完整藏文原文 · 德格版页 当前仅加载第 6 函德格 74b 版页；藏文 NFD、目录标记与异常页序保留在来源切片中，重复版页行以稳定序号区分。
པ་དེ་སླར་བསྡུ་བ་མཛད་ནས་ནྱ་གྲོ་དྷའི་ཀུན་དགའ་ར་བར་གཤེགས་ཏེ། དགེ་སློང་གི་དགེ་འདུན་གྱི་གོང་དུ་གདན་བཤམས་པ་ཉིད་ལ་བཞུགས་སོ། །དེ་ནས་རྒྱལ་པོ་ཟས་གཙང་དང་། བྲེ་བོ་ཟས་དང་། ཟས་དཀར་དང་། བདུད་རྩི་ཟས་དང་། ཤཱཀྱ་འབུམ་ཕྲག་དུ་མ་དག་
D3.006.0074b01.01གིས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འཁོད་དོ། །ཤཱཀྱ་ཁ་ཅིག་ནི་བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་ཏེ་མཐའ་གཅིག་ཏུ་འཁོད་དོ། །ཤཱཀྱ་ཁ་ཅིག་ནི་ཐག་རིང་པོ་ཁོ་ན་ནས་བཅོམ་ལྡན་འདས་མཐོང་ནས་ཅང་མི་
D3.006.0074b02.01སྨྲ་བར་མཐའ་གཅིག་ཏུ་འཁོད་དོ། །དེ་ནས་རྒྱལ་པོ་ཟས་གཙང་གིས་བཅོམ་ལྡན་འདས་ལ་ཚིགས་སུ་བཅད་པའི་སྐད་ཀྱིས་ཞུ་བ་ཞུས་པ། དཔའ་བོ་བཅིབས་པ་གླང་པོ་དང་། །ཆིབས་དང་ཤིང་རྟས་ཁབ་གཤེགས་ན། །ཚེར་བཅས་དོག་སའི་གཞི་དག་ལ། །ཇི་ལྟར་
D3.006.0074b03.01ཞབས་ཀྱིས་གཤེགས་པ་མཛད། །བཅོམ་ལྡན་འདས་ཀྱིས་བཀའ་སྩལ་པ། བདག་ནི་རྫུ་འཕྲུལ་རྐང་པ་དང་། །ཡང་དག་སྩོལ་བའི་བཞོན་པ་ཡིས། །ཉོན་མོངས་ཚེར་མས་མ་སྨས་པར། །ས་གཞི་ཀུན་ཏུ་རྣམ་པར་རྒྱུ། །རྒྱལ་པོས་གསོལ་པ། དཔའ་བོ་སྔན་
D3.006.0074b04.01ཆད་ཀ་ཤི་ཀའི། །ན་བཟའ་གསོལ་བས་རྣམ་མཛེས་ན། །ངུར་སྨྲིག་ན་བཟའ་རྩུབ་པོ་དག །ཇི་ལྟར་ཁྱོད་སྐུས་བཟོད་པར་མཛད། །བཅོམ་ལྡན་འདས་ཀྱིས་བཀའ་སྩལ་པ། རྒྱལ་པོ་བདག་ནི་ཁྲེལ་འཛེམ་པའི། །སྣམ་སྦྱར་གོས་གྱོན་མཛེས་པ་ཡིན། །གང་གིས་
D3.006.0074b05.01ཐུབ་པའི་གོས་གྱོན་པ། །ཞི་བའི་ནགས་ན་མཛེས་པར་འགྱུར། །རྒྱལ་པོས་གསོལ་པ། བརྟན་པ་སྔན་ཆད་གསེར་སྣོད་ནས། །ཞལ་ཟས་རོ་མང་ལྡན་གསོལ་ནས། །ད་ལྟར་བསོད་སྙོམས་ངན་པ་དག །ཇི་ལྟར་ཁྱོད་ཀྱི་མགུར་དུ་བྱོན། །བཅོམ་ལྡན་འདས་ཀྱིས་བཀའ་
D3.006.0074b06.01སྩལ་པ། ཆོས་ལྡན་དགའ་བ་དག་གི་ཟས། །ངེས་འབྱུང་ལྡན་ཞིང་མཉམ་བཞག་ཡིན། །ཟས་སྲེད་སྤངས་ཀྱང་འཇིག་རྟེན་ཀུན། །རྗེས་སུ་གཟུང་ཕྱིར་བདག་སྤྱོད་བྱེད། །རྒྱལ་པོས་གསོལ་པ། བློ་བཟང་ཁྱོད་སྔོན་ཡང་ཐོག་གི། །གཞལ་མེད་ཁང་སྟེང་དུས་མཐུན་
D3.006.0074b07.01