完整藏文原文 · 德格版页 当前仅加载第 6 函德格 190b 版页；藏文 NFD、目录标记与异常页序保留在来源切片中，重复版页行以稳定序号区分。
བྱམས་པ་དང་། མཛའ་བཤེས་དང་། རྩ་ལག་གི་ཚོགས་ཀྱིས་ཀྱང་མ་བགྱིས་ཏེ། ཁྲག་དང་མཆི་མའི་རྒྱ་མཚོ་ནི་བསྐམས། རུས་པའི་རི་དག་ལས་ནི་བསྒྲལ། ངན་སོང་གི་སྒོ་དག་ནི་བཀུམ། མཐོ་རིས་དང་ཐར་པའི་སྒོ་དག་ནི་ཕྱེ། སེམས་ཅན་དམྱལ་བ་དང་། དུད་འགྲོ་དང་
D3.006.0190b01.01{ཡི་དགས་,ཡི་དྭགས་}དག་ནས་ནི་རྐང་པ་ཕྱུང་། ལྷ་དང་མི་རྣམས་ཀྱི་ནང་དུ་ནི་བཞག །འཁོར་བ་ནི་མཐར་བགྱིས། ཐོག་མ་མ་མཆིས་པའི་དུས་ནས་བསགས་པའི་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ་ཡེ་ཤེས་ཀྱི་རྡོ་རྗེས་བཅོམ་སྟེ་རྒྱུན་དུ་ཞུགས་པའི་འབྲས་བུ་ནི་ཐོབ་སྟེ།
D3.006.0190b02.01འཕགས་མ་བདག་ཅག་ནི་མངོན་པར་ཞུགས་པ་ལགས་སོ། །འཕགས་མ་བདག་ཅག་ནི་མངོན་པར་ཞུགས་པ་ལགས་ཏེ། འཕགས་མ་བདག་ཅག་བཅོམ་ལྡན་འདས་དང་། ཆོས་དང་། དགེ་སློང་གི་དགེ་འདུན་ལ་སྐྱབས་སུ་མཆིས། བདག་ཅག་དགེ་བསྙེན་མར་
D3.006.0190b03.01གཟུང་དུ་གསོལ། དེང་སླན་ཆད་ཇི་སྲིད་འཚོའི་བར་དུ་གློ་བ་ཐག་པ་ནས་སྐྱབས་སུ་མཆིའོ། །དེ་དག་མངོན་པར་དད་པར་གྱུར་ནས་ཁྱིམ་ཁྱིམ་དུ་དོང་སྟེ་ཁྱིམ་ཆག་ཆག་བཏབ། ལེགས་པར་བྱུགས། ལྕི་བ་སར་པའི་བྱུག་པས་བསྐུས་ཏེ་སྤྱོད་ལམ་ཞི་བས་འཁོད་དོ་དེ་དག་གི་
D3.006.0190b04.01ཁྱིམ་ཐབ་དག་དམག་གི་གནས་ནས་ཕྱིར་འོང་བ་ན་བསམས་པ། བདག་ཅག་གི་ཆུང་མ་གླང་པོ་ཆེ་འཚོ་བའམ། བ་ལང་རྫིའམ། སུ་ཞིག་དང་ལྷན་ཅིག་དགའ་མགུར་སྤྱོད་པར་བྱེད་ཅིང་འདུག་སྙམ་མོ། །དེ་དག་གིས་བདག་ཅག་གི་ཁྱིམ་ཐབ་དག་འོངས་ཞེས་ཐོས་སོ། །
D3.006.0190b05.01ཐོས་ནས་ཀྱང་བཤེས་པ་དང་བཅས་པའི་ཚིག་གིས་རྗེའི་སྲས་དག་བྱོན་པ་ལེགས་སོ། །བྱོན་པ་ལེགས་སོ་ཞེས་བསུ་ནས་དེ་དག་རང་རང་གི་ཁྱིམ་དུ་དོང་བ་དང་། དེ་དག་རང་རང་གི་ཆུང་མ་དག་གིས་བསྐུ་མཉེ་དང་དྲིལ་ཕྱི་བྱས་ཏེ་ཁྲུས་བྱས་ནས་ལེགས་པར་བསྐུས་ཏེ་ཟས་
D3.006.0190b06.01བྱིན་ནོ། །དེ་དག་གིས་བསམས་པ། འདི་དག་གི་སྤྱོད་ལམ་འདི་ལྟ་བུ་ནི་སྔོན་མ་བྱུང་ངོ་སྙམ་ནས་དེ་དག་ལ་དྲིས་པ། བཟང་མོ་དག་ཁྱེད་ཀྱི་སྤྱོད་ལམ་འདི་ལྟ་བུ་འདི་སྔོན་མ་བྱུང་བ་ཡིན་ན་ཇི་ལས་གྱུར། དེ་དག་གིས་སྨྲས་པ། རྗེའི་སྲས་དག་འཕགས་མ་ཆོས་བྱིན་
D3.006.0190b07.01