完整藏文原文 · 德格版页 当前仅加载第 6 函德格 103a 版页；藏文 NFD、目录标记与异常页序保留在来源切片中，重复版页行以稳定序号区分。
བཞིན་དུ་ལོངས་སྤྱོད་དག་མངོན་པར་བསྒྲུབ་པའི་ཕྱིར་སྤྲོ་བར་བྱེད། འབད་པར་བྱེད། རྩོལ་བར་བྱེད་པ་གང་ཡིན་པ་དེ་དག་ཐམས་ཅད་བདག་གི་ཕྱིར་བྱའོ་སྙམ་པ་ཡིན་པས་བདག་ལས་མེད་པར་འདུག་པ་ནི་བདག་གི་ཚུལ་དང་མཐུན་པ་མ་ཡིན་ནོ་སྙམ་ནས། དེས་ཚོང་
D3.006.0103a01.01དུས་སུ་སོང་སྟེ་རས་བལ་བཟང་པོ་བླངས་ནས་དོག་པ་བཟང་པོ་བཀལ་ཏེ། ཐ་ག་པ་མཁས་པ་ལ་རས་ཟུང་བཟང་པོ་འཐག་ཏུ་བཅུག་ནས། དེས་རས་དེ་སྤོས་སྣ་ཚོགས་ཀྱིས་བསྒོས་ཏེ་གོས་ཀྱི་ཟ་མ་ཏོག་ཏུ་བཅུག་སྟེ་བཞག་གོ། །ཁྱིམ་བདག་དེས་ཀྱང་དོན་ལེགས་པར་གྲུབ་ནས་ཁེ་
D3.006.0103a02.01སྤོགས་རྙེད་དེ་ལེགས་པར་འོངས་ནས་ཆུང་མ་དེས་ཁྱིམ་བདག་དེ་ཁྲུས་བྱས་ནས་དེ་ལ་རས་ཟུང་དེ་ཕུལ་ལོ། །ཁྱིམ་བདག་དེས་བསམས་པ། བདག་གིས་འདི་ལ་ཁ་ཟས་ཙམ་བཞག་པ་གང་ཡིན་པ་དེ་དག་ཐམས་ཅད་ཀྱིས་ཀྱང་རས་ཟུང་འདི་མི་རྙེད་དོ་སྙམ་དུ་རིག་ནས་ཆུང་མ་ལ་སྨྲས་པ།
D3.006.0103a03.01བཟང་མོ་རས་ཟུང་འདི་ག་ལས་རྙེད། རྗེའི་སྲས་ཇེ་གསོལ་ཅིག །ཁྱིམ་བདག་དེས་དེ་གྱོན་ནས་ཡང་སྨྲས་པ། བཟང་མོ་རས་ཟུང་འདི་ག་ལས་རྙེད། རྗེའི་སྲས་ཇེ་བཤོས་མནོབས་ཤིག །དེས་ཟན་ཟོས་ནས་ཡང་དྲིས་པ། བཟང་མོ་རས་ཟུང་འདི་ག་ལས་རྙེད། དེས་སྐབས་
D3.006.0103a04.01དེ་རྒྱས་པར་བརྗོད་པ་དང་། ཁྱིམ་བདག་གིས་སྨྲས་པ། བཟང་མོ་ལེགས་སོ། །ཁོ་བོ་ནི་སྒྲུབ་པ་ཡིན་ལ། ཁྱོད་ཀྱང་འདི་ལྟར་སྦེད་པ་ཡིན་ན། བདག་ཅག་གི་ལོངས་སྤྱོད་དག་རིང་པོ་མི་ཐོགས་པ་ཁོ་ནར་འཕེལ་ཞིང་རྒྱས་པ་དང་། ཡངས་པར་འགྱུར་རོ། །ཆུང་མས་སྨྲས་པ།
D3.006.0103a05.01རྗེའི་སྲས་འདི་ནི་བདག་གིས་དཀའ་བས་བསྒྲུབས་པ་ལགས་ཀྱིས། ཁྱོད་ཀྱིས་སུ་ལ་ཡང་མ་སྩོལ་ཅིག །ཁྱིམ་བདག་དེ་དད་པ་དང་ལྡན་པ། བཟང་བ། དགེ་བའི་བསམ་པ་ཅན་ཡིན་པས་དེ་བཅོམ་ལྡན་འདས་ཀྱི་ཞབས་ལ་ཕྱག་འཚལ་དུ་རྒྱལ་བྱེད་ཀྱི་ཚལ་དུ་བྱུང་སྟེ་འགྲོ་བ་ན་མི་སྒོ་བས་
D3.006.0103a06.01མཐོང་ནས་དེས་བསམས་པ། ཁྱིམ་བདག་འདི་རས་ཟུང་འདི་ལྟ་བུ་གྱོན་པ་ལས་ན་འདིས་ནི་རྙེད་པ་མང་པོ་རྙེད་པ་ཡིན་ནོ་སྙམ་མོ། །དྲུག་སྡེ་དག་གི་ཀུན་དུ་སྤྱོད་པ་ནི་དྲུག་སྡེ་དག་ལས་གང་ཡང་རུང་བས་རྒྱལ་བྱེད་ཀྱི་ཚལ་གྱི་སྒོ་སྟོང་པར་མི་འཇོག་པས་ཉེ་དགའ་རྒྱལ་བྱེད་ཀྱི་ཚལ་གྱི་སྒོ་ན་འཆག་
D3.006.0103a07.01