完整藏文原文 · 德格版页 当前仅加载第 6 函德格 208a 版页；藏文 NFD、目录标记与异常页序保留在来源切片中，重复版页行以稳定序号区分。
ཏེ་ཁྱོད་ཀྱིས་ཤཱཀྱའི་རིགས་ལས་རབ་ཏུ་བྱུང་བ། སྡེ་སྣོད་གསུམ་དང་ལྡན་པ། ཆོས་སྒྲོག་པ། རིགས་པ་དང་གྲོལ་བའི་སྤོབས་པ་ཅན་གང་ཡིན་པ་དེ་ལ་རས་ཟུང་འདི་བསྐོན་ན་དེ་ལྟ་ན་ཁྱོད་ལ་ཡོངས་སུ་བཏང་བ་ལས་བྱུང་བའི་བསོད་ནམས་དང་
D3.006.0208a01.01ཡོངས་སུ་ལོངས་སྤྱད་པ་ལས་བྱུང་བའི་བསོད་ནམས་སུ་ཡང་འགྱུར་རོ། །ཞེས་ཟེར་རོ། །དེས་འདི་སྐད་ཅེས་ཤཱཀྱའི་རིགས་ལས་རབ་ཏུ་བྱུང་བ། སྡེ་སྣོད་གསུམ་དང་ལྡན་པ། ཆོས་སྒྲོག་པ། རིགས་པ་དང་གྲོལ་བའི་སྤོབས་པ་ཅན་སུ་ཡོད་ཅེས་བྱས་ན་དེ་ན་རེ་ཁོ་བོ་ཉིད་ཤཱཀྱའི་
D3.006.0208a02.01རིགས་ལས་རབ་ཏུ་བྱུང་བ། སྡེ་སྣོད་གསུམ་དང་ལྡན་པ། ཆོས་སྒྲོག་པ། རིགས་པ་དང་གྲོལ་བའི་སྤོབས་པ་ཅན་ཡིན་ནོ་ཞེས་ཟེར་ནས། དེས་དེ་ལ་རས་ཟུང་དེ་སྦྱིན་པར་བརྩམས་པ་དང་། དེ་ན་རེ་ཁྱིམ་བདག་ཁྱོད་སྦྱིན་པ་སྦྱིན་ཡང་མི་ཤེས་སམ། གང་གི་ཚེ་སངས་རྒྱས་
D3.006.0208a03.01ལ་སོགས་པ་དགེ་སློང་གི་དགེ་འདུན་མཆོད་སྟོན་གསོལ་བ་དེའི་ཚེ་ཁྱོད་ཀྱིས་རྒན་པའི་མཐའ་ལོགས་སུ་རྗེས་སུ་ཡི་རང་བར་བྱེད་དུ་ཆུག་ལ་ཁོ་བོ་ལ་བྱིན་ཅིག་ཅེས་ཟེར་ནས། དེས་དེ་ཁོ་ན་བཞིན་བྱས་པས་དེས་ཉེས་པ་ཅི་ཡོད། དགེ་སློང་དོན་ཉུང་ངུ་དག་ཅིའི་ཕྱིར་དགེ་སློང་
D3.006.0208a04.01དག་དགེ་འདུན་ལ་བསྔོས་པའི་རྙེད་པ་ཤེས་བཞིན་དུ་གང་ཟག་བདག་ལ་སྔོས་འཇུག་ཅེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་། གླེང་
D3.006.0208a05.01གཞི་འདི་དང་། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ་ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་ཉེ་
D3.006.0208a06.01དགའ་ལ་རྨས་པ། ཉེ་དགའ་ཁྱོད་དགེ་འདུན་ལ་བསྔོས་པའི་རྙེད་པ་ཤེས་བཞིན་དུ་གང་ཟག་བདག་ལ་བསྔོར་འཇུག་པ་བདེན་ནམ། བཙུན་པ་མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ། རུང་བ་
D3.006.0208a07.01