完整藏文原文 · 德格版页 当前仅加载第 6 函德格 238b 版页；藏文 NFD、目录标记与异常页序保留在来源切片中，重复版页行以稳定序号区分。
དང་། ལྦ་བ་ཅན་དང་། གླེན་པ་དང་། ལྐུགས་པ་དང་། གྲུམ་པོ་དང་། འོན་པ་དང་། རྟེན་འཕྱེ་དང་། རྐང་འབམ་ལས་རབ་ཏུ་བྱུང་བ་ཡིན་ནོ་ཞེས་སྨྲས་ན་དགེ་སློང་སྤ་གོང་བ་ཉིད་དུ་གྱུར་ཀྱང་རུང་མ་གྱུར་ཀྱང་རུང་དགེ་སློང་ལ་ལྟུང་བྱེད་དུ་འགྱུར་རོ། །དགེ་སློང་གིས་མིའི་སྐྱོན་ནས་སྨྲ་བའི་བསམ་
D3.006.0238b01.01པས་དགེ་སློང་གི་གན་དུ་སོང་སྟེ་འདི་སྐད་ཅེས་ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི་མཛེ་ཅན་དང་། འབྲུམ་བུ་ཕྲ་མོ་ཅན་དང་། ངལ་སྐྱེན་པ་དང་། ཤུ་བ་ཅན་དང་། གཡན་པ་ཅན་དང་། ཁྱི་རྔོ་ཅན་དང་། གློག་པ་ཅན་དང་། རྐང་ཤུ་
D3.006.0238b02.01ཅན་དང་། སྐྱིགས་བུ་ཅན་དང་། སྐྱུག་བྲོ་བ་དང་། ཁོང་སྐེམ་ཅན་དང་། རིམས་ཅན་དང་། རིམས་དྲག་པོ་ཅན་དང་། ལུད་པ་ཅན་དང་། དབུགས་མི་བདེ་བ་ཅན་དང་། སྐེམ་ནད་ཅན་དང་། བརྗེད་བྱེད་ཅན་དང་། བཀྲེས་ངབ་ཅན་དང་། སྐྱ་རྦབ་ཅན་དང་། ཚིལ་པོ་ཆེ་དང་། སྐྲན་ཅན་དང་།
D3.006.0238b03.01ཁྲག་ནད་ཅན་དང་། མཁྲིས་ནད་ཅན་དང་། མཚན་བར་རྡོལ་བ་ལས་རབ་ཏུ་བྱུང་བ་ཡིན་ནོ་ཞེས་སྨྲས་ན་དགེ་སློང་སྤ་གོང་བ་ཉིད་དུ་གྱུར་ཀྱང་རུང་མ་གྱུར་ཀྱང་རུང་དགེ་སློང་ལ་ལྟུང་བྱེད་དུ་འགྱུར་རོ། །དགེ་སློང་གིས་མིའི་སྐྱོན་ནས་སྨྲ་བའི་བསམ་པས་དགེ་སློང་གི་གན་དུ་སོང་སྟེ་འདི་སྐད་ཅེས་ཚེ་དང་
D3.006.0238b04.01ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི་ཕམ་པར་འགྱུར་བ་དང་། དགེ་འདུན་ལྷག་མ་དང་། ལྟུང་བྱེད་དང་། སོ་སོར་བཤགས་པར་བྱ་བ་དང་། ཉེས་བྱས་ཀྱི་ལྟུང་བ་བྱུང་བ་ཡིན་ནོ་ཞེས་སྨྲས་ན་དགེ་སློང་སྤ་གོང་བ་ཉིད་དུ་གྱུར་ཀྱང་རུང་མ་གྱུར་ཀྱང་
D3.006.0238b05.01རུང་དགེ་སློང་ལ་ལྟུང་བྱེད་དུ་འགྱུར་རོ། །དགེ་སློང་གིས་མིའི་སྐྱོན་ནས་སྨྲ་བའི་བསམ་པས་དགེ་སློང་གི་གན་དུ་སོང་སྟེ་འདི་སྐད་ཅེས་ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི་ཁྲོ་བ་དང་། ཁོན་དུ་འཛིན་པ་དང་། འཆབ་པ་དང་། དངན་
D3.006.0238b06.01དུས་ཅན་དང་། ཕྲག་དོག་ཅན་དང་། སེར་སྣ་ཅན་དང་། གཡོན་ཅན་དང་། སྒྱུ་ཅན་དང་། ངོ་ཚ་མེད་པ་དང་། ཁྲེལ་མེད་པ་དང་། སྡིག་པ་འདོད་པ་དང་། ལོག་པར་ལྟ་བ་ཡིན་ནོ་ཞེས་སྨྲས་ན་དགེ་སློང་སྤ་གོང་བ་ཉིད་དུ་གྱུར་ཀྱང་རུང་མ་གྱུར་ཀྱང་རུང་དགེ་སློང་ལ་ལྟུང་བྱེད་དུ་འགྱུར་རོ། །
D3.006.0238b07.01