完整藏文原文 · 德格版页 当前仅加载第 6 函德格 200a 版页；藏文 NFD、目录标记与异常页序保留在来源切片中，重复版页行以稳定序号区分。
གིས་བཅོམ་པ་དེ་དག་ཇི་ལྟ་བུ་ཡིན། ཁྱེད་ཅག་མིང་ཅི། སངས་རྒྱས་འཚོའོ། །ཆོས་འཚོའོ། །དགེ་འདུན་འཚོའོ། །ཚེ་དང་ལྡན་པ་དག་འོངས་པ་ལེགས་སོ་འོངས་པ་ལེགས་སོ་ཞེས་དེ་དག་གིས་སྒོ་ཕྱེ་ནས་དགེ་སློང་དེ་དག་འཇུག་ཏུ་བཅུག་སྟེ།
D3.006.0200a01.01དེ་དག་ལ་ལ་ལས་ནི་ཆོས་གོས་བྱིན། ལ་ལས་ནི་ཤམ་ཐབས་བྱིན། ལ་ལས་ནི་རྔུལ་ཟན་བྱིན། ལ་ལས་ནི་ལྷུང་བཟེད་བྱིན། ལ་ལས་ནི་ཆུ་ཚགས་བྱིན་ཏེ། བགོ་བཤའ་ཇི་ལྟ་བ་བཞིན་དུ་ཐམས་ཅད་དུ་ཐམས་ཅད་བགོ་བཤའ་བྱས་པའི་སྐབས་དེ་དགེ་སློང་རྣམས་ཀྱིས་བཅོམ་
D3.006.0200a02.01ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་དགེ་སློང་དག་དགོན་པ་པས་ཆོས་གོས་གསུམ་ལས་ཆོས་གོས་གང་ཡང་རུང་བ་ཁྱིམ་གཞན་དུ་གཞག་པར་བྱའོ། །བཅོམ་ལྡན་འདས་ཀྱིས་ཆོས་གོས་གསུམ་ལས་ཆོས་གོས་
D3.006.0200a03.01གང་ཡང་རུང་བ་ཁྱིམ་གཞན་དུ་གཞག་པར་བྱའོ་ཞེས་བཀའ་སྩལ་ནས། དེ་དག་དེ་ཉིད་དུ་དོང་སྟེ་ཉལ་བར་བྱེད་པ་དང་། བྲམ་ཟེ་དང་ཁྱིམ་བདག་རྣམས་ཀྱིས་སྨྲས་པ། འཕགས་པ་དག་ཁྱེད་ཅག་ཅིའི་སླད་དུ་འདིར་གཟིམས་པར་མཛད། ཁོ་བོ་ཅག་གིས་ཆོས་གོས་དག་
D3.006.0200a04.01འདིར་གཞག་གོ། །འཕགས་པ་དག་ཅི་ཁྱོད་ཀྱི་ཆོས་གོས་དག་རྐུ་བར་བགྱིད་དམ། གལ་ཏེ་ཐུགས་མི་ཆེས་ན་སྣོམས་ཏེ་བཞུད་ཅིག་ཅེས་ཟེར་བའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེར་ཉལ་
D3.006.0200a05.01བར་མི་བྱའོ། །དེ་དག་ཕྱིར་དོང་སྟེ་སྐྱ་རེངས་འཆར་བར་བྱེད་པ་དང་། བུད་མེད་ཀྱི་ཡུལ་སྒྲེན་མོར་ཉལ་བ་དེ་དག་གིས་སྨྲས་པ། འཕགས་པ་དག་ཁྱེད་ཅག་ཅིའི་སླད་དུ་མཚན་མོ་ཉིད་ལ་འདིར་བྱོན། ཁོ་བོ་ཅག་གིས་འདིར་ཆོས་གོས་དག་བཞག་གོ། །འཕགས་པ་
D3.006.0200a06.01དག་ཅི་ཁྱེད་ཅག་གི་ཆོས་གོས་དག་རྐུ་བར་བགྱིད་དམ། གལ་ཏེ་ཐུགས་མི་ཆེས་ན་སྣོམས་ཏེ་བཞུད་ཅིག་ཅེས་ཟེར་བའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང་། བཅོམ་ལྡན་འདས་ཀྱིས་བཀའ་སྩལ་པ། དེར་སྐྱ་རེངས་འཆར་བར་མི་བྱའོ། །
D3.006.0200a07.01