完整藏文原文 · 德格版页 当前仅加载第 6 函德格 185b 版页；藏文 NFD、目录标记与异常页序保留在来源切片中，重复版页行以稳定序号区分。
ལག་ཁང་ཡིན་ལ། གང་ན་ཡོ་བྱད་ཐམས་ཅད་དང་བྲལ་བ་ནི་ཕོངས་པ་ཡིན་ནོ། །དེ་སྔོན་ནི་ཕོངས་པར་གྱུར་ལ། ད་ནི་གཙུག་ལག་ཁང་དུ་གྱུར་ཏོ། །ཇི་ལྟར་གྱུར་བྱང་ལམ་ནས་དོན་མཐུན་དག་ལྷགས་ནས་དེ་དག་གིས་དེར་དགེ་སློང་དྲུག་བཅུའི་ཟླ་བ་གསུམ་གྱི་བསོད་སྙོམས་
D3.006.0185b01.01དང་། བརྒྱད་སྟོན་དང་། བཅུ་བཞི་སྟོན་དང་། ཉ་སྟོན་དང་། ན་བའི་རྐྱེན་སྨན་གྱི་ཡོ་བྱད་དང་། རྙེད་པ་དང་། ཆོས་གོས་ཀྱི་ཟོང་དག་ཕུལ་ནས་འདི་སྐད་ཅེས་འཕགས་པ་དགེ་སློང་བཟང་པོ་དག་བོས་ཤིག །བདག་ཅག་ཀྱང་དབྱར་འདས་ནས་འདིར་མཆིས་ཏེ་དགེ་སློང་
D3.006.0185b02.01བརྒྱ་ལ་མཁོ་བ་བསྟབས་པར་བགྱིའོ་ཞེས་མཆིའོ། །ཉེ་{དགའས་,དགས་}སྨྲས་པ། འོན་ཏང་ཁྱོད་དགེ་སློང་རྐུར་འོངས་མོད། ལགས་སོ། །རྒན་ཞུགས་ཀོ་ས་ལར་བྱུང་བའི་རྒྱལ་པོ་གསལ་རྒྱལ་དང་། བཙུན་མོ་ཕྲེང་ལྡན་མ་དང་། རྒྱལ་རིགས་དབྱར་ཚུལ་མ་དང་། ཁྱིམ་
D3.006.0185b03.01བདག་མགོན་མེད་ཟས་སྦྱིན་དང་། བླ་མཁྱེན་དྲང་སྲོང་བྱིན་དང་། རྙིང་པ་དང་། ཁྱིམ་བདག་གི་ཆུང་མ་{རི་དགས་,རི་དྭགས་}འཛིན་གྱི་མ་ས་ག་དང་། ལེགས་སྐྱེས་དང་། བྲམ་ཟེ་དང་། ཁྱིམ་བདག་དད་པ་ཅན་མང་པོ་གཞན་དག་གིས་ཀྱང་དགེ་སློང་རྣམས་ལ་ཡོ་བྱད་ཐམས་ཅད་
D3.006.0185b04.01ཀྱིས་བསྙེན་བཀུར་བྱས་ཤིང་། དགེ་འདུན་གྱི་གནས་བརྟན་ཉི་མ་རེ་རེ་ཞིང་ཡོན་བཤད་པ་བྱེད་པ་ན་ཡང་གནས་འདིར་དགེ་སློང་གང་དག་མ་འོངས་པ་དེ་དག་ཀྱང་འོང་བར་འགྱུར་ཞིང་འོངས་པ་དག་ཀྱང་མངོན་པར་དགའ་བར་གྱུར་ཅིག་ཅེས་ཟེར་ལ། དེ་དག་ཀྱང་འདི་ལྟ་སྟེ།
D3.006.0185b05.01ཆོས་གོས་དང་། བསོད་སྙོམས་དང་། གནས་མལ་དང་། ན་བའི་རྐྱེན་དང་། སྨན་གྱི་ཡོ་བྱད་དག་གིས་བྲེལ་བ་མེད་ཅིང་བཅོམ་ལྡན་འདས་ཀྱང་མངོན་སུམ་དུ་ཆོས་སྟོན་པར་མཛད་པས་འདི་ན་ཆོས་ཀྱི་ལོངས་སྤྱོད་དང་། ཟང་ཟིང་གི་ལོངས་སྤྱོད་ཕུན་སུམ་ཚོགས་པ་ཡིན་
D3.006.0185b06.01པས་གལ་ཏེ་དགེ་སློང་རྣམས་ཀྱིས་ཁྱོད་དགེ་སློང་རྐུར་འདིར་འོངས་པར་ཤེས་པར་གྱུར་ན་ཁྱོད་གནས་ནས་དབྱུང་བའི་ལས་བྱེད་པར་འགྱུར་བ་གང་ཡིན་པ་དེ་ལྟ་བུའི་གནས་ཡོད་པར་འགྱུར་གྱིས། དགེ་སློང་གཞན་ལ་དེ་སྐད་མ་ཟེར་ཅིག །འདི་ལྟར་ཁོ་བོ་ཅག་མི་དྲུག་རེ་རེ་ལ་
D3.006.0185b07.01