完整藏文原文 · 德格版页 当前仅加载第 6 函德格 75a 版页；藏文 NFD、目录标记与异常页序保留在来源切片中，重复版页行以稳定序号区分。
བཞུགས། །ཉག་གཅིག་ནགས་ན་ཁྱོད་བཞུགས་ན། །ཇི་ལྟར་བསྙེངས་དང་བྲལ་བར་འགྱུར། །བཅོམ་ལྡན་འདས་ཀྱིས་བཀའ་སྩལ་པ། གཽ་ཏམ་འཇིགས་ཀུན་རྩ་དང་སྲིད། །དེ་དག་བག་ཉལ་བཅས་སྤངས་པས། །མྱ་ངན་འཇིགས་བྲལ་ནགས་
D3.006.0075a01.01གནས་ཏེ། །དེ་ན་བདག་འཇིགས་ཅི་ཡང་མེད། །རྒྱལ་པོས་གསོལ་པ། ཐུབ་དབང་ཁྱོད་སྔོན་རབ་དགྱེས་པའི། །ཁབ་ན་རྟག་ཏུ་ཁྲུས་མཆོག་མཛད། །ནགས་ན་ཉག་གཅིག་ཁྱོད་བཞུགས་ན། །དེ་ན་འབྱོར་ཁྲུས་སུ་དག་བགྱིད། །བཅོམ་ལྡན་འདས་ཀྱིས་བཀའ་སྩལ་
D3.006.0075a02.01པ། གཽ་ཏམ་ཆོས་རྫིང་བསོད་ནམས་འགྲམ། །རྙོག་མེད་དམ་པས་བསྔགས་པ་སྟེ། །མི་ལུས་མི་གཤེར་དེར་བཀྲུས་པ། །རིག་བྱེད་ཡོན་ཏན་ཕ་རོལ་འགྲོ། །རྒྱལ་པོས་གསོལ་པ། དཔའ་བོ་རང་གི་ཕོ་བྲང་ན། །གསེར་དངུལ་བུམ་པས་ཁྲུས་མཛད་ན། །ཆབ་
D3.006.0075a03.01ཚན་རྙོག་དང་བཅས་པ་ཡིས། །ཇི་ལྟར་ཁྱོད་ཀྱི་སྐུ་ཁྲུས་མཛད། །བཅོམ་ལྡན་འདས་ཀྱིས་བཀའ་སྩལ་པ། གཽ་ཏམ་དང་ཀླུང་ཚུལ་ཁྲིམས་འགྲམ། །དང་བ་བསིལ་བ་མཁས་པས་བསྔགས། །མི་ལུས་མི་གཤེར་དེར་བཀྲུས་པ། །རིག་བྱེད་ཡོན་ཏན་ཕ་རོལ་འགྲོ། །རྒྱལ་
D3.006.0075a04.01པོ་ཟས་གཙང་གིས་གསོལ་པ། ཟིལ་གནོན་གང་ནས་སྐྱེ་འགྱུར་ཞིང་། །འཇིགས་སྐྲག་གང་ནས་འབྱུང་བར་འགྱུར། །ཡིད་འབྱུང་གང་ནས་སྐྱེ་བར་འགྱུར། །ཞུས་པ་དེ་ནི་བདག་ལ་གསུངས། །བཅོམ་ལྡན་འདས་ཀྱིས་བཀའ་སྩལ་པ། ཟིལ་གནོན་གང་ནས་སྐྱེ་འགྱུར་
D3.006.0075a05.01ཞིང་། །འཇིགས་སྐྲག་གང་ནས་འབྱུང་འགྱུར་དང་། །ཡིད་འབྱུང་གང་ནས་སྐྱེ་འགྱུར་བ། །གསོན་ཅིག་བདག་གིས་ཁྱོད་ལ་བཤད། །རྒ་དང་ན་དང་འཆི་འགྱུར་བ། །གལ་ཏེ་དེ་གསུམ་ཡོད་མིན་ན། །བདག་ཀྱང་ཤིན་ཏུ་ཡིད་འོང་བའི། །ཡུལ་རྣམས་ལ་ནི་དགའ་བར་
D3.006.0075a06.01འགྱུར། །རྒྱལ་པོས་གསོལ་པ། ཤཱཀྱའི་རིགས་རྣམས་དགའ་མཛད་པ། །དཔའ་བོ་འཇིག་རྟེན་ཆོས་བརྒྱད་ཀྱིས། །ཁྱོད་ལ་གོས་པ་མི་མངའ་བ། །ལེགས་པར་འཁྲུངས་པ་ལེགས་པ་ལགས། །དེ་ནས་རབ་དགའ་དང་རྒྱས་པས། །དྲང་སྲོང་དགེ་འདུན་བསྐོར་བྱས་
D3.006.0075a07.01