完整藏文原文 · 德格版页 当前仅加载第 6 函德格 259a 版页；藏文 NFD、目录标记与异常页序保留在来源切片中，重复版页行以稳定序号区分。
ལོག་པར་ལྟུང་བ་དག་ཏུ་སྲེག་པར་བྱེད། འཚོད་པར་བྱེད། ལྟུང་བར་བྱེད་པའོ། །གཞན་ཡང་ལྟུང་བ་དེ་མ་བཤགས་ཤིང་སོ་སོར་མ་བཤགས་ན་དགེ་བའི་ཆོས་རྣམས་ལ་སྒྲིབ་པར་བྱེད་པ་སྟེ། དེས་ན་ལྟུང་བྱེད་དོ་ཞེས་གསུངས་སོ། །དེ་ལ་ལྟུང་བར་ཇི་ལྟར་
D3.006.0259a01.01འགྱུར་ཞེ་ན། དགེ་སློང་སྟེང་གི་ཁང་ཐོག་ཏུ་བུད་མེད་ཀྱི་ཡུལ་ལ་ཆོས་སྟོན་པར་བྱེད་ན། དེས་ཚིག་ལྔའམ། དྲུག་གིས་ཆོས་བསྟན་པར་བྱ་སྟེ། དགེ་སློང་གིས་ཚིག་ལྔས་ཆོས་སྟོན་པ་ན་བསམས་བཞིན་དུ་ཚིག་དྲུག་པ་ལ་ཐལ་བར་བྱེད་ན་ལྟུང་བྱེད་དུ་འགྱུར་རོ། །ཚིག་དྲུག་
D3.006.0259a02.01གིས་ཆོས་སྟོན་པ་ན་བསམས་བཞིན་དུ་ཚིག་བདུན་པ་ལ་ཐལ་བར་བྱེད་ན་ལྟུང་བྱེད་དུ་འགྱུར་རོ། །ཆོས་བསྟན་ནས་ཁང་ཐོག་བར་མར་ཞུགས་པ་ན་དེའི་ཕྱི་བཞིན་འོང་ཞིང་འཕགས་པ་ཆོས་བསྟན་དུ་གསོལ་ཞེས་ཟེར་ན་དེ་ལ་སྲིང་མོ་ཁྱོད་ལ་ཆོས་བསྟན་ཟིན་ཏོ་ཞེས་བྱས་
D3.006.0259a03.01ནས། འཕགས་པ་འདིར་ཡང་ཆོས་བསྟན་དུ་གསོལ་ཞེས་ཟེར་ན་དེར་ཡང་ཚིག་ལྔའམ་དྲུག་གིས་ཆོས་བསྟན་པར་བྱ་སྟེ། དགེ་སློང་གིས་ཚིག་ལྔས་ཆོས་སྟོན་པ་ན་བསམས་བཞིན་དུ་ཚིག་དྲུག་པ་ལ་ཐལ་བར་བྱེད་ན་ལྟུང་བྱེད་དུ་འགྱུར་རོ། །ཚིག་དྲུག་གིས་
D3.006.0259a04.01ཆོས་སྟོན་པ་ན་བསམས་བཞིན་དུ་ཚིག་བདུན་པ་ལ་ཐལ་བར་བྱེད་ན་ལྟུང་བྱེད་དུ་འགྱུར་རོ། །འོག་གཞིའི་ས་དང་། སྒོ་ཁང་དང་། བང་རིམ་གྱི་བར་དུ་ཡང་དེ་བཞིན་དུ་སྦྱར་རོ། །བུད་མེད་ཀྱི་ཡུལ་མཁས་པའི་རང་བཞིན་ཅན་གྱིས་གོང་ནས་གོང་དུ་དྲིས་པ་
D3.006.0259a05.01གཏན་ལ་དབབ་པ་བྱས་པ་དང་། སློབ་གཉེར་གསོད་པ་དང་། ཁ་ཏོན་ཞུ་བ་དང་། དམིགས་ཀྱིས་འདྲི་བ་དང་། དུས་ཁྲིམས་དཔོག་པ་དང་། ཡོན་བཤད་པ་བྱེད་པ་ལ་ལྟུང་བ་མེད་དོ། །དགེ་སློང་གིས་ཇི་ཙམ་འདོད་པ་བཀག་པ་དང་། ལྡབ་ལྡིབ་ཅན་དང་། སྨྲ་བ་
D3.006.0259a06.01མྱུར་བ་ལ་ལྟུང་བ་མེད་དོ། །ལས་དང་པོ་པ་དང་། སྨྱོས་པ་དང་། སེམས་འཁྲུགས་པ་དང་། ཚོར་བ་དག་གིས་ཉེན་པ་ལ་ལྟུང་བ་མེད་དོ། །སྟོན་པའི་ལྟུང་བྱེད་དེ་ལྔ་པ་རྫོགས་{སྷོ,སོ}།། །།སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་
D3.006.0259a07.01