完整藏文原文 · 德格版页 当前仅加载第 6 函德格 91b 版页；藏文 NFD、目录标记与异常页序保留在来源切片中，重复版页行以稳定序号区分。
བདག་གིས་ལྐུགས་པ་ཉིད་དུ་བསྟན་ཏེ་འདུག་པར་བྱའོ་སྙམ་ནས། དེས་ཆེད་དུ་བསམས་ཏེ་ལྐུགས་པ་ཉིད་དུ་བསྟན་ཏེ་འདུག་གོ། །དེ་ནས་དུས་གཞན་ཞིག་ན་གཞོན་ནུ་ལྔ་བརྒྱ་པོ་དེ་དག་སྨྲ་ནུས་པར་གྱུར་ཏོ། །དེ་ནས་རྒྱལ་པོ་ཚངས་བྱིན་འདི་སྙམ་དུ་སེམས་ཏེ། གལ་
D3.006.0091b01.01ཏེ་བདག་གི་གཞོན་ནུ་ཆུ་སྐྱེས་ཀྱང་ལྐུགས་པར་མ་གྱུར་དུ་ཟིན་ན་དེ་ཡང་དེ་ཙམ་སྨྲ་ནུས་པར་འགྱུར་རོ་སྙམ་མོ། །དེའི་ཚེ་ན་གཞོན་ནུ་ཆུ་སྐྱེས་ཀྱི་མིང་གཞོན་ནུ་ཆུ་སྐྱེས་གཞོན་ནུ་ཆུ་སྐྱེས་ཞེས་བྱ་བ་གང་ཡིན་པ་དེ་ནུབ་པར་གྱུར་ཅིང་། གཞོན་ནུ་ལྐུགས་འཕྱེ་གཞོན་ནུ་ལྐུགས་འཕྱེ་ཞེས་
D3.006.0091b02.01བྱ་བའི་མིང་ཆགས་པར་གྱུར་ཏོ། །དེ་ནས་དུས་གཞན་ཞིག་ན་རྒྱལ་པོ་ཚངས་བྱིན་ལག་པ་ལ་འགྲམ་པ་གཏད་དེ་སེམས་ཁོང་དུ་ཆུད་ཅིང་འདུག་ནས། བློན་པོ་རྣམས་ཀྱིས་སྨྲས་པ། ལྷ་ཅིའི་སླད་དུ་ཕྱག་ལ་ཞལ་གཏད་དེ་ཐུགས་ཁོང་དུ་ཆུད་ཅིང་བཞུགས། རྒྱལ་པོས་སྨྲས་པ།
D3.006.0091b03.01འདི་ལྟར་ངའི་རྒྱལ་སྲིད་ཀྱི་དབང་ཕྱུག་འདི་འདྲ་བ་ལ་བུ་ཡང་མེད་བུ་མོ་ཡང་མེད་པས་ང་འདས་ནས་གདུང་ཆད་པར་ཡང་འགྱུར་ལ། བུ་གཅིག་བདོག་པ་དེ་ཡང་ལྐུགས་འཕྱེར་གྱུར་ན། ང་ཇི་ལྟར་སེམས་ཁོང་དུ་ཆུད་ཅིང་མི་འདུག་ཏུ་རུང་། བློན་པོ་རྣམས་ཀྱིས་སྨན་པ་གཉེར་
D3.006.0091b04.01ཏེ་སྨན་པ་ལ་རྨས་ནས་སྨྲས་པ། ལྷ་གཞོན་ནུ་འདིའི་དབང་པོ་གསལ་བར་གདའ་སྟེ། འདི་ལ་བྲོ་ནད་ཀྱིས་རྣམ་པ་ནི་ཅུང་ཟད་ཀྱང་མ་མཆིས་པས་བསྡིགས་པར་བགྱི་བའི་རིགས་སོ། །རྒྱལ་པོ་ཚངས་བྱིན་གྱིས་གཤེད་མ་དག་བཀུག་ནས་གསང་སྟེ་བསྒོ་བ། ངས་གཞོན་ནུ་
D3.006.0091b05.01ལྐུགས་འཕྱེ་འདི་སྐྱེ་བོ་ཕལ་པོ་ཆེའི་མངོན་སུམ་དུ་ཡོངས་སུ་གཏང་བར་བྱས། ཁྱེད་ཀྱིས་གསད་པར་མི་བྱའོ། །ལྷ་བཀའ་བཞིན་འཚལ། རྒྱལ་པོ་ཚངས་བྱིན་གྱིས་འཁོར་གྱི་ནང་དུ་སོང་སྟེ་གཤེད་མ་རྣམས་ལ་བསྒོ་བ། ངས་གཞོན་ནུ་འདི་ཡོངས་སུ་བཏང་གིས་ཁྱོད་
D3.006.0091b06.01ཀྱིས་འོར་ཅིག །ལྷ་བཀའ་བཞིན་འཚལ་ཞེས་དེ་ནས་གཤེད་མའི་མི་དེ་དག་གིས་རྒྱལ་པོ་ཚངས་བྱིན་ལས་མཉན་ནས་གཞོན་ནུ་ལྐུགས་འཕྱེ་ཤིང་རྟར་བཅུག་སྟེ། གྲོང་ཁྱེར་བཱ་རཱ་ཎ་སཱིའི་ནང་ནས་ཕྱིར་ཁྲིད་དེ། དེ་ནས་གཞོན་ནུ་ལྐུགས་འཕྱེས་གྲོང་ཁྱེར་བཱ་རཱ་ཎ་སཱིའི་
D3.006.0091b07.01