完整藏文原文 · 德格版页 当前仅加载第 6 函德格 230b 版页；藏文 NFD、目录标记与异常页序保留在来源切片中，重复版页行以稳定序号区分。
སྨྲ་བར་འགྱུར་རམ། མ་ལགས་ཏེ་འདི་ལྟར་བདག་གིས་བདེན་པས་གསོལ་བར་བགྱི་སྟེ། བདག་གིས་དགུང་བདུན་གྱི་བར་དུ་གླང་དེ་དག་བྲགས་སུ་བཏགས་ཏེ་རན་ཡང་སྩལ་བར་མི་བགྱི། ཆབ་ཀྱང་སྩལ་བར་མི་བགྱི་བར་གཞག་པར་བགྱི་ཞིང་། གདུགས་བདུན་པ་ལ་
D3.006.0230b01.01རན་ཕུན་སུམ་ཚོགས་པ་དང་། ཆབ་ཕུན་སུམ་ཚོགས་པའི་ཕྱོགས་སུ་གཏང་བར་བགྱི་སྟེ། དེའི་ཚེ་བདག་གིས་ལྷའི་སྤྱན་སྔར་གལ་ཏེ་བདག་མད་ན་གླང་འདི་དག་རན་ཡང་མི་འཚལ་ཆབ་ཀྱང་མི་འཚལ་བར་གྱུར་ཅིག་ཅེས་བདེན་པའི་ཚིག་གིས་གསོལ་ན་ཇི་སྲིད་དུ་ལྷ་ཐུགས་ཆེས་
D3.006.0230b02.01པར་མ་གྱུར་གྱི་བར་དུ་དེ་དག་རན་ཡང་མི་འཚལ། ཆབ་ཀྱང་མི་འཚལ་བར་འགྱུར་རོ། །རྒྱལ་པོས་བློན་པོ་རྣམས་ལ་བསྒོ་བ་ཤེས་ལྡན་དག་དེ་ལྟར་གྱིས་ཤིག །དེ་དག་གིས་གླང་དེ་དག་བྲགས་སུ་བཏགས་ཏེ་བཞག་པ་དང་། ཆག་རྡུམ་གྱིས་སྨྲས་པ། ནུབ་ཕྱོགས་ནས་ཉི་མ་ཤར་རམ།
D3.006.0230b03.01ཅི་ན་གང་གིས་བདག་ཅག་གཏོང་བར་མི་བྱེད། གཞན་དག་གིས་སྨྲས་པ། མ་ཡིན་ཏེ། བདག་ཅག་གིས་ཁྱིམ་བདག་གི་བུ་དེ་ལ་འདི་ལྟར་ཁྱོད་ཀྱིས་བདེན་པས་གསོལ་བར་བྱ་སྟེ། ཁོ་བོ་ཅག་ཞག་བདུན་གྱི་བར་དུ་བྲགས་སུ་བཏགས་ཏེ་རྩྭ་ཡང་སྦྱིན་པར་མི་བྱ། ཆུ་ཡང་བླུད་པར་མི་བྱ་བར་
D3.006.0230b04.01གཞག་པར་བྱ་ཞིང་། ཉི་མ་བདུན་པ་ལ་རྩྭ་ཕུན་སུམ་ཚོགས་པ་དང་། ཆུ་ཕུན་སུམ་ཚོགས་པའི་ཕྱོགས་སུ་གཏང་བར་བྱ་སྟེ། དེའི་ཚེ་ཁྱོད་ཀྱིས་རྒྱལ་པོའི་མདུན་དུ། གལ་ཏེ་བདག་བདེན་ན་གླང་འདི་དག་རྩྭ་ཡང་མི་ཟ། ཆུ་ཡང་མི་འཐུང་བར་གྱུར་ཅིག་ཅེས་བདེན་པའི་ཚིག་གིས་གསོལ་ཅིག་
D3.006.0230b05.01དང་། ཁོ་བོ་ཅག་ཇི་སྲིད་དུ་རྒྱལ་པོ་ཡིད་ཆེས་པར་མ་གྱུར་གྱི་བར་དུ་རྩྭ་ཡང་མི་ཟ་ཆུ་ཡང་མི་འཐུང་ངོ་ཞེས་ཁས་བླངས་སོ། །ཆག་རྡུམ་གྱིས་སྨྲས་པ། ཁོ་བོ་ནི་གལ་ཏེ་བཏང་བར་གྱུར་ན་རྡོ་བ་ཡང་ཟན་རྩྭ་ལྟ་སྨོས་ཀྱང་ཅི་དགོས། དེ་དག་གིས་སྨྲས་པ། ཁྱིམ་བདག་གི་བུ་དེ་བདག་ཅག་
D3.006.0230b06.01གི་ཕ་མ་དང་འདྲ་བར་འདུག་འདུག་གིས། དེ་ལྟར་མ་བྱེད་ཅིག །ཆག་རྡུམ་གྱིས་སྨྲས་པ། དེ་བདག་ཅག་གི་ཕ་མ་དང་འདྲ་བར་འདུག་འདུག་པ་ཡང་བདེན་མོད་ཀྱི་འོན་ཀྱང་དེ་ཁོ་བོ་ལ་ཆག་རྡུམ་ཞེས་འབོད་པས་ཁོ་བོ་ནི་དེ་ལྟར་མི་འདོད་དེ། འདི་ལྟར་ཁོ་བོ་ནི་དེའི་ལྟོ་འདྲལ་བར་ཡང་འདོད་དོ། །
D3.006.0230b07.01