完整藏文原文 · 德格版页 当前仅加载第 6 函德格 176b 版页；藏文 NFD、目录标记与异常页序保留在来源切片中，重复版页行以稳定序号区分。
བྱས་པ་ཡོད་པ་ཤེས་སམ། དེས་སྨྲས་པ་ཅིའི་སླད་དུ་མ་འཚལ། བདག་ད་དུང་ཡང་ཁྱོད་ཀྱི་ལ་ཐུ་དག་འཚལ་ཞིང་མཆིས་སོ། །ཀྱེ་ཐ་ག་པ་གང་གི་ཚེ་ཁོ་བོ་ཁྱིམ་དེར་འོངས་པར་གྱུར་པ་དེའི་ཚེ་ན་ཁྱོད་ཀྱིས་རས་ཡུག་ཆེན་འདི་ཁྱེར་ཤོག་ཤིག །འཕགས་པ་ཇེ་བཞུད་ཅིག་དང་
D3.006.0176b01.01བདག་གིས་ཀྱང་ཁ་ཚར་བཀལ་ཏེ་མཆིའོ། །ཉེ་དགའ་དེའི་ཁྱིམ་དུ་སོང་སྟེ་སྒོའི་ཐད་ཀར་འདུག་པ་དང་། ཁྱིམ་བདག་གི་ཆུང་མ་དེས་རྐང་པ་ལ་ཕྱག་འཚལ་ཏེ་ཁ་སྒོར་ལྟ་ཞིང་མདུན་དུ་འདུག་གོ། །ཐ་ག་པ་དེས་ཀྱང་རས་ཡུག་ཆེན་དེའི་ཁ་ཚར་དྲིལ་ནས་དེ་ཁྱེར་ཏེ་དེར་སོང་བ་
D3.006.0176b02.01དང་། ཁྱིམ་བདག་གི་ཆུང་མ་དེས་དེ་ཐག་རིང་པོ་ཁོ་ན་ནས་མཐོང་ནས་དེས་ལག་བརྡས་མ་འོང་ཤིག་ཅེས་བྱས་པ་དང་། ཐ་ག་པ་དེས་ཕྱོགས་བཞིར་རྣམ་པར་བལྟས་ནས་ལྟོས་བཟུང་བས་མགོ་སྨད་དེ་ནང་དུ་ཞུགས་ནས་དེས་རས་ཡུག་ཆེན་དེ་ཁྱིམ་བདག་གི་ཆུང་མ་དེའི་
D3.006.0176b03.01པང་དུ་བཞག་པ་དང་། ཉེ་{དགའས་,དགས་}ཚམ་ཚོམ་མེད་པར་བླངས་ཏེ་སྨྲས་པ། ཨ་རོག་གྱ་སྦྱིན་པ་འདིས་ཁྱོད་སེམས་ཀྱི་རྒྱན་དང་། སེམས་ཀྱི་ཡོ་བྱད་དང་། རྣལ་འབྱོར་གྱི་ཚོགས་དང་། དོན་གྱི་མཆོག་འཐོབ་པ་དང་། ལྷ་དང་མི་རྣམས་ཀྱི་གོས་ཐོབ་པར་གྱུར་ཅིག །
D3.006.0176b04.01ཁྱིམ་བདག་གི་ཆུང་མས་སྨྲས་པ། འཕགས་པ་ཁྱིམ་བདག་གིས་རང་གི་སུག་པ་ནས་དབུལ་གྱིས་སླར་སྩོལ་ཅིག །ཉེ་{དགའས་,དགས་}སྨྲས་པ། ཁོ་བོས་འདི་ཇེ་རུང་བར་བྱས། དེའི་འོག་ཏུ་ཁྱིམ་བདག་དྲང་སྲོང་གི་རྒྱལ་མཚན་སྐོན་དུ་གཞུག་གོ། །ཁྱིམ་བདག་གི་ཆུང་མས་
D3.006.0176b05.01སྨྲས་པ། འཕགས་པ་བཅོམ་ལྡན་འདས་ཀྱིས་ཁ་དོག་དཀར་པོ་བསྔགས་སོ། །ཉེ་{དགའས་,དགས་}སྨྲས་པ། དྲང་སྲོང་གི་རྒྱལ་མཚན་སྐོན་དུ་ཆུག་ཤིག་ཅེས་སྨྲས་ནས་ལངས་ཏེ་སོང་ངོ་།། །།འདུལ་བ་རྣམ་པར་འབྱེད་པ། བམ་པོ་སུམ་བཅུ་རྩ་ལྔ་པ། ཐ་ག་
D3.006.0176b06.01པས་སྨྲས་པ། ཁྱིམ་བདག་གི་བཙུན་མོ་བདག་ལ་གླ་བྱིན་ཅིག །དེས་སྨྲས་པ། ཁོ་མོའི་རས་ཡུག་ཆེན་གཅིག་ཀྱང་འཕྲོག་ཏུ་བཅུག་ནས་གླ་གཞན་ཡང་དེད་དམ། སོང་ལ་ཁྱོད་ཀྱིས་གང་ལ་རས་ཡུག་ཆེན་བྱིན་པ་དེ་ཉིད་ལ་གླ་དོས་ཤིག །དེ་ཉེ་དགའི་གན་དུ་སོང་སྟེ་
D3.006.0176b07.01