完整藏文原文 · 德格版页 当前仅加载第 6 函德格 242a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ལྟར་བྱེད་མི་ནུས་སོ། །སེང་གེས་སྨྲས་པ། བདག་ཅག་ལྷན་ཅིག་དོང་ངོ་། །དེ་གཉིས་ལྷན་ཅིག་འདོང་བར་བརྩམས་སོ། །{རི་དགས་,རི་དྭགས་}ཀྱི་རྒྱལ་པོ་སེང་གེ་དེ་ལ་ཝ་རྒན་པོ་རབ་ཏུ་གདུ་བ་ལྷག་མ་ཟ་བ་ཞིག་འཁོར་ཞིང་ཕྱི་བཞིན་དུ་འབྲང་བ་དེས་བསམས་པ། སྟག་
D3.006.0242a01.01འདི་བདག་གི་ལྟོའི་དགྲར་གྱུར་པ་ཡིན་གྱིས་འདི་གཉིས་དབྱེ་བར་བྱའོ་སྙམ་ནས། དེ་ནས་ཝ་རྒན་པོ་དེ་སེང་གེའི་མདུན་དུ་རྣ་བ་ཕབ་སྟེ་འདུག་པ་དང་། སེང་གེས་སྨྲས་པ། ཞང་པོ་རླུང་ཚ་བ་དག་མི་ལྡང་ངམ། ཝས་སྨྲས་པ། ཚ་བོ་རླུང་རབ་ཏུ་འབར་བ་དག་ལྡང་ངོ་། །ཅི་ཉེས།
D3.006.0242a02.01སྟག་འདི་ན་རེ་ཁོ་བོའི་རྩའི་སེང་གེ་དེ་གར་སོང་། དེས་ཁོ་བོ་ལྷག་མ་ཟར་བཅུག་གིས་ཁོ་བོས་དེ་ངེས་པར་གསད་པར་བྱའོ་ཞེས་ཟེར་རོ། །སེང་གེས་སྨྲས་པ། ཞང་པོ་ཁོ་བོ་ཅག་གཉིས་ལ་མ་གཉིས་ཀྱིས་འཆི་ཀར་བུ་གཉིས་ཁྱེད་གཉིས་ནུ་མ་གཅིག་ལ་ནུ་ནུ་བའི་སྤུན་ཡིན་ལ། ཕྲ་
D3.006.0242a03.01མ་ཅན་སྣོད་འབྱེད་པ་དག་གིས་འཇིག་རྟེན་གང་བར་འཁོད་ཀྱིས། ཁོ་མོ་ཅག་གཉིས་འདས་པའི་འོག་ཏུ་ཁྱེད་གཉིས་ཀྱིས་འགའ་ཡང་མཉན་པར་མི་བྱའོ་ཞེས་ཁ་ཆེམས་བཞག་གིས་ཁྱོད་དེ་སྐད་མ་ཟེར་ཅིག །ཝས་སྨྲས་པ། ཚ་བོ་ཁྱོད་ད་ཁོ་བོ་ཕན་པར་འདོད་པའི་ཚིག་མི་ཉན་ན་
D3.006.0242a04.01ཆུད་ཟོས་པར་འོང་ངོ་། །སེང་གེས་སྨྲས་པ། ཞང་པོ་{གོ་རིམས་,གོ་རིམ་}ཇི་ལྟར་འོང་བར་འགྱུར། ཝས་སྨྲས་པ། ཚ་བོ་སྟག་འདི་ཚང་ནས་བྱུང་ནས་བྱ་སྨྱང་བྱེད་པར་འགྱུར་ལ། བྱ་སྨྱང་བྱས་ནས་གླལ་བར་འགྱུར་ཞིང་། གླལ་ནས་ཕྱོགས་བཞིར་རྣམ་པར་བལྟ་བར་འགྱུར། ཕྱོགས་
D3.006.0242a05.01བཞིར་རྣམ་པར་བལྟས་ནས་སྟག་གི་སྐད་ཐང་གསུམ་ཕྱུང་སྟེ་ཁྱོད་ཀྱི་མདུན་དུ་འོང་བར་འགྱུར་བ་ན་ཁྱོད་ཀྱིས་བདག་འདིས་བསད་དོ་སྙམ་དུ་ཤེས་པར་གྱིས་ཤིག །དེའི་འོག་ཏུ་སྟག་གི་མདུན་དུ་རྣ་བ་ཕབ་སྟེ་འདུག་པ་དང་། སྟག་གིས་སྨྲས་པ། ཞང་པོ་རླུང་ཚ་བདག་མི་ལྡང་ངམ།
D3.006.0242a06.01ཝས་སྨྲས་པ། ཚ་བོ་རླུང་རབ་ཏུ་འབར་བ་དག་ལྡང་ངོ་། །ཅི་ཉེས། སེང་གེ་འདི་ན་རེ་ཁོ་བོའི་རྩའི་སྟག་དེ་གར་སོང་། དེ་ངེས་པར་གསད་པར་བྱའོ་ཞེས་ཟེར་རོ། །སྟག་གིས་སྨྲས་པ། ཞང་པོ་ཁོ་བོ་ཅག་གཉིས་ལ་མ་གཉིས་ཀྱིས་འཆི་ཀར་བུ་གཉིས་ཁྱེད་གཉིས་ནུ་མ་
D3.006.0242a07.01