完整藏文原文 · 德格版页 当前仅加载第 6 函德格 4a 版页；藏文 NFD、目录标记与异常页序保留在来源切片中，重复版页行以稳定序号区分。
ཤིང་ཀུན་ནས་ཉོན་མོངས་པ་མེད་དོ་ཞེས་དམ་འཆའ་བར་བྱེད་དེ། ང་ལ་ཉན་ཐོས་རྣམས་བརྡ་སྤྲོད་པ་ཕུན་སུམ་ཚོགས་པའི་སྒོ་ནས་རྗེས་སུ་སྲུང་བ་བྱ་བར་མི་སེམས་ཤིང་། ང་ཡང་ཉན་ཐོས་རྣམས་ལས་བརྡ་སྤྲོད་པ་ཕུན་སུམ་ཚོགས་པ་རྗེས་སུ་སྲུང་བ་རེ་བར་མི་བྱེད་
D3.006.0004a01.01དོ། །དགེ་སློང་དག་ང་ནི་ཆོས་འདུལ་བ་ལེགས་པར་གསུངས་པ་དང་ལྡན་པ་ཁོ་ན་ཡིན་པས་ངའི་ཆོས་འདུལ་བ་ལེགས་པར་གསུངས་པ་ཡིན་ཞིང་ཀུན་ནས་ཉོན་མོངས་པ་མེད་དོ་ཞེས་དམ་འཆའ་བར་བྱེད་དེ། ང་ལ་ཉན་ཐོས་རྣམས་ཆོས་འདུལ་བ་ལེགས་པར་གསུངས་པའི་སྒོ་ནས་
D3.006.0004a02.01རྗེས་སུ་བསྲུང་བ་བྱ་བར་མི་སེམས་ཤིང་། ང་ཡང་ཉན་ཐོས་རྣམས་ལས་ཆོས་འདུལ་བ་ལེགས་པར་བཤད་པ་རྗེས་སུ་སྲུང་བ་རེ་བར་མི་བྱེད་དོ། །དགེ་སློང་དག་ང་ནི་ཁྱེད་ལ་ཚར་བཅད་ཅིང་ཚར་བཅད་ཅིང་སྨྲ་བར་བྱེད་ཟིལ་གྱིས་མནན་ཅིང་ཟིལ་གྱིས་མནན་ཅིང་སྨྲ་བར་བྱེད་དེ། ཁྱེད་ལ་
D3.006.0004a03.01དབྱིག་ཏུ་མི་འཛིན་ཅིང་རྫ་མཁན་གྱི་སྣོད་སོ་མ་བཏང་བ་དག་བཞིན་དུ་གང་སྙིང་པོ་ཡོད་པ་དེ་འཇོག་པར་བྱེད་ཀྱིས་ངའི་ཚིག་གི་ལམ་དག་ལ་བཟོད་པར་གྱིས་ཤིག །དེ་ནས་ལྷས་བྱིན་གྱིས་ཀོ་ཀ་ལི་ཀ་དང་། ཁན་ད་དྲ་བྱ་དང་། ཀ་ཊ་མོ་ར་ཀ་ཏི་ཥྱ་དང་། རྒྱ་མཚོས་བྱིན་དག་ལ་སྨྲས་པ།
D3.006.0004a04.01ཀོ་ཀ་ལི་ཀ །ཁན་ད་དྲ་བྱ། ཀ་ཊ་མོ་ར་ཀ་ཏི་ཥྱ། རྒྱ་མཚོས་བྱིན་དག་ཁྱེད་ཅག་ཚུར་ཤེག །དགེ་སྦྱོང་གཽ་ཏ་མ་འདུག་བཞིན་དུ་ཉན་ཐོས་ཀྱི་དགེ་འདུན་མཐུན་པ་དབྱེ་བར་བྱ་ཞིང་འཁོར་ལོ་ཡང་དབྱེ་བར་བྱ་སྟེ། དེས་ན་བདག་ཅག་ཤི་ཞིང་། དུས་ལ་བབ་པ་དག་ལ་དགེ་སྦྱོང་གཽ་ཏ་
D3.006.0004a05.01མ་དེ་ཙམ་དུ་རྫུ་འཕྲུལ་ཆེ་བ། དེ་ཙམ་དུ་མཐུ་ཆེ་བ་འདུག་བཞིན་དུ་ལྷས་བྱིན་དང་། ཀོ་ཀ་ལི་ཀ་དང་། ཁན་ད་དྲ་བྱ་དང་། ཀ་ཊ་མོ་ར་ཀ་ཏི་ཥྱ་དང་། རྒྱ་མཚོས་བྱིན་གྱིས་ཉན་ཐོས་ཀྱི་དགེ་འདུན་མཐུན་པ་ཕྱེ་ཞིང་འཁོར་ལོ་ཡང་དབྱེ་བ་བྱས་སོ་ཞེས་ཕྱོགས་དང་ཕྱོགས་མཚམས་
D3.006.0004a06.01རྣམས་སུ་སྙན་པའི་སྒྲའི་ཚོགས་རྒྱ་ཆེན་པོ་དགེ་བ་མངོན་པར་གྲགས་པར་འགྱུར་རོ། །ལྷས་བྱིན་བདག་ཅག་གིས་དེ་ལྟར་བྱར་མི་ནུས་ཏེ། དེ་ཅིའི་ཕྱིར་ཞེ་ན། བཅོམ་ལྡན་འདས་ཀྱི་ཉན་ཐོས་མཐུ་ཆེ་བ། རྫུ་འཕྲུལ་ཆེ་བ། ལྷའི་མིག་དང་ལྡན་པ། གཞན་གྱི་སེམས་
D3.006.0004a07.01