完整藏文原文 · 德格版页 当前仅加载第 6 函德格 94b 版页；藏文 NFD、目录标记与异常页序保留在来源切片中，重复版页行以稳定序号区分。
འབྲུ་སྨིན་པ་ན་འབྲུའི་ཕུང་པོ་ཆེན་པོ་བུ་ལོན་པ་དག་ལ་འབུལ་བར་བགྱིས་པས་དེ་དག་གིས་ནི་དང་པོ་ཉིད་ནས་དྲུང་འཚལ་བ་ལགས་སོ། །དེ་བཞིན་དུ་དགེ་བ་བཅུའི་ལས་ཀྱི་ལམ་དག་གིས་མི་ཉིད་རྙེད་པ་ན། གལ་ཏེ་དེ་རྙེད་ནས་དགེ་བའི་ལས་ཀྱི་ལམ་སོགས་པར་མི་བགྱིད་པ་དེའི་
D3.006.0094b01.01སྔོན་གྱི་དགེ་བའི་རྩ་བ་དེ་ཡང་རྒྱུན་ཆད་པར་འགྱུར་ཞིང་། དགེ་བའི་རྩ་བ་རྒྱུན་ཆད་ན་བདེ་འགྲོ་ལས་ཡོངས་སུ་ཉམས་ཤིང་ངན་འགྲོ་ལ་རྟེན་པར་འགྱུར་བས་བདག་གིས་དེ་ལས་བསམས་ཏེ་སྨྲས་སོ། །དེ་ནས་རྒྱལ་པོས་བུའི་ཚིག་དེ་ཐོས་ནས། མཆི་མས་བརྣངས་པས་བུ་
D3.006.0094b02.01བླངས་ཏེ་ཚིག་སྨྲས་པ། བརྟུལ་ཞུགས་དེས་འཆང་རང་གི་ཆོས་སྤྱོད་ཅིག །བདག་ཀྱང་ཁྱོད་ཀྱི་སློབ་མར་ཁས་ལེན་ནོ། །དེ་ནས་རྒྱལ་པོ་ཚངས་བྱིན་གྱིས་བློན་པོ་རྣམས་ལ་སྨྲས་པ། ཤེས་ལྡན་དག་གལ་ཏེ་གཞོན་ནུ་ལྐུགས་འཕྱེ་རབ་ཏུ་མ་བྱུང་ན་ཅིར་འགྱུར། ལྷ་རྒྱལ་
D3.006.0094b03.01པོར་འགྱུར་རོ། །ཁྱོད་ཀྱི་བུ་དག་ཅིར་འགྱུར། ལྷ་ཞབས་འབྲིང་བར་འགྱུར་རོ། །འོ་ན་ད་དེ་རབ་ཏུ་འབྱུང་ན་ཁྱེད་ཀྱི་བུ་དེ་དག་ཅིའི་ཕྱིར་རབ་ཏུ་མི་འབྱུང་། ལྷ་བཀའ་སྩལ་པ་བཞིན་འཚལ་ལོ། །དེའི་ཚེ་ན་གྲོང་ཁྱེར་བཱ་རཱ་ཎ་སཱི་དང་ཧ་ཅང་མི་རིང་བ་ན་བསྟི་གནས་ཤིག་ཡོད་པ་
D3.006.0094b04.01དེ་ན་དྲང་སྲོང་བྱམས་པའི་བདག་ཉིད་ཅན། སྙིང་རྗེ་དང་ལྡན་པ། བརྩེ་བ་དང་ལྡན་པ། སེམས་ཅན་ལ་བྱམས་པ་ཞིག་འདུག་ནས་གཞོན་ནུ་ལྐུགས་འཕྱེ་འཁོར་ལྔ་བརྒྱ་དང་ལྡན་པ་འབྱོར་པ་ཆེན་པོས་དྲང་སྲོང་དེའི་དྲུང་དུ་རབ་ཏུ་བྱུང་ངོ་། །དྲང་སྲོང་དེས་ལྐུགས་འཕྱེ་ལ་གདམས་
D3.006.0094b05.01ངག་བྱིན་ནས་ལྐུགས་འཕྱེས་བརྩལ་བ་དང་། འབད་པ་དང་། བསྒྲིམ་པ་བྱས་ནས་མངོན་པར་ཤེས་པ་ལྔ་མངོན་སུམ་དུ་བྱས་སོ། །དེ་ནས་དུས་གཞན་ཞིག་ན་དྲང་སྲོང་དེ་དུས་ཀྱི་ཆོས་དང་ལྡན་པར་གྱུར་ནས་གཞོན་ནུ་ལྐུགས་འཕྱེས་དྲང་སྲོང་དེའི་ལུས་སྤོས་ཀྱི་ཤིང་སྣ་ཚོགས་
D3.006.0094b06.01ཀྱི་ཕུང་པོར་བཅེར་ཏེ་བསྲེགས་ནས་མཆོད་པ་དང་བསྙེན་བཀུར་ཆེན་པོ་བྱས་སོ། །གཞོན་ནུ་ལྐུགས་འཕྱེས་བྲམ་ཟེའི་ཁྱེའུ་ལྔ་བརྒྱ་པོ་དེ་དག་ཡོངས་སུ་བསྐྱང་བར་བརྩམས་ནས། དེའི་མིང་གཞོན་ནུ་ལྐུགས་འཕྱེ་ཞེས་བྱ་བ་གང་ཡིན་པ་དེ་ནུབ་པར་གྱུར་ཅིང་། སྟོན་པ་ལྐུགས་
D3.006.0094b07.01