完整藏文原文 · 德格版页 当前仅加载第 6 函德格 32b 版页；藏文 NFD、目录标记与异常页序保留在来源切片中，重复版页行以稳定序号区分。
བོ་ཁྱེད་གཉིས་ནུ་མ་གཅིག་ལ་གསོལ་གསོལ་བའི་མཆེད་ལགས་ན་གང་གི་སླད་དུ་ཁྱོད་ནི་དེས་ཤིང་འགྲོགས་ན་བདེ་བ་ལགས་ལ། ཁྱོད་ཀྱི་གཅུང་པོ་འདི་ནི་གཏུམ་ཞིང་གཟུ་ལུམས་དང་། དྲག་ཤུལ་ཅན་ལགས་པ་འདི་ལ་རྒྱུ་ཅི་མཆིས། ཉི་ཟླས་སྨྲས་པ། སྲུ་འདིས་ཁྱིམ་གྱི་རིག་
D3.006.0032b01.01པ་མ་བཀླགས་སོ། །ཇོ་བོ་བདག་ལ་ཁྱིམ་གྱི་རིག་པ་དེ་སྩོལ་ཅིག །ཉི་ཟླས་ཚིགས་སུ་བཅད་པ་སྨྲས་པ། རིག་པ་སུ་ལའང་སྦྱིན་བྱ་མིན། །རིག་དང་བཅས་ཏེ་འཆི་བར་བྱ། །རིག་པ་རིག་དང་གུས་པ་དང་། །ནོར་གྱིས་སྦྱིན་པར་བྱ་བ་ཡིན། །བྲམ་ཟེ་མོས་སྨྲས་པ། ཇོ་
D3.006.0032b02.01བོ་ནོར་ཇི་ཙམ་གྱིས་སྩོལ་བར་མཛད། སྲུ་ཀཱར་ཥཱ་པ་ཎ་ལྔ་བརྒྱས་སོ། །དེས་ཀཱར་ཥཱ་པ་ཎ་ལྔ་བརྒྱ་ཐོགས་ཏེ་དེའི་རྐང་པ་གཉིས་ལ་གཏུགས་ནས་སྨྲས་པ། ཇོ་བོ་ཁྱིམ་གྱི་རིག་པ་དེ་སྩོལ་ཅིག །ཉི་ཟླས་སྨྲས་པ། སྲུ་ཇེ་ཁོ་བོ་རྫོངས་ཤིག་དང་ནམ་འགྲོ་བའི་ཚེ་སྦྱིན་ནོ། །བྲམ་
D3.006.0032b03.01ཟེ་མོ་དེ་ཁྱིམ་ཐབ་ཀྱི་གན་དུ་སོང་སྟེ་སྨྲས་པ། རྗེའི་སྲས་ཁྱོད་ཀྱི་གཅེན་འདི་ཁྱིམ་གྱི་བྱ་བ་སེམས་པས་མི་དགའ་བར་འགྱུར་གྱིས་འདི་སླར་ཐོང་ཤིག །དེས་སྨྲས་པ། བཟང་མོ་གལ་ཏེ་དེ་ལྟ་ན་ཁྱོད་ཀྱིས་ཇེ་འདིའི་ལམ་རྒྱགས་སྟ་གོན་གྱིས་ཤིག་དང་། ཁོ་བོས་དོན་མཐུན་བཙལ་
D3.006.0032b04.01བར་བྱའོ། །དེས་རྡོ་འཇོག་ཏུ་འགྲོ་བའི་དོན་མཐུན་བཙལ་བར་བརྩམས་ནས། བྲམ་ཟེ་མོ་དེས་དེའི་ལམ་རྒྱགས་སྟ་གོན་བྱས་ནས། ཀཱར་ཥཱ་པ་ཎ་ལྔ་བརྒྱ་ཐོགས་ཏེ་ཉི་ཟླའི་རྐང་པ་གཉིས་ལ་གཏུགས་ནས་སྨྲས་པ། ཇོ་བོ་ཁྱོད་བརྫང་བའི་དུས་འདི་ལགས་ཀྱིས་ཁྱིམ་གྱི་རིག་པ་
D3.006.0032b05.01སྩོལ་ཅིག །ཉི་ཟླས་སྨྲས་པ། སྲུ་གང་གི་ཚེ་ཟླ་བ་ཞི་བ་ཁྱོད་ལ་རྡེག་པར་བྱེད་པ་དེའི་ཚེ་ཁྱོད་ཀྱིས་རིག་པ་འདི་བཀླག་པར་བྱའོ། །སྐྱེ་བོ་མང་པོ་གཞན་དག་དང་། །གཞན་གྱི་ཁྱིམ་དུའང་ཤེས་གྱུར་ཅིང་། །གྲོང་སྲུང་རིགས་ཀྱིས་ཤེས་གྱུར་གྱིས། །ཁ་རོག་འདུག་
D3.006.0032b06.01ཤིག་ཆོལ་ཟངས་པ། །གལ་ཏེ་སྨྲས་པ་འདི་དོན་ཅི་ཞེས་ཟེར་ན་དེ་ལ་གལ་ཏེ་རྡེག་པར་བྱེད་ན་དོན་ཡང་བཤད་པར་བྱའོ་ཞེས་བརྗོད་པར་བྱའོ། །སྲུ་གསང་སྔགས་ཀྱི་ཚིག་དོན་དང་ལྡན་པ་འདི་དག་ནི་བརྗོད་པ་ཙམ་ཁོ་ནས་འབྲས་བུ་དང་བཅས་པར་འགྱུར་བ་ཡིན་གྱིས་ཕྱིས་འགྱོད་
D3.006.0032b07.01