完整藏文原文 · 德格版页 当前仅加载第 6 函德格 256b 版页；藏文 NFD、目录标记与异常页序保留在来源切片中，重复版页行以稳定序号区分。
བསམས་བཞིན་དུ་བདག་ཅག་འཐབ་ཏུ་བཅུག་གོ་ཞེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་དོ། །དེ་དག་ཐེ་ཚོམ་སྐྱེས་ནས་དགེ་སློང་གནས་བརྟན་གནས་བརྟན་དག་བསོད་སྙོམས་ལ་ཞུགས་པ་ན་དེ་དག་གིས་དེ་དག་ལ་དྲིས་པ། འཕགས་
D3.006.0256b01.01པ་དག་འཕགས་པ་འཆར་ཀ་དགེ་སློང་ཇི་ལྟ་བུ་ལགས། སྲིང་མོ་དག་དེ་ནི་མདུན་ན་འདོན་གྱི་བུ་ལས་རབ་ཏུ་བྱུང་བ་དགེ་སློང་ཚུལ་ཁྲིམས་དང་ལྡན་པ་ཡིན་ནོ། །འཕགས་པ་དག་གལ་ཏེ་དགེ་སློང་ཚུལ་ཁྲིམས་དང་ལྡན་པ་ལགས་ན་དེས་ཇི་ལྟར་བུད་མེད་ཀྱི་ཡུལ་གྱི་
D3.006.0256b02.01གསང་བའི་ཕྱོགས་དག་ན་ཤ་རྨན་མཆིས་པ་དག་འཚལ། དེ་དག་གིས་སྨྲས་པ། སྲིང་མོ་དག་དེས་ཤ་མཚན་བརྟགས་པའི་རིག་པ་ཤེས་པས་དེའི་མཐུས་ཤེས་སོ། །འཕགས་པ་དག་ཅི་ཇི་ཙམ་འཚལ་བ་དེ་དག་ཐམས་ཅད་བསྟན་པར་བགྱིའམ་ཞེས་སྨོད་
D3.006.0256b03.01པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་འདི་སྙམ་དུ་དགོངས་ཏེ། གང་གི་ཕྱིར་ཉེས་དམིགས་ཅུང་ཟད་ཅི་བྱུང་བ་དེ་དག་ཐམས་ཅད་དགེ་སློང་དག་
D3.006.0256b04.01བུད་མེད་ཀྱི་ཡུལ་ལ་ཆོས་སྟོན་པ་ལས་གྱུར་པ་ཡིན་གྱིས། དེའི་ཕྱིར་དགེ་སློང་གིས་བུད་མེད་ཀྱི་ཡུལ་ལ་ཆོས་བསྟན་པར་མི་བྱའོ་སྙམ་དུ་དགོངས་ནས་དེ་ལྟ་བས་ན་དགེ་སློང་གིས་བུད་མེད་ཀྱི་ཡུལ་ལ་ཆོས་བསྟན་པར་མི་བྱའོ་ཞེས་བཀའ་སྩལ་ཏོ། །བཅོམ་ལྡན་འདས་
D3.006.0256b05.01ཀྱིས་དགེ་སློང་གིས་བུད་མེད་ཀྱི་ཡུལ་ལ་ཆོས་བསྟན་པར་མི་བྱའོ་ཞེས་བཀའ་སྩལ་ནས་དགེ་སློང་དག་བསོད་སྙོམས་ལ་ཞུགས་པ་ན་བུད་མེད་ཀྱི་ཡུལ་དག་གིས་སྨྲས་པ། འཕགས་པ་དག་ཆོས་བསྟན་དུ་གསོལ། སྲིང་མོ་དག་བཅོམ་ལྡན་འདས་ཀྱིས་མ་གནང་
D3.006.0256b06.01ངོ་། །དེ་དག་གིས་སྨྲས་པ། གལ་ཏེ་ཁྱོད་ཆོས་མི་སྟོན་ན་བདག་ཅག་ཀྱང་བསོད་སྙོམས་མི་འབུལ་ལོ་ཞེས་ཟེར་བའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། ཚིག་ལྔས་ཆོས་བསྟན་པར་བྱ་སྟེ།
D3.006.0256b07.01