完整藏文原文 · 德格版页 当前仅加载第 6 函德格 117a 版页；藏文 NFD、目录标记与异常页序保留在来源切片中，重复版页行以稳定序号区分。
ལོངས་སྤྱད་པ་ལས་བྱུང་བའི་བསོད་ནམས་ནི་མེད་དེ་རས་ཡུག་ཆེན་འདི་དག་ནི་མཆིལ་ལྷམ་ཕྱི་བའམ། སྐར་ཁུང་གླན་པར་རུང་སྟེ། འདི་དག་ནི་ཆོས་གོས་ཀྱི་གདང་ལ་ཡོངས་སུ་ཟད་པ་དང་མཐར་ཐུག་པར་འགྱུར་རོ། །འོ་ན་ཇི་ལྟར་བགྱི། རས་ཡུག་ཆེན་བཟང་
D3.006.0117a01.01པོ་གཞན་དག་བྱིན་ཅིག །རས་ཡུག་ཆེན་དག་མ་མཆིས་སོ། །ཚོང་དུས་ནས་ཉོས་ཏེ་བྱིན་ཅིག །རིན་དག་མ་མཆིས་སོ། །དུས་ཐོབ་ལ་བྱིན་ཅིག །ཁྱིམ་བདག་དེས་ཆུང་མའི་གདོང་དུ་བལྟ་བར་བརྩམས་པ་དང་། ཆུང་མས་སྨྲས་པ། རྗེའི་སྲས་བདག་ཅག་ལ་འཕགས་པ་
D3.006.0117a02.01ཉེ་{དགའས་,དགས་}ཕན་བཏགས་ཀྱིས་རས་ཡུག་ཆེན་དག་འཇོལ་ལ་དེ་ལ་ཕུལ་ཅིག །ཁྱིམ་བདག་དེ་ཉེ་དགའ་དང་ལྷན་ཅིག་སྲང་དུ་སོང་ནས་ཚོང་ཁང་དུ་ཕྱིན་པ་དང་། ཉེ་{དགའས་,དགས་}བསམས་པ། ཚོང་པ་འདི་ང་རྒྱལ་བསྐྱེད་པར་བྱ་སྟེ། དེས་ན་རས་ཡུག་ཆེན་བཟང་པོ་སྟེར་བར་འགྱུར་
D3.006.0117a03.01རོ་སྙམ་ནས་ཉེ་{དགའས་,དགས་}ཁྱིམ་བདག་ལ་སྨྲས་པ། ཁྱིམ་བདག་ཚོང་པ་འདི་ནི་གཅམ་བུ་ཞིག་ཡིན་པས་འདི་ལ་རས་ཡུག་ཆེན་བཟང་པོ་མེད་ཀྱིས་གཞན་དུ་འདོང་ངོ་། །ཚོང་པ་དེས་དེ་ཐོས་ནས་དེས་ཆེན་པོ་ལ་འོས་པའི་རས་ཡུག་ཆེན་བསྟན་ཏེ་སྨྲས་པ། འཕགས་པ་རས་ཡུག་
D3.006.0117a04.01ཆེན་ལ་གཟིགས། རས་ཡུག་ཆེན་འདི་ནི་བཟང་ན་འདིའི་རིན་ཇི་ཙམ། འདི་དང་འདི་ཙམ་མོ། །ཁྱིམ་བདག་འདི་འཇལ་ལོ། །ཁྱིམ་བདག་འཇལ་ལམ། འཇལ་ལོ། །དུས་ཇི་ཙམ་ན་དུས་འདི་ཙམ་ནའོ། །ཚོང་པ་དེས་ཁྱིམ་བདག་དེ་ལ་རས་ཡུག་ཆེན་དེ་བྱིན་ནས་ཁྱིམ་
D3.006.0117a05.01བདག་དེས་ཉེ་དགའ་ལ་ཕུལ་བ་དང་། ཉེ་{དགའས་,དགས་}ཁྱིམ་བདག་ཨ་རོག་གྱ་ཞེས་སྨྲས་ནས། ཁྱོད་སྦྱིན་པ་འདིས་སེམས་ཀྱི་རྒྱན་དང་། སེམས་ཀྱི་ཡོ་བྱད་དང་། རྣལ་འབྱོར་གྱི་ཚོགས་དང་། དོན་གྱི་མཆོག་ཐོབ་པ་དང་། ལྷ་དང་མི་རྣམས་ཀྱི་གོས་དག་ཐོབ་པར་གྱུར་ཅིག་
D3.006.0117a06.01ཅེས་སྨྲས་ཏེ་སོང་ངོ་། །ཁྱིམ་བདག་དེ་ལོངས་སྤྱོད་སྲབས་ནས་དེས་རིན་དེ་དུས་དེ་ཙམ་གྱིས་འབུལ་བར་མ་ནུས་ནས་ཚོང་པ་དེས་ཁྱིམ་བདག་དེ་ཉི་མ་ལ་བཏགས་པ་དང་། དེ་ཆུང་པོ་གྲོགས་དག་གིས་མཐོང་ནས་སྨྲས་པ། ཅི་ཁྱོད་ཞུན་མར་འཐུངས་སམ། འོན་ཏེ་རིམས་ཀྱིས་
D3.006.0117a07.01