完整藏文原文 · 德格版页 当前仅加载第 6 函德格 69a 版页；藏文 NFD、目录标记与异常页序保留在来源切片中，重复版页行以稳定序号区分。
ཆོས་འདུལ་བ་ནི་ལེགས་པར་གསུངས་པ་ཡིན་པའི་ཕྱིར་གང་དང་གང་ཕོ་ཉར་བཏང་བ་དེ་དང་དེ་དེ་ཉིད་དུ་རབ་ཏུ་བྱུང་ངོ་། །དེ་ནས་དུས་གཞན་ཞིག་ན་རྒྱལ་པོ་ཟས་གཙང་གིས་དེ་ཐོས་ནས་ལག་པ་ལ་འགྲམ་པ་གཏད་དེ་སེམས་ཁོང་དུ་ཆུད་ཅིང་འདུག་པ། འཆར་ཀས་མཐོང་
D3.006.0069a01.01ནས་སྨྲས་པ། ལྷ་ཅིའི་སླད་དུ་ཕྱག་ལ་ཞལ་གཏད་དེ་ཐུགས་ཁོང་དུ་ཆུད་ཅིང་བཞུགས། འཆར་ཀ་གང་གི་ཚེ་གཞོན་ནུ་དོན་ཐམས་ཅད་གྲུབ་པ་དཀའ་བ་དག་སྤྱོད་པའི་ཚེ་ངས་གཏམ་རྨེད་པའི་མི་དག་བཏང་ན་དེ་དག་ཉི་མ་རེ་རེ་ཞིང་གཏམ་ཁྱེར་ཏེ་འོངས་ནས་གཞོན་ནུ་དོན་ཐམས་ཅད་
D3.006.0069a02.01གྲུབ་པ་གནས་པ་འདིས་གནས་སོ་ཞེས་གཏམ་སྙོད་པར་བྱེད་ན། ད་གཞོན་ནུ་དོན་ཐམས་ཅད་གྲུབ་པས་བདུད་རྩི་ཐུགས་སུ་ཆུད་དེ་བདུད་རྩིས་འགྲོ་བ་ཚིམ་པར་མཛད་ཅིང་། མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་ཞེས་ཐོས་ནས་ངས་
D3.006.0069a03.01གཏམ་རྨེད་པའི་མི་དག་བཏང་ན། འགས་ཀྱང་གཞོན་ནུ་དོན་ཐམས་ཅད་གྲུབ་པའི་གཏམ་ཁྱེར་ཏེ་མི་འོང་བར་གང་དང་གང་ཕོ་ཉར་བཏང་བ་དེ་དང་དེ་དེ་ཉིད་དུ་འདུག་པར་གྱུར་ན་ང་ཇི་ལྟར་ལག་པ་ལ་འགྲམ་པ་གཏད་དེ་སེམས་ཁོང་དུ་ཆུད་ཅིང་མི་འདུག་ཏུ་རུང་། འཆར་ཀས་སྨྲས་
D3.006.0069a04.01པ། ལྷ་བདག་ལ་བཀའ་སྩལ་དུ་གསོལ། ཁྱོད་ཀྱང་དེར་འདུག་པར་འགྱུར་རོ། །ལྷ་བདག་གིས་ལྷའི་སྤྱན་སྔར་བཀའ་མཆིད་འཚལ་ཏེ་མཆིའོ། །རྒྱལ་པོ་ཟས་གཙང་གིས་རང་ཉིད་ཀྱིས་ཕྲིན་ཡིག་འདི་སྐད་ཅེས། མ་རུམ་བཞུགས་པ་ཚུན་ཆད་ནས། །བདག་
D3.006.0069a05.01གིས་ལེགས་པར་ཁྱོད་བསྲུངས་ཏེ། །ཉོན་མོངས་གདུགས་ཀྱིས་རབ་གདུངས་པས། །རྒྱལ་བའི་ལྗོན་ཤིང་སྡོད་ཅིང་མཆིས། །སློབ་མའི་ཡལ་ག་རྩ་ལག་གིས། །ད་ལྟར་ཁྱོད་ནི་རྒྱས་གྱུར་པས། །གཞན་དག་བདེ་བས་དགའ་མཛད་ན། །བདག་ནི་སྡུག་བསྔལ་སྟེན་
D3.006.0069a06.01པར་གྱུར། །གང་ཚེ་དང་པོ་ཁྱོད་འཁྲུངས་ཚེ། །ཤིན་ཏུ་དོན་ཆེན་མཛད་ནས་ནི། །ཉེ་དུ་རྗེས་སུ་གཟུང་མཛད་ཅེས། །དེ་ཚེ་ཁྱོད་ཀྱིས་ཐུགས་དམ་བཅས། །དེ་སླད་གོ་འཕང་ཞི་བརྙེས་ཁྱོད། །བདག་དང་ཉེ་དུའི་ཚོགས་རྣམས་ལ། །རྗེས་སུ་ཐུགས་བརྩེ་ཉེར་བཟུང་སྟེ། །
D3.006.0069a07.01