完整藏文原文 · 德格版页 当前仅加载第 6 函德格 58a 版页；藏文 NFD、目录标记与异常页序保留在来源切片中，重复版页行以稳定序号区分。
ཀུན་དགའི་ར་བ་རབ་ཏུ་མང་པོ་གང་དག་ཡིན་པའོ། །དེ་དག་གི་ཉེན་ཀོར་གང་ཞེ་ན། སོ་སོ་ཐ་དད་པའོ། །ཅི་ཞིག་ཐུན་མོང་ཡིན་ཞེ་ན། ཅི་ཡང་མ་ཡིན་ནོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བ་འཁོར་གྱིས་ཞུས་པ། བཙུན་པ་དགེ་སློང་
D3.006.0058a01.01གིས་ཆོས་གོས་དག་དགེ་སློང་ལ་གཏད་དེ་འགྲོ་ན་ལམ་དུ་མཆི་ན། བཙུན་པ་དེའི་ཉེན་ཀོར་གང་ལགས། ཉེ་བ་འཁོར་ངས་བྲམ་ཟེ་གྲོ་ཞིན་སྐྱེས་ལ་ཨ་མྲའི་སྡོང་པོ་ཤིན་ཏུ་མེ་ཏོག་ཕུན་སུམ་ཚོགས་པ། འབྲས་བུ་ཕུན་སུམ་ཚོགས་པ། ཡལ་ག་ཕུན་སུམ་ཚོགས་པ། འདོམ་བདུན་
D3.006.0058a02.01གྱིས་བར་དུ་ཆོད་པའི་ཨ་མྲའི་སྡོང་པོ་བདུན་པོ་གང་དག་ཡིན་པ་དེ་དག་ལ་འདོམ་བཞི་བཅུ་རྩ་དགུ་ཡོད་པར་བསྟན་པ་དེ་ནི་དགེ་སློང་ལམ་དུ་ཞུགས་པའི་ཆོས་གོས་དག་གི་ཉེན་ཀོར་ཡིན་ནོ། །འགྲེང་བ་དང་། འདུག་པ་དང་། ཉལ་བའི་ཉེན་ཀོར་ནི་འདོམ་གང་ཁོ་ར་ཁོར་ཡུག་གོ། །ཐད་
D3.006.0058a03.01ཀར་འགྲོ་བའི་ཉེན་ཀོར་ཡང་འདོམ་གང་ཁོ་ར་ཁོར་ཡུག་གོ། །ཐད་ཀར་འགྲེང་བ་དང་། འདུག་པ་དང་ཉལ་བའི་ཉེན་ཀོར་ཡང་འདོམ་གང་ཁོ་ར་ཁོར་ཡུག་གོ། །བཙུན་པ་དགེ་སློང་མཚམས་གཞན་དུ་མཆིས་ནས། ཉལ་བར་བགྱིད་ན་དེའི་ཆོས་གོས་དག་གི་ཉེན་ཀོར་གང་ལགས།
D3.006.0058a04.01ཉེ་བ་འཁོར་ཇི་ཙམ་དུ་ཆོས་གོས་ཀྱི་གྲྭ་ལུས་དང་མ་འབྲལ་བ་ཚུན་ཅད་དོ། །དགེ་སློང་གིས་ཆོས་གོས་སྤང་བར་གྱུར་ན་དེ་མ་སྤངས་ཤིང་བྲལ་བར་མ་བྱས་ལ་ལྟུང་བ་མ་བཤགས་པར་གཞན་ཞིག་རྙེད་ན་དེ་ཡང་སྔ་མའི་རྒྱུད་ཀྱིས་སྤང་བར་འགྱུར་རོ། །དགེ་སློང་གིས་ཆོས་གོས་སྤང་བར་གྱུར་ན། དེ་
D3.006.0058a05.01སྤངས་ཤིང་བྲལ་བར་མ་བྱས་ལ་ལྟུང་བ་མ་བཤགས་པར་གཞན་ཞིག་རྙེད་ན་དེ་ཡང་སྔ་མའི་རྒྱུད་ཀྱིས་སྤང་བར་འགྱུར་རོ། །དགེ་སློང་གིས་ཆོས་གོས་སྤང་བར་གྱུར་ན། དེ་སྤངས་ཤིང་བྲལ་བར་བྱས་ལ་ལྟུང་བ་མ་བཤགས་པར་གཞན་ཞིག་རྙེད་ན་དེ་ཡང་སྔ་མའི་རྒྱུད་ཀྱིས་སྤང་བར་འགྱུར་རོ། །
D3.006.0058a06.01དགེ་སློང་གིས་ཆོས་གོས་སྤང་བར་གྱུར་ན། དེ་སྤངས་ཤིང་བྲལ་བར་བྱས་ལ་ལྟུང་བ་བཤགས་ནས་གཞན་ཞིག་རྙེད་ན་དེ་ལ་ལྟུང་བ་མེད་དོ། །དེ་བཞིན་དུ་དགེ་སློང་གིས་ཇི་སྲིད་དུ་སྤང་བའི་དངོས་པོ་དེས་མ་བཤགས་ཤིང་སོ་སོར་མ་བཤགས་པར་ལྷུང་བཟེད་དམ། ཆོས་གོས་སམ།
D3.006.0058a07.01