完整藏文原文 · 德格版页 当前仅加载第 6 函德格 189b 版页；藏文 NFD、目录标记与异常页序保留在来源切片中，重复版页行以稳定序号区分。
ཅན་དང་། རྒྱལ་རིགས་བཟང་པོ་པ་ཞེས་བྱ་བའི་ཁྲོམ་གཉིས་ཡོད་པ་ལས། རལ་གྲིའི་མཐུ་ཅན་གྱི་ཁྲོམ་དམག་གི་གནས་སུ་སོང་བ་དང་། དེ་དག་གི་ཆུང་མ་རྣམས་སྐྱེས་པ་གཞན་དག་དང་ལྷན་ཅིག་དགའ་མགུར་སྤྱོད་པར་བྱེད་པས་ཕྱོགས་དེ་གོ་སྐབས་དབེན་པར་གྱུར་ནས་
D3.006.0189b01.01ཆོས་བྱིན་གྱིས་སྨྲས་པ། ཕྱོགས་འདིར་དབྱར་ཁང་བྱེད་དུ་ཆུག་ཤིག །དགེ་བསྙེན་ས་གས་ཕྱོགས་དེར་དབྱར་ཁང་བྱེད་དུ་བཅུག་ནས་དགེ་སློང་མ་རྣམས་ཀྱིས་དེར་གནས་པར་བརྩམས་སོ། །རལ་གྲིའི་མཐུ་ཅན་གྱི་ཁྲོམ་དེ་དམག་གི་གནས་ནས་ཕྱིར་འོངས་ཏེ། དེ་དག་གིས་
D3.006.0189b02.01ཆུང་མ་དེ་དག་བཀུག་ཅིང་བཀུག་ཅིང་བརྡེག་པར་བརྩམས་པ་དང་། སྲང་དག་ན་དེ་དག་ངུ་བའི་སྒྲ་རྟའི་སྐད་དང་། གླང་པོ་ཆེའི་སྐད་ལྟ་བུའི་སྐད་མཐོན་པོ་དང་། སྐད་ཆེན་པོ་དག་བྱུང་ངོ་། །དགེ་སློང་མ་རྣམས་ཀྱིས་སྨྲས་པ། འཕགས་མ་བདག་ཅག་དགུང་ཆར་གྱིས་འཇིགས་
D3.006.0189b03.01པས་དང་ལ་ཁའི་འོག་ཏུ་ཞུགས་སོ། །ཆོས་བྱིན་གྱིས་བསམས་པ། འདི་དག་ལས་ཁ་ཅིག་ལ་དགེ་བའི་རྩ་བ་ཡོད་དམ་སྙམ་དུ་བསམས་ན། ཡོད་པར་མཐོང་ངོ་། །སུ་ལ་རག་ལུས་སྙམ་དུ་བསམས་ན་བདག་ཉིད་ལ་རག་ལུས་པར་མཐོང་ནས་དེས་སྨྲས་པ། ནུ་མོ་དག་གདུལ་
D3.006.0189b04.01བ་ལ་ལྟོས་པས་ཐམས་ཅད་བཟོད་པར་བྱའོ། །ཆོས་བྱིན་གྱིས་ཕྱོགས་གཅིག་ཏུ་གྱོ་མོ་སར་པ་བཞག་སྟེ་དགེ་སློང་མ་རྣམས་ལ་སྨྲས་པ། ནུ་མོ་དག་ཁྱེད་ཅག་གང་ལ་སྡེར་ལྷག་ཡོད་པ་དེ་ཐམས་ཅད་གྱོ་མོ་འདིར་ཆུག་ཤིག །དེ་དག་ལ་སྡེར་ལྷག་ཅི་ཡོད་པ་དེ་ཐམས་ཅད་
D3.006.0189b05.01གྱོ་མོ་དེར་འཇུད་པར་བྱེད་དོ། །དེ་ན་བྱིས་པ་དག་དེར་འོང་བར་གྱུར་ནས་ཆོས་བྱིན་གྱིས་དེ་ནི་ཁྱེའུ་གང་དག་ཡིན་པ་དེ་དག་ལ་ནི་འབྲུ་མར་བྱིན་ནས་གཅིག་གིས་གཅིག་གི་མགོ་སྐུད་དུ་བཅུག་སྟེ་རང་གི་ལག་གིས་བཅའ་བ་དག་སྦྱིན་པར་བྱེད་དོ། །བུ་མོ་གང་དག་ཡིན་པ་དེ་དག་ལ་ནི་
D3.006.0189b06.01བདག་ཉིད་ཀྱིས་འབྲུ་མར་གྱིས་མགོ་བསྐུས་ནས་རང་གི་ལག་གིས་བཅའ་བ་དག་སྦྱིན་པར་བྱེད་དོ། །བྱིས་པ་དེ་དག་གིས་དེ་དག་ཁྱེར་ཏེ་རང་རང་གི་ཁྱིམ་དག་ཏུ་དོང་བ་དང་དེ་དག་གི་མ་དག་གིས་དྲིས་པ། ཁྱེད་ཅག་ལ་འདི་དག་སུས་བྱིན། དེ་དག་གིས་སྨྲས་པ། འཕགས་མ་
D3.006.0189b07.01