完整藏文原文 · 德格版页 当前仅加载第 6 函德格 282a 版页；藏文 NFD、目录标记与异常页序保留在来源切片中，重复版页行以稳定序号区分。
གྲོག་སྦུར་དག་དང་། ཕྱེ་མ་ལེབ་དག་དང་། སྦྲང་བུ་དག་དང་། ཏིལ་དང་ཕུབ་མ་ཟ་བ་དག་དང་། སྦྲུལ་དག་དང་། སྡིག་པ་དག་དང་། སྦྲང་བུ་ཏྲེ་མ་པུ་ཀ་དག་དང་། ཏྲཻ་ལ་ཏ་ཀ་དག་གོ། །དེ་དག་གི་གནས་ཞེས་བྱ་བ་ནི་ཤིང་ལྗོན་
D3.006.0282a01.01པ་ལ་སོགས་པའོ། །དེ་དག་འཇིག་གམ་འཇིག་ཏུ་འཇུད་ན་ཞེས་བྱ་བ་ནི་འབྱིན་པ་དང་། སྙོལ་བ་དང་། གཅོད་པ་དང་། འབིགས་པ་དང་། འཚེག་པ་དང་། འཚེག་ཏུ་འཇུག་ནའོ། །ལྟུང་བྱེད་དོ་ཞེས་བྱ་བ་ནི་སེམས་ཅན་དམྱལ་བ་དང་། དུད་འགྲོ་དང་། ཡི་
D3.006.0282a02.01དགས་ངན་སོང་དང་། ངན་འགྲོ་དང་། ལོག་པར་ལྟུང་བ་དག་ཏུ་སྲེག་པར་བྱེད། འཚོད་པར་བྱེད། ལྟུང་བར་བྱེད་པའོ། གཞན་ཡང་ཇི་སྲིད་དུ་ལྟུང་བ་དེ་མ་བཤགས་ཤིང་སོ་སོར་མ་བཤགས་ན་དགེ་བའི་ཆོས་རྣམས་ལ་སྒྲིབ་པར་བྱེད་པ་སྟེ། དེས་ན་ལྟུང་བྱེད་དོ་
D3.006.0282a03.01ཞེས་གསུངས་སོ། །དེ་ལ་ལྟུང་བར་ཇི་ལྟར་འགྱུར་ཞེ་ན།། །།བར་སྡོམ་ལ། །ས་བོན་ལྔ་དང་ཉམས་བྱེད་དང་། །ལྗོན་ཤིང་གཅོད་དང་རྩྭ་རྔ་དང་། །སྔོ་དང་འཆག་དང་རྩྭ་རྒྱུན་དང་། །ཉ་ལྕིབས་ཤ་མོ་རླམ་ཉིད་དོ། །དགེ་སློང་གིས་རྩ་བའི་ས་བོན་ལ་
D3.006.0282a04.01རྩ་བའི་ས་བོན་དུ་འདུ་ཤེས་ཤིང་སྔོན་པོ་ལ་སྔོན་པོར་འདུ་ཤེས་ནས་གཅོད་དམ། གཅོད་དུ་འཇུད་ན་ལྟུང་བྱེད་དུ་འགྱུར་རོ། །སྔོན་པོ་ལ་ཡིད་གཉིས་ཟ་བས་གཅོད་དམ། གཅོད་དུ་འཇུད་ན་ལྟུང་བྱེད་དུ་འགྱུར་རོ། །སྐམ་པོ་ལ་སྔོན་པོར་འདུ་ཤེས་པས་གཅོད་དམ།
D3.006.0282a05.01གཅོད་དུ་འཇུད་ན་ཉེས་བྱས་སུ་འགྱུར་རོ། །སྐམ་པོ་ལ་ཡིད་གཉིས་ཟ་བས་གཅོད་དམ། གཅོད་དུ་འཇུད་ན་ཉེས་བྱས་སུ་འགྱུར་རོ། །དགེ་སློང་གིས་རྩ་བའི་ས་བོན་ལ་སྡོང་བུའི་ས་བོན་དུ་འདུ་ཤེས་ཤིང་སྔོན་པོ་ལ་སྔོན་པོར་འདུ་ཤེས་པས་གཅོད་དམ།
D3.006.0282a06.01གཅོད་དུ་འཇུད་ན་ལྟུང་བྱེད་དུ་འགྱུར་རོ། །སྔོན་པོ་ལ་ཡིད་གཉིས་ཟ་བས་གཅོད་དམ། གཅོད་དུ་འཇུད་ན་ལྟུང་བྱེད་དུ་འགྱུར་རོ། །སྐམ་པོ་ལ་སྔོན་པོར་འདུ་ཤེས་པས་གཅོད་དམ། གཅོད་དུ་འཇུད་ན་ཉེས་བྱས་སུ་འགྱུར་རོ། །སྐམ་པོ་ལ་ཡིད་གཉིས་ཟ་
D3.006.0282a07.01