完整藏文原文 · 德格版页 当前仅加载第 6 函德格 106b 版页；藏文 NFD、目录标记与异常页序保留在来源切片中，重复版页行以稳定序号区分。
གོས་དང་། ཟར་མའི་གོས་དང་། རས་བལ་གྱི་གོས་དང་། དུ་གུ་ལའི་གོས་དང་། ཀོ་ཏམ་པའི་གོས་དང་། ཉི་འོག་གི་གོས་ལས་གང་ཡང་རུང་བའོ། །སློང་ན་ཞེས་བྱ་བ་ནི་སློང་མོ་བྱེད་ནའོ། །དུས་མ་གཏོགས་ཏེ་ཞེས་བྱ་བ་ནི་དུས་བཞག་སྟེའོ། །སྤང་བའི་ལྟུང་བྱེད་དོ་ཞེས་
D3.006.0106b01.01བྱ་བ་ནི་དངོས་པོ་དེ་སྤངས་ནས་ལྟུང་བྱེད་ཀྱི་ལྟུང་བ་བཤགས་པར་བྱའོ། །དེ་ལ་དུས་ནི་འདི་ཡིན་ཏེ། དགེ་སློང་གོས་ཕྲོགས་སམ། ཞེས་བྱ་བ་ནི་འདི་ལྟ་སྟེ། དགེ་སློང་གི་གོས་དག་ཆོམ་རྐུན་པ་དག་གམ། གཡོན་ཅན་དག་གིས་ཕྲོགས་པར་གྱུར་པའོ། །གོས་རླག་གམ་ཞེས་
D3.006.0106b02.01བྱ་བ་ནི་འདི་ལྟ་སྟེ། དགེ་སློང་གི་གོས་དག་རླག་པར་གྱུར་པའམ། འཁྱམས་པར་གྱུར་པའོ། །གོས་ཚིག་གམ་ཞེས་བྱ་བ་ནི་འདི་ལྟ་སྟེ། དགེ་སློང་གི་གོས་དག་མེས་ཚིག་པར་གྱུར་པའོ། །གོས་རླུང་གིས་ཁྱེར་རམ་ཞེས་བྱ་བ་ནི་འདི་ལྟ་སྟེ། དགེ་སློང་གི་གོས་དག་རླུང་གིས་ཁྱེར་
D3.006.0106b03.01བར་གྱུར་པའོ། །གོས་ཆུས་ཁྱེར་ན་ཞེས་བྱ་བ་ནི་འདི་ལྟ་སྟེ། དགེ་སློང་གི་གོས་དག་ཆུས་ཁྱེར་བར་གྱུར་པའོ། །དེ་ལ་ལྟུང་བར་ཇི་ལྟར་འགྱུར་ཞེ་ན། རིན་ཐང་དང་། ཁ་དོག་དང་། ཁྲུ་ཚད་ལས་ཏེ། ཇི་ལྟར་རིན་ཐང་ལས་ཞེ་ན། དགེ་སློང་གི་གོས་ཀཱར་ཥཱ་པ་ཎ་ལྔ་རི་བ་སློང་
D3.006.0106b04.01བར་བྱེད་ཅིང་། དེས་ཀཱར་ཥཱ་པ་ཎ་ལྔ་རི་བའི་གོས་ཐོབ་ན་དེ་སློང་བ་ལ་ཉེས་བྱས་སུ་འགྱུར་ལ། ཐོབ་ན་སྤང་བའི་ལྟུང་བྱེད་དུ་འགྱུར་རོ། །ཀཱར་ཥཱ་པ་ཎ་ལྔ་རི་བ་ཇི་ལྟ་བ་དེ་བཞིན་དུ་ཀཱར་ཥཱ་པ་ཎ་བཅུ་རི་བ་དང་། ཀཱར་ཥཱ་པ་ཎ་{བཅྭ་,བཅོ་}ལྔ་རི་བ་དང་། ཀཱར་ཥཱ་པ་ཎ་ཉི་ཤུ་རི་བ་དང་། ཀཱར་ཥཱ་པ་ཎ་ལྔ་
D3.006.0106b05.01བཅུ་རི་བའི་བར་གྱི་གོས་སློང་བར་བྱེད་ཅིང་། དེས་ཀཱར་ཥཱ་པ་ཎ་ལྔ་བཅུ་རི་བའི་གོས་ཐོབ་ན་དེ་སློང་བ་ལ་ཉེས་བྱས་སུ་འགྱུར་ལ། ཐོབ་ན་སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་ཀཱར་ཥཱ་པ་ཎ་ལྔ་རི་བའི་གོས་སློང་བར་བྱེད་ཅིང་ལྷག་པ་ཐོབ་ན་དེ་སློང་བ་ལ་ཉེས་བྱས་སུ་འགྱུར་ལ།
D3.006.0106b06.01ལྷག་པ་ཐོབ་ན་ལྟུང་བ་མེད་དོ། །ཀཱར་ཥཱ་པ་ཎ་ལྔ་རི་བ་ཇི་ལྟ་བ་དེ་བཞིན་དུ་ཀཱར་ཥཱ་པ་ཎ་བཅུ་རི་བ་དང་། ཀཱར་ཥཱ་པ་ཎ་{བཅྭ་,བཅོ་}ལྔ་རི་བ་དང་། ཀཱར་ཥཱ་པ་ཎ་ཉི་ཤུ་རི་བ་དང་། ཀཱར་ཥཱ་པ་ཎ་ལྔ་བཅུའི་བར་རི་བའི་གོས་སློང་ཞིང་ལྷག་པ་ཐོབ་ན་དེ་སློང་བ་ལ་ཉེས་བྱས་སུ་འགྱུར་ལ། ལྷག་
D3.006.0106b07.01