完整藏文原文 · 德格版页 当前仅加载第 6 函德格 217a 版页；藏文 NFD、目录标记与异常页序保留在来源切片中，重复版页行以稳定序号区分。
པའི་རྒྱལ་པོའི་གླང་པོ་ཆེ་ནི་སྣ་སྲུང་བར་མི་བྱེད་པས་རྒྱལ་པོའི་གླང་པོ་ཆེས་སྲོག་ཡོངས་སུ་བཏང་ངོ་སྙམ་དུ་སེམས་ཏེ། སྒྲ་ཅན་ཟིན་ང་ནི་དེའི་ཚེ་ན་རྒྱལ་པོའི་གླང་པོ་ཆེ་དེས་ལས་མི་བྱ་བ་ཇི་ཡང་མེད་པར་སྨྲའོ། །སྒྲ་ཅན་ཟིན་དེ་བཞིན་དུ་གང་ལ་ལས་
D3.006.0217a01.01ཤེས་བཞིན་དུ་{བརྫུན་,རྫུན་}སྨྲ་ཞིང་ངོ་ཚ་མེད་པ། འཛེམ་པ་མེད་པ། འགྱོད་པ་མེད་པར་གྱུར་ན་ང་ནི་མི་གཏི་མུག་ཅན་དེས་སྡིག་པའི་ལས་མི་བྱ་བ་ཅུང་ཟད་ཀྱང་མེད་པར་སྨྲའོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་གཉིས་བཀའ་སྩལ་པ། ལུས་
D3.006.0217a02.01ཅན་{བརྫུན་,རྫུན་}དུ་སྨྲ་བ་ཡིས། །ཆོས་གཅིག་ལས་ནི་འདས་གྱུར་ཅིང་། །འཇིག་རྟེན་ཕ་རོལ་བྲལ་བ་ཡིས། །འདི་ལ་སྡིག་པ་མི་བྱ་མེད། །ལྕགས་གོང་མེ་ལྕེ་འདྲ་བ་དག །ཟོས་པར་གྱུར་པ་མཆོག་ཡིན་གྱི། །ཚུལ་འཆལ་ཡང་དག་མི་སྡོམ་པས། །ཡུལ་
D3.006.0217a03.01འཁོར་བསོད་སྙོམས་ཟ་བ་མིན། །སྒྲ་ཅན་ཟིན་ཇི་སྙམས་དུ་སེམས། མི་རྣམས་ཀྱི་མེ་ལོང་ཅིའི་ཕྱིར་འཆང་། བཙུན་པ་འདི་ལྟར་རང་གི་བཞིན་གྱི་གཟུགས་སོ་སོར་བརྟག་པའི་སླད་དུའོ། །སྒྲ་ཅན་ཟིན་དེ་བཞིན་དུ་ཁྱོད་ཀྱིས་ཀྱང་ལུས་ཀྱི་ལས་བྱ་བར་བསམས་པ་གང་ཡིན་
D3.006.0217a04.01པའི་ལུས་ཀྱི་ལས་དེ་ལ་ཅི་བདག་གིས་ལུས་ཀྱིས་ལས་བྱ་བར་བསམས་པའི་ལུས་ཀྱི་ལས་གང་ཡིན་པ་དེ་བདག་དང་གཞན་ལ་གནོད་པར་འགྱུར་བ་མི་དགེ་བའི་སྡུག་བསྔལ་འབྱུང་བ་རྣམ་པར་སྨིན་པ་སྡུག་བསྔལ་བ་ཡིན་ནམ། འོན་ཏེ་ལུས་ཀྱི་ལས་དེ་བདག་དང་གཞན་ལ་
D3.006.0217a05.01ཕན་པར་འགྱུར་བ་དགེ་བ་བདེ་བ་འབྱུང་བ་རྣམ་པར་སྨིན་པ་བདེ་བ་ཡིན་ཞེས་ཡང་དང་ཡང་དུ་སོ་སོར་བརྟག་པར་བྱའོ། །སྒྲ་ཅན་ཟིན་ཁྱོད་དེ་ལྟར་སོ་སོར་རྟོག་པ་ན། གལ་ཏེ་བདག་གིས་ལུས་ཀྱི་ལས་བྱ་བར་བསམས་པ་གང་ཡིན་པའི་ལུས་ཀྱི་ལས་དེ། བདག་དང་
D3.006.0217a06.01གཞན་ལ་གནོད་པར་འགྱུར་བ་མི་དགེ་བ་སྡུག་བསྔལ་འབྱུང་བ་རྣམ་པར་སྨིན་པ་སྡུག་བསྔལ་བ་ཡིན་པར་ཤེས་ན། སྒྲ་ཅན་ཟིན་ཁྱོད་ཀྱིས་ལུས་ཀྱི་ལས་དེ་གཏང་བར་བྱའོ། །སྒྲ་ཅན་ཟིན་ཁྱོད་དེ་ལྟར་སོ་སོར་རྟོག་པ་ན། གལ་ཏེ་བདག་གིས་ལུས་ཀྱི་ལས་བྱ་བར་བསམས་
D3.006.0217a07.01