完整藏文原文 · 德格版页 当前仅加载第 6 函德格 183b 版页；藏文 NFD、目录标记与异常页序保留在来源切片中，重复版页行以稳定序号区分。
བྱེད་པ་དེ་སྲིད་དུ་ཁྱིམ་པ་ལ་བསོད་ནམས་མ་ཡིན་པ་མང་པོ་སྐྱེ་བར་འགྱུར་ཞིང་། དགེ་སློང་ལ་ཉེས་བྱས་སུ་འགྱུར་ལ། གོས་ཀྱི་གྲྭ་ལུས་ལས་བྲལ་བར་བྱེད་ན་ཁྱིམ་པ་ལ་བསོད་ནམས་མ་ཡིན་པ་ཆེས་མང་དུ་སྐྱེ་བར་འགྱུར་ཞིང་། དགེ་སློང་ལ་སྤང་བའི་ལྟུང་བྱེད་དུ་འགྱུར་རོ། །དགེ་སློང་
D3.006.0183b01.01གིས་དགེ་སློང་ལ་གོས་བྱིན་ནས་དེའི་འོག་ཏུ་ཁྲོས་འཁྲུགས་རྔམ་པར་གྱུར་ཏེ་ཡི་མ་རངས་ནས་ཁྱིམ་པ་མོ་འཕྲོག་ཏུ་འཇུད་ན་ཇི་སྲིད་དུ་གོས་ཀྱི་གྲྭ་ལུས་ལས་བྲལ་བར་མི་བྱེད་པ་དེ་སྲིད་དུ་ཁྱིམ་པ་མོ་ལ་བསོད་ནམས་མ་ཡིན་པ་མང་དུ་སྐྱེ་བར་འགྱུར་ཞིང་། དགེ་སློང་ལ་ཉེས་བྱས་སུ་འགྱུར་
D3.006.0183b02.01ལ། གོས་ཀྱི་གྲྭ་ལུས་ལས་བྲལ་བར་བྱེད་ན་ཁྱིམ་པ་མོ་ལ་བསོད་ནམས་མ་ཡིན་པ་ཆེས་མང་དུ་སྐྱེ་བར་འགྱུར་ཞིང་། དགེ་སློང་ལ་སྤང་བའི་ལྟུང་བྱེད་དུ་འགྱུར་ཏེ། དེ་ལྟར་གཞན་དག་གིས་སོ། །དོན་གཞན་དང་འདུལ་བའི་ཡོ་བྱད་ཀྱིས་ནི་ལྟུང་བ་མེད་དོ། །ཇི་ལྟར་དོན་གཞན་གྱིས་
D3.006.0183b03.01ཞེ་ན། འདི་ལྟ་སྟེ། སློབ་དཔོན་དང་། མཁན་པོའི་ལྷན་ཅིག་གནས་པ་དང་། ཉེ་གནས་དག་འཇིགས་པ་དང་བཅས་པའི་ཕྱོགས་སུ་དུས་མ་ཡིན་པ་དང་། ཆུ་ཀླུང་གི་ཁའམ། ཡུར་པོ་ཆེའི་ཁར་འགྲོ་བ་དེ་དག་ལ་སློབ་དཔོན་དང་། མཁན་པོས་ཆོམ་རྐུན་པ་དང་། གཡོན་
D3.006.0183b04.01ཅན་དག་གིས་གོས་དག་ཕྲོགས་པར་གྱུར་ན་མི་རུང་ངོ་སྙམ་པས་འཕྲོག་གམ། འཕྲོག་ཏུ་འཇུད་པ་སྟེ། དེ་ལྟར་དོན་གཞན་གྱིས་སོ། །ཇི་ལྟར་འདུལ་བའི་ཡོ་བྱད་ཀྱིས་ཞེ་ན། འདི་ལྟ་སྟེ། དགེ་སློང་རྣམས་ཀྱི་ལྷན་ཅིག་གནས་པ་དང་། ཉེ་གནས་དག་སྡིག་པའི་གྲོགས་པོ་དང་།
D3.006.0183b05.01སྡིག་པའི་ཟླ་བོ་དང་། སྡིག་པའི་སྟེན་གྲོགས་དག་དང་ལྷན་ཅིག་སྡིག་པ་སྟེན་ཅིང་ལམ་དུ་འགྲོ་བར་གྱུར་ན་དེ་དག་ལ་མཁན་པོ་དང་། སློབ་དཔོན་གྱིས་འདི་དག་སྡིག་པའི་གྲོགས་པོ་དང་། སྡིག་པའི་ཟླ་བོ་དང་། སྡིག་པའི་སྟེན་གྲོགས་ལ་སྟེན་པར་གྱུར་ན་མི་རུང་ངོ་སྙམ་པས་
D3.006.0183b06.01གོས་དག་འཕྲོག་གམ་འཕྲོག་ཏུ་འཇུད་པ་སྟེ། དེ་ལྟར་འདུལ་བའི་ཡོ་བྱད་ཀྱིས་སོ། །ལས་དང་པོ་པ་དང་། སྨྱོས་པ་དང་། སེམས་འཁྲུགས་པ་དང་། ཚོར་བ་དག་གིས་ཉེན་པ་ལ་ལྟུང་བ་མེད་དོ། །འཕྲོག་པའི་སྤང་བ་སྟེ་ཉི་ཤུ་ལྔ་པ་རྫོགས་{སྷོ,སོ}།། །།
D3.006.0183b07.01