཆོས་བསྟན་པ་བྱས་སོ། །དེ་དག་གིས་བདེན་པ་མཐོང་ནས་སྨྲས་པ། འཕགས་མ་བདག་ཅག་གིས་དགེ་བའི་བཤེས་གཉེན་འཕགས་མ་ལ་བརྟེན་ནས་
D3.006.0190a06.01འཕགས་མས་བདག་ཅག་ལ་གང་མཛད་པ་འདི་ལྟ་བུ་ནི་བདག་ཅག་ལ་ཕས་ཀྱང་མ་བགྱིས། མས་ཀྱང་མ་བགྱིས། རྒྱལ་པོས་ཀྱང་མ་བགྱིས། ལྷ་རྣམས་ཀྱིས་ཀྱང་མ་བགྱིས། སྔོན་གྱི་ཕ་མེས་དག་གིས་ཀྱང་མ་བགྱིས། དགེ་སྦྱོང་དང་། བྲམ་ཟེ་དག་གིས་ཀྱང་མ་བགྱིས།
D3.006.0190a07.01