完整藏文原文 · 德格版页 当前仅加载第 6 函德格 113a 版页；藏文 NFD、目录标记与异常页序保留在来源切片中，重复版页行以稳定序号区分。
པ་དེ་དག་དང་བདག་མཉམ་པར་དེང་བུ་མོ་འདིས་ཀྱང་འཕྲིགས་སོ་སྙམ་ནས་དེས་གཤེ་སྟེ་སྨྲས་པ། བུ་མོ་གལ་ཏེ་བདེན་པར་གྱུར་ན་ནི་ངས་ཁྱོད་ལ་གཤེ་བ་དག་ལ་ཆུགས་མ་བྱའོ། །ཇི་སྟེ་{བརྫུན་,རྫུན་}པར་གྱུར་ན་ནི་བརྡེག་བཙོག་མང་པོ་བྱེད་དུ་བཅུག་སྟེ་སྔོན་གྱི་
D3.006.0113a01.01གནས་ཇི་ལྟ་བར་གཞག་པར་བྱའོ། །འཕགས་པ་སྤྱོ་བ་མང་དུ་མཛད་ན་བཞུད་ཅིག་དང་ཁྱོད་ཉིད་ཀྱིས་མཁྱེན་པར་འགྱུར་རོ། །དེ་བཞུད་ནས་སྟན་བཤམས་པ་ཉིད་ལ་འདུག་པ་དང་། ཁྱིམ་བདག་དེ་ཆུང་མ་དང་བཅས་པས་རྐང་པ་ལ་ཕྱག་འཚལ་ཏེ་སྟན་ཆེས་དམའ་བ་བླངས་
D3.006.0113a02.01ནས་ཆོས་མཉན་པའི་ཕྱིར་མདུན་དུ་འདུག་གོ། །ཉེ་{དགའས་,དགས་}སྨྲས་པ། ཁྱིམ་བདག་ཁོ་བོ་ལ་བསྐོན་པར་བྱ་བའི་རས་ཡུག་ཆེན་གང་ཡིན་པ་དེ་བལྟའོ། །དེ་གཉིས་ཀྱིས་ཕན་ཚུན་གདོང་དུ་བལྟ་བར་བརྩམས་ཏེ་འདི་སྐད་ཅེས་སྨྲས་སོ། །འཕགས་པ་བདག་ཅག་གིས་གསང་སྟེ་སྨྲས་པ་
D3.006.0113a03.01དེ་འཕགས་པ་ལ་སུས་བགྱིས། ཅི་འཕགས་པས་གཞན་གྱི་སེམས་ཀྱང་མཁྱེན་ནམ། ཉེ་{དགའས་,དགས་}སྨྲས་པ། ཁོ་བོ་ལྷུང་བཟེད་དུ་ཟོས་ཤིང་སོ་ལྷགས་པ་དང་། སྐྲ་དཀར་པོར་གྱུར་པ་ཡིན་ན་ཁོ་བོ་ལ་དེ་ཙམ་ཡང་མི་སྲིད་དམ། ཁྱིམ་བདག་དེས་རས་ཡུག་ཆེན་དེ་
D3.006.0113a04.01བླངས་ཏེ་ཉེ་དགའ་ལ་ཕུལ་བ་དང་། ཉེ་{དགའས་,དགས་}རས་ཡུག་ཆེན་དེ་མཐོང་ནས་ལག་པ་གཉིས་འདྲིལ་བར་བྱེད། བཞིན་སྒྱུར་བར་བྱེད་དོ། །ཁྱིམ་བདག་གིས་སྨྲས་པ། འཕགས་པ་ཅིའི་སླད་དུ་ཕྱག་གཉིས་འདྲིལ་བར་མཛད། ཞལ་སྒྱུར་བར་མཛད། ཉེ་{དགའས་,དགས་}སྨྲས་
D3.006.0113a05.01པ། ཁྱིམ་བདག་འདི་ནི་ཁྱོད་ལ་ཡོངས་སུ་བཏང་བ་ལས་བྱུང་བའི་བསོད་ནམས་ནི་ཡོད་ན་ཡོངས་སུ་ལོངས་སྤྱད་པ་ལས་བྱུང་བའི་བསོད་ནམས་ནི་མེད་དེ། རས་ཡུག་ཆེན་འདི་ནི་མཆིལ་ལྷམ་ཕྱི་བའམ། སྐར་ཁུང་གླན་པར་རུང་སྟེ། འདི་ནི་ཆོས་གོས་ཀྱི་གདོང་ལ་ཡོངས་སུ་
D3.006.0113a06.01ཟད་པ་དང་མཐར་ཐུག་པར་འགྱུར་རོ། །འོ་ན་ཇི་ལྟར་བགྱི། རས་ཡུག་ཆེན་བཟང་པོ་གཞན་བྱིན་ཅིག །རས་ཡུག་ཆེན་གཞན་མ་མཆིས་སོ། །ཚོང་དུས་ནས་ཉོས་ཏེ་བྱིན་ཅིག་རིན་མ་མཆིས་སོ། །དུས་ཐོབ་ལ་བྱིན་ཅིག །ཁྱིམ་བདག་དེས་ཆུང་མའི་གདོང་དུ་བལྟ་བར་བརྩམས་
D3.006.0113a07.01