完整藏文原文 · 德格版页 当前仅加载第 6 函德格 157b 版页；藏文 NFD、目录标记与异常页序保留在来源切片中，重复版页行以稳定序号区分。
ནང་དུ་སྐྱེས་སོ་སྙམ་དུ་སེམས་སོ། །གལ་ཏེ་ངན་སོང་གི་གཏམ་དག་བྱེད་ན་ཉན་པ་པོ་དག་བདག་ཅག་ངན་སོང་རྣམས་སུ་སྐྱེས་སོ་སྙམ་དུ་སེམས་པ་ཡིན་པས་དེས་ལྷུང་བཟེད་གསལ་བ། ཟླུམ་པ་ལོངས་སྤྱད་པར་བཟོད་པ་མཆན་ཁུང་གིས་ཁྱེར་ཏེ་དགའ་འདུན་དེ་དག་ག་ལ་བ་དེར་
D3.006.0157b01.01སོང་སྟེ་ཕྱིན་ནས་དགའ་འདུན་པ་གཅིག་ལ་ཅི་ནས་ཀྱང་དེའི་སེམས་མངོན་པར་དད་པར་འགྱུར་བ་དེ་ལྟར་སྦྱིན་པའི་གཏམ་བྱས་ནས་དེ་སེམས་དད་པར་གྱུར་ཏེ་སྨྲས་པ། འཕགས་པ་ཅིའི་སླད་དུ་བྱོན། ཉེ་{དགའས་,དགས་}སྨྲས་པ། བཞིན་{བཟངས་,བཟང་}བདག་ལ་ལྷུང་བཟེད་དགོས་སོ། །
D3.006.0157b02.01འཕགས་པ་བདག་ལ་ལྷུང་བཟེད་མ་མཆིས་ཏེ་གལ་ཏེ་རིན་གྱིས་རྙེད་ན་བདག་གིས་མཇལ་ཏེ་གསོལ་ལོ། །ཉེ་{དགའས་,དགས་}ལྷུང་བཟེད་མཆན་ཁུང་ནས་ཕྱུང་སྟེ་དེ་ལ་བསྟན་ནས་སྨྲས་པ། བཞིན་{བཟངས་,བཟང་}ལྷུང་བཟེད་འདི་ཡང་རིན་གྱིས་རྙེད་པ་ཡིན་ནོ། །འཕགས་པ་འདིའི་རིན་ཇི་ཙམ།
D3.006.0157b03.01ཀཱར་ཥཱ་པ་ཎ་དྲུག་བཅུའོ། །བདག་གིས་འདིའི་རིན་ཀཱར་ཥཱ་པ་ཎ་དྲུག་བཅུ་འབུལ་ལོ། །བཞིན་{བཟངས་,བཟང་}ཨ་རོག་གྱ་དེ་དག་ཁྱོད་ཀྱིར་གྱུར་ཅིག །སྦྱིན་པ་འདིས་ཁྱོད་སེམས་ཀྱི་རྒྱན་དང་། སེམས་ཀྱི་ཡོ་བྱད་དང་། རྣལ་འབྱོར་གྱི་ཚོགས་དང་། དོན་གྱི་མཆོག་འཐོབ་པ་དང་།
D3.006.0157b04.01ལྷ་དང་མི་རྣམས་ཀྱི་ནང་དུ་སྣོད་དུ་འགྱུར་བར་གྱུར་ཅིག །དེ་བཞིན་དུ་དེ་དེས་དགའ་འདུན་དྲུག་བཅུ་པོ་དག་རེ་རེ་ཡང་ཀཱར་ཥཱ་པ་ཎ་དྲུག་བཅུ་དྲུག་བཅུ་སྦྱོར་དུ་བཅུག་སྟེ་སྦྱོར་དུ་བཅུག་ནས་སོང་ངོ་། །དགའ་འདུན་དེ་དག་ཐམས་ཅད་གཅིག་ཏུ་འདུས་པར་གྱུར་ནས་དེ་ན་དགའ་འདུན་གཅིག་
D3.006.0157b05.01གིས་སྨྲས་པ། ཤེས་ལྡན་དག་ཁོ་བོས་བཙུན་པ་ཉེ་དགའ་ཤཱཀྱའི་རིགས་ལས་རབ་ཏུ་བྱུང་བ་ཆོས་སྒྲོག་པ་རིག་པ་དང་གྲོལ་བའི་སྤོབས་པ་དང་ལྡན་པ་ལ་ལྷུང་བཟེད་ཀྱི་རིན་དུ་ཀཱར་ཥཱ་པ་ཎ་དྲུག་བཅུ་ཕུལ་གྱིས་རྗེས་སུ་ཡི་རང་བར་གྱིས་ཤིག །གཞན་ཞིག་གིས་སྨྲས་པ། ཁོ་བོས་ཀྱང་ཕུལ་
D3.006.0157b06.01ལོ། །ཡང་གཞན་ཞིག་གིས་སྨྲས་པ། ཁོ་བོས་ཀྱང་ཕུལ་ལོ། །དེ་བཞིན་དུ་ཐམས་ཅད་ཀྱིས་ཁོ་བོས་ཀྱང་ཕུལ་ལོ། །ཁོ་བོས་ཀྱང་ཕུལ་ལོ་ཞེས་སྨྲས་ནས་དེ་དག་ཕན་ཚུན་བལྟ་བར་བརྩམས་ཏེ། ཤེས་ལྡན་དག་དགེ་སློང་གཅིག་ལ་ལྷུང་བཟེད་དུ་དགོས་ཞེས་དེ་དག་གིས་དགེ་
D3.006.0157b07.01