完整藏文原文 · 德格版页 当前仅加载第 6 函德格 180a 版页；藏文 NFD、目录标记与异常页序保留在来源切片中，重复版页行以稳定序号区分。
གིས་རས་ཡུག་ཆེན་འདི་དགེ་འདུན་ལ་དབུལ་བར་བྱ་ཞིང་སྣམ་སྦྱར་རྙིང་པ་འདི་ཡང་བསོད་སྙོམས་པ་དེ་ལ་སྦྱིན་པ་མཁན་པོ་ལ་ཞུའོ་སྙམ་ནས་སྨྲས་པ། མཁན་པོ་བདག་གིས་རས་ཡུག་ཆེན་འདི་དགེ་འདུན་ལ་དབུལ་བར་བགྱི་ཞིང་སྣམ་སྦྱར་རྙིང་པ་འདི་
D3.006.0180a01.01ཡང་བསོད་སྙོམས་པ་ཞིག་གིས་བསླངས་པས་དེ་ལ་སྩལ་བར་བགྱི་བ་མཁན་པོ་ལ་ཞུའོ། །དེ་བཞིན་གྱིས་ཤིག །དེས་རས་ཡུག་ཆེན་དེ་དགེ་འདུན་ལ་ཕུལ་ཞིང་སྣམ་སྦྱར་རྙིང་པ་དེ་ཡང་བསོད་སྙོམས་པ་དེ་ལ་བྱིན་ནོ། །ཕྱི་དེ་ཉིན་པར་དེ་སྣམ་སྦྱར་དེ་གྱོན་ཏེ་མཁན་པོའི་
D3.006.0180a02.01རྐང་པ་ལ་ཕྱག་འཚལ་དུ་འོངས་པ་དང་། དགའ་བོས་སྨྲས་པ། ཚེ་དང་ལྡན་པ་ཆོས་ཤེས་པར་གྱིས་ཤིག །ཚེ་དང་ལྡན་པ་ཀུན་དགའ་བོས་དགེ་སློང་རྣམས་ལ་ཚེ་དང་ལྡན་པ་དག་ཤེས་པར་གྱིས་ཤིག །བཅོམ་ལྡན་འདས་ཀོ་ས་ལ་དག་ཏུ་ལྗོངས་རྒྱུར་གཤེགས་
D3.006.0180a03.01ཀྱིས། ཁྱེད་ཅག་ལས་གང་བཅོམ་ལྡན་འདས་དང་ཐབས་ཅིག་ཀོ་ས་ལ་དག་ཏུ་ལྗོངས་རྒྱུར་འགྲོ་བར་སྤྲོ་བ་དེས་ཆོས་གོས་ཀྱི་ལས་གྱིས་ཤིག་ཅེས་བསྒོ་ན། གལ་ཏེ་བདག་ཅག་འདི་ཉིད་དུ་འདུག་ན་ནི་སྒོ་འཕར་བརྒྱ་དག་འདས་ཏེ་ཅི་ནས་ཀྱང་ལྟོ་གང་བ་བསྒྲུབ་པར་བྱ་
D3.006.0180a04.01དགོས་སོ། །ཇི་སྟེ་བཅོམ་ལྡན་འདས་དང་ཐབས་ཅིག་འགྲོ་ན་ནི་བཅོམ་ལྡན་འདས་ཀྱིས་སངས་རྒྱས་གཤེགས་པ་ལ་ཕན་ཡོན་{བཅྭ་,བཅོ་}བརྒྱད་ཡོད་པར་གསུངས་པས་སྲོག་ཆགས་བརྒྱ་སྟོང་ཕྲག་དུ་མ་དག་ཀྱང་བཅོམ་ལྡན་འདས་དང་ཐབས་ཅིག་འགྲོ་བར་འགྱུར་བས་གལ་
D3.006.0180a05.01ཏེ་བཅོམ་ལྡན་འདས་དང་ཐབས་ཅིག་འགྲོ་བ་ན་རེ་ཞིག་ཆུ་ཡང་རྙོག་པ་ཅན་དག་བཏུང་དགོས་པར་འགྱུར་ལ། ཤིང་ལྗོན་པའི་དྲུང་དུ་ཡང་གོ་ཐོབ་པར་མི་འགྱུར་གྱིས། བདག་ཅག་སངས་རྒྱས་དང་། ཆོས་དང་། དགེ་འདུན་གྱི་བསྔགས་པ་བརྗོད་ཅིང་མདུན་དུ་དོང་ན་དེ་
D3.006.0180a06.01ལྟ་ན་བདག་ཅག་བདེ་བར་རྒྱུ་བར་འགྱུར་ཞིང་། རྙེད་པ་མང་པོ་ཡང་འགྲུབ་པར་འགྱུར་རོ། །མཁན་པོ་བཅོམ་ལྡན་འདས་ཀྱིས་སངས་རྒྱས་གཤེགས་པ་ལ་ཕན་ཡོན་{བཅྭ་,བཅོ་}བརྒྱད་མཆིས་པར་བཀའ་སྩལ་པ་གང་དག་ལགས་པ་དེ་དག་མཁན་པོ་ལ་ཉེས་དམིགས་ཁོ་ནར་གྱུར་ཏེ་
D3.006.0180a07.01