完整藏文原文 · 德格版页 当前仅加载第 6 函德格 30a 版页；藏文 NFD、目录标记与异常页序保留在来源切片中，重复版页行以稳定序号区分。
གང་གི་ཚེ་ཁྱོད་དུས་ལ་བབ་ཅིང་ཟླ་མཚན་དང་ལྡན་པར་གྱུར་པ་དེའི་ཚེ་ཁྱོད་ཁོ་བོའི་གན་དུ་ཤོག་ཤིག །བུ་མོ་དེ་དེའི་ཚིག་གིས་སྙིང་དགའ་བར་གྱུར་ནས། ཟླ་མཚན་འཛག་པའི་ཉི་མ་བགྲང་ཞིང་འདུག་འདུག་ནས་གང་གི་ཚེ་ཟླ་མཚན་དང་ལྡན་པར་གྱུར་པ་དེའི་ཚེ་
D3.006.0030a01.01བྲམ་ཟེ་དེའི་གན་དུ་སོང་བ་དང་། དེས་དེ་དང་ལྷན་ཅིག་དགའ་མགུར་སྤྱད་ནས་དེ་ལ་སེམས་ཅན་ཞུགས་པར་གྱུར་ཏོ། །དེའི་ཆུང་མ་བྲམ་ཟེ་མོས་བྲམ་ཟེ་འདི་བུ་མོ་འདི་དང་ལྷན་ཅིག་དགའ་མགུར་སྤྱད་དོ་སྙམ་དུ་རིག་ནས་དེ་ཕྲག་དོག་གི་ཀུན་ནས་དཀྲིས་པ་ཀུན་དུ་སྤྱོད་པས་མི་བཟོད་པ་
D3.006.0030a02.01སྐྱེས་ནས་བུ་མོ་དེ་ལ་རྟག་ཏུ་ཁུ་ཚུར་དང་ཐལ་ལྕག་གིས་རྡེག་ཅིང་ཟས་ངན་པ་དང་། གོས་ངན་པ་སྲེལ་དུ་འཇུད་དོ། །བུ་མོ་དེས་བསམས་པ་བདག་གི་མངལ་དུ་ཞུགས་པའི་སེམས་ཅན་སྐལ་ཆད་འདི་སུ་ཞིག་ཡིན་ན་འདི་མངལ་དུ་ཞུགས་པའི་དུས་ཚུན་ཅད་ནས་བདག་རྟག་ཏུ་
D3.006.0030a03.01ཁུ་ཚུར་དང་ཐལ་ལྕག་དག་གིས་རྡེག་ཅིང་ཟས་ངན་པ་དང་། གོས་ངན་པ་སྲེལ་དུ་བཅུག་གོ་སྙམ་ནས་དེ་བདག་ཉིད་མྱ་ངན་བྱེད་ཅིང་འདུག་གོ། །ཇི་ཙམ་ན་ཟླ་བ་དགུ་ཚང་ནས་བཙས་པ་ལས་ཁྱེའུ་ཞིག་བྱུང་ནས་དེས་བསམས་པ། སེམས་ཅན་སྐལ་ཆད་འདི་བདག་གི་མངལ་
D3.006.0030a04.01དུ་ཞུགས་ནས་བདག་གིས་དེ་འདྲ་བའི་གནས་སྐབས་ཐོབ་པར་གྱུར་པས་གལ་ཏེ་འདི་སྐྱེས་པར་གྱུར་ན་བདག་ཐམས་ཅད་ཀྱི་ཐམས་ཅད་དུ་མེད་པར་འགྱུར་རོ་སྙམ་དུ་རིག་ནས་དེ་ཆོལ་ཟངས་སུ་བཞག་སྟེ་དོར་བར་བརྩམས་པ་དང་། དེའི་ཚེ་བྲམ་ཟེ་དེས་མཐོང་ནས་སྨྲས་པ། བུ་
D3.006.0030a05.01མོ་དེ་ཅི་ཡིན། དེས་སྨྲས་པ། ཅང་མ་ལགས་སོ། །དེས་ཆོལ་ཟངས་དེ་བལྟས་པ་དང་། ཇི་ཙམ་ན་ཁྱེའུ་ཞིག་མཐོང་ནས་དེས་སྨྲས་པ། བུ་མོ་ཅིའི་ཕྱིར་འདི་འདོར་བར་བྱེད། ཇོ་བོ་གང་ཚུན་ཆད་ནས་སེམས་ཅན་སྐལ་ཆད་འདི་བདག་གི་མངལ་དུ་ཞུགས་པར་གྱུར་པ་དེ་
D3.006.0030a06.01ཚུན་ཆད་ནས་བདག་བྲམ་ཟེ་མོ་འདིས་རྟག་ཏུ་ཁུ་ཚུར་དང་ཐལ་ལྕག་དག་གིས་རྡེག་ཅིང་། འཚལ་མ་ངན་པ་དང་རད་པ་ངན་པ་སྲེལ་དུ་སྩལ་བས་གལ་ཏེ་འདི་སྐྱེས་པར་གྱུར་ན་བདག་ཐམས་ཅད་ཀྱི་ཐམས་ཅད་དུ་མ་མཆིས་པར་འགྱུར་བའི་སླད་དུའོ། །དེས་སྨྲས་པ། བུ་མོ་དེ་ནི་
D3.006.0030a07.01