完整藏文原文 · 德格版页 当前仅加载第 6 函德格 154b 版页；藏文 NFD、目录标记与异常页序保留在来源切片中，重复版页行以稳定序号区分。
ཡི་གེ་པ་ཚོལ་བར་བྱེད་ན་ཇི་སྲིད་དུ་རྙེད་པ་བདག་གིར་མི་བྱེད་པ་དེ་སྲིད་དུ་ཉེས་བྱས་སུ་འགྱུར་ལ། རྙེད་པ་བདག་གིར་བྱེད་པ་ན་སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་རྙེད་པ་འདོད་པས་དུང་གི་ཚོགས་ཀྱི་ཕྱིར་ནོར་བུའི་ཚོགས་གཏོང་བར་བྱེད་པ་དང་། ནོར་བུའི་ཚོགས་ཀྱི་
D3.006.0154b01.01ཕྱིར་མུ་ཏིག་གི་ཚོགས་གཏོང་བར་བྱེད་པ་དང་། མུ་ཏིག་གི་ཚོགས་ཀྱི་ཕྱིར་བཻ་ཌཱུརྱའི་ཚོགས་གཏོང་བར་བྱེད་ཅིང་། དེ་དེ་ལ་དཔང་པོ་དང་། གྲོ་བ་དང་། སྣག་ཚ་དང་། སྨྱུ་གུ་དང་། ཡི་གེ་པ་ཚོལ་བར་བྱེད་ན། ཇི་སྲིད་དུ་རྙེད་པ་བདག་གིར་མི་བྱེད་པ་དེ་སྲིད་དུ་ཉེས་བྱས་སུ་
D3.006.0154b02.01འགྱུར་ལ། རྙེད་པ་བདག་གིར་བྱེད་ན་སྤང་བའི་ལྟུང་བྱེད་དུ་འགྱུར་རོ་ཞེས་དེ་ལྟར་བཅོམ་ལྡན་འདས་ཀྱིས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་མཛད་དོ། །སངས་རྒྱས་བཅོམ་ལྡན་འདས་ཡངས་པ་ཅན་ན་སྤྲེའུ་རྫིང་གི་འགྲམ་ན་ཁང་པ་བརྩེགས་པའི་ཁང་
D3.006.0154b03.01{བཟངས་,བཟང་}ན་བཞུགས་སོ། །དེའི་ཚེ་ན་ཡངས་པ་ཅན་པའི་ལིཙྪ་བཱི་དག་གིས་ཁང་པ་དག་དྲུག་རྩེག་དང་བདུན་རྩེག་ཏུ་བྱེད་དོ། །ཡངས་པ་ཅན་གྱི་ལིཙྪ་བཱི་རྣམས་ཀྱི་ཁང་པ་ཇི་ལྟ་བ་དེ་བཞིན་དུ་གཙུག་ལག་ཁང་དག་ཀྱང་དྲུག་རྩེག་དང་བདུན་རྩེག་ཏུ་བྱེད་པས་དེ་དག་མཐོ་ཆེས་པས་བརྩིགས་ཤིང་
D3.006.0154b04.01བརྩིགས་ཤིང་རྡིབ་ནས་སྦྱིན་བདག་དག་གིས་བསམས་པ། བདག་ཅག་གསོན་ཞིང་འདུག་སྟེ། འཚོ་ཞིང་སྡོད་པ་རྣམས་ཀྱི་གཙུག་ལག་ཁང་དག་ཀྱང་འདི་ལྟར་འཇིག་ན་ཤི་བ་རྣམས་ཀྱི་ཇི་ལྟར་འགྱུར། བདག་ཅག་གིས་མཁར་ལེན་གྱི་རྒྱུར་དགེ་འདུན་ལ་མི་ཟད་པ་དབུལ་བར་བྱའོ་
D3.006.0154b05.01སྙམ་ནས་དེ་དག་མི་ཟད་པ་ཐོགས་ཏེ་དགེ་སློང་རྣམས་ཀྱི་གན་དུ་དོང་ནས་ཕྱིན་པ་དང་། དགེ་སློང་རྣམས་ལ་འདི་སྐད་ཅེས་སྨྲས་སོ། །འཕགས་པ་དག་མཁར་ལེན་གྱི་སླད་དུ་མི་ཟད་པ་འདི་དག་བཞེས་ཤིག །དགེ་སློང་རྣམས་ཀྱིས་སྨྲས་པ། བཞིན་{བཟངས་,བཟང་}དག་བཅོམ་ལྡན་འདས་
D3.006.0154b06.01ཀྱིས་བསླབ་པའི་གཞི་བཅའ་བར་མཛད་པས་བདག་ཅག་མི་ལེན་ཏོ་ཞེས་ཟེར་བའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་འདུན་གྱི་ཕྱིར་མཁར་ལེན་གྱི་རྒྱུ་མི་ཟད་པར་བླང་བར་བྱའོ། །གཞན་ཡང་
D3.006.0154b07.01