完整藏文原文 · 德格版页 当前仅加载第 6 函德格 149b 版页；藏文 NFD、目录标记与异常页序保留在来源切片中，重复版页行以稳定序号区分。
བརླབ་བོ། །དངོས་པོ་རུང་བ་མ་ལགས་པ་འདིས་དངོས་པོ་རུང་བ་བསྒྲུབ་པར་བགྱིའོ། །དེ་བཞིན་དུ་ལན་གཉིས་ལན་གསུམ་དུ་བརྗོད་པར་བྱ་སྟེ། འདི་ལ་འགྱོད་པར་མི་བྱའོ། །བྲམ་ཟེ་དང་ཁྱིམ་བདག་དད་པ་ཅན་དག་གིས་མཐའ་འཁོབ་དག་ཏུ་གཙུག་ལག་ཁང་དག་བྱེད་དུ་བཅུག་ནས་དེ་ན་དུས་དང་
D3.006.0149b01.01དུས་སུ་སྐྲག་པ་དག་བྱུང་ནས་དགེ་སློང་དག་གིས་གཙུག་ལག་ཁང་སྟོང་པར་བོར་ཏེ་བྱེར་རོ་མ་བྱིན་པར་ལེན་པ་དག་གིས་གཙུག་ལག་ཁང་སྟོང་པར་རིག་ནས་གཙུག་ལག་ཁང་བཅོམ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་འདུན་བྱེའམ། མཆོད་རྟེན་གྱི་དབྱིག་དང་གསེར་
D3.006.0149b02.01སྦས་ཏེ་འགྲོ་བར་བྱའོ། །བཅོམ་ལྡན་འདས་ཀྱིས་སྦ་བར་བྱའོ་ཞེས་བཀའ་སྩལ་པ་དང་། དེ་དག་གིས་གང་གིས་སྦ་བར་བྱ་བ་མི་ཤེས་ནས་བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་ར་བ་པའམ། དགེ་བསྙེན་གྱིས་སྦ་བར་བྱའོ། །གང་དག་སྦེད་པར་བྱེད་པ་དེ་དག་ཉིད་རྐུ་བར་བྱེད་
D3.006.0149b03.01ནས་བཅོམ་ལྡན་འདས་ཀྱིས་བཀའ་སྩལ་པ། དགེ་བསྙེན་དད་པ་ཅན་གྱིས་སྦ་བར་བྱའོ། །དགེ་བསྙེན་དད་པ་ཅན་མེད་ན་དགེ་ཚུལ་གྱིས་སྦ་བར་བྱའོ། །དགེ་ཚུལ་མེད་ན་དགེ་སློང་དག་གིས་རང་གིས་སྦ་བར་བྱའོ། །དེ་ལ་དོང་བརྐོ་བར་བྱ་བ་ཡོད་ནས་གང་གིས་བརྐོ་བར་བྱ་བ་མི་ཤེས་ནས་བཅོམ་ལྡན་འདས་ཀྱིས་
D3.006.0149b04.01བཀའ་སྩལ་པ། ཀུན་དགའ་ར་བ་པའམ། དགེ་བསྙེན་གྱིས་བརྐོ་བར་བྱའོ། །དེ་ཉིད་རྐུ་བར་བྱེད་ནས་བཅོམ་ལྡན་འདས་ཀྱིས་བཀའ་སྩལ་པ། དགེ་བསྙེན་དད་པ་ཅན་གྱིས་བརྐོ་བར་བྱའོ། །དགེ་བསྙེན་དད་པ་ཅན་མེད་ན་དགེ་ཚུལ་གྱིས་བརྐོ་བར་བྱའོ། །དགེ་ཚུལ་མེད་ན་དགེ་སློང་དག་གིས་རང་གིས་བརྐོ་བར་
D3.006.0149b05.01བྱའོ། །འཇིགས་པ་དང་བྲལ་ན་རྣམ་པ་དེ་ལྟ་བུ་ཉིད་ཀྱིས་ཕྱུང་སྟེ་དགེ་འདུན་ལ་དབུལ་བར་བྱའོ། །དགེ་སློང་དག་ངས་ཕོངས་པའི་དུས་དག་ཏུ་གནང་བ་གང་ཡིན་པ་དེ་བདེ་བའི་གནས་སྐབས་དག་ཏུ་སྤྱད་པར་མི་བྱ་སྟེ། སྤྱོད་ན་འགལ་ཚབས་ཅན་དུ་འགྱུར་རོ། །ལས་དང་པོ་པ་དང་། སྨྱོས་པ་དང་།
D3.006.0149b06.01སེམས་འཁྲུགས་པ་དང་། ཚོར་བ་དག་གིས་ཉེན་པ་ལ་ལྟུང་བ་མེད་དོ། །གསེར་དངུལ་ལ་རེག་པའི་སྤང་བ་སྟེ་{བཅྭ་,བཅོ་}བརྒྱད་པ་རྫོགས་{སྷོ,སོ}།། །།སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །གང་གི་ཚེ་བཅོམ་ལྡན་
D3.006.0149b07.01