完整藏文原文 · 德格版页 当前仅加载第 53 函德格 132a 版页；藏文 NFD、目录标记与异常页序保留在来源切片中，重复版页行以稳定序号区分。
པ་བཞིན་དུ་གནང་ནས་ཤཱ་རིའི་བུ་དང་། སྐྱབས་མེད་ཟས་སྦྱིན་གཉིས་ཤིང་རྟ་གཅིག་གི་ནང་དུ་ཞུགས་ཏེ། མཉན་དུ་ཡོད་པར་སོང་ངོ་། །ངའི་བྱིན་གྱི་རླབས་ཀྱིས་ཞག་གཅིག་གིས་གནས་སུ་ཕྱིན་ཏོ། །དེ་ནས་སྐྱབས་མེད་ཟས་སྦྱིན་གྱིས་
D119.053.0132a01.01ཤཱ་རིའི་བུ་ལ་ཞུས་པ། བཙུན་པ་གྲོང་ཁྱེར་འདིའི་ཕྱི་རོལ་གྲོང་ཁྱེར་དང་ཧ་ཅང་ཡང་མི་རིང་། ཧ་ཅང་ཡང་མི་ཉེ་ལ། ཆུ་མིག་དང་། མཚེའུ་དང་། བཟའ་ཤིང་བཟང་པོ་དང་། ཚལ་དང་། མེ་ཏོག་དང་། འབྲས་བུའི་ཤིང་མང་ཞིང་རྒྱས་པ་དང་། ཡོངས་
D119.053.0132a02.01སུ་དག་ཅིང་དབེན་པའི་གནས་ཅི་མཆིས་པ་བརྟག་ཏུ་གསོལ། བདག་གིས་དེར་སངས་རྒྱས་བཅོམ་ལྡན་འདས་དང་། དགེ་སློང་གི་དགེ་འདུན་གྱི་ཕྱིར་གཞལ་མེད་ཁང་བརྩིག་གོ། །ཤཱ་རིའི་བུས་སྨྲས་པ། ཛེ་ཏའི་ཚལ་འདི་ནི་ཧ་ཅང་ཡང་མི་ཉེ། ཧ་ཅང་ཡང་མི་
D119.053.0132a03.01རིང་ལ། ཡོངས་སུ་དག་ཅིང་དབེན་ཏེ། ཆུ་མིག་དང་། འབབ་ཆུ་དང་། མེ་ཏོག་དང་། འབྲས་བུའི་ཤིང་མང་སྟེ། འཕྲལ་དུ་ཅི་དང་ཅི་དགོས་པའང་ཡོད་དོ། །གནས་འདི་བརྟགས་ཀྱིས་གཞལ་མེད་ཁང་སློང་ཤིག །དེ་ནས་སྐྱབས་མེད་ཟས་སྦྱིན་གྱིས་
D119.053.0132a04.01དེ་སྐད་ཅེས་སྨྲས་པ་ཐོས་ནས། ཁྱིམ་བདག་ཆེན་པོ་ཛེ་ཏ་གང་ན་བར་སོང་སྟེ། ཛེ་ཏ་ལ་འདི་སྐད་ཅེས་སྨྲས་སོ། །བདག་བླ་ན་མེད་པའི་ཆོས་ཀྱི་རྒྱལ་པོའི་ཕྱིར། གནས་ཁང་བརྩིག་པར་བྱས་པ་ལས། ཁྱོད་ཀྱི་རབ་བརྟགས་ཏེ། བདག་གིས་ཉོ་སྙམ་སེམས་
D119.053.0132a05.01ན་ཉོར་གནང་ངམ། ཛེ་ཏས་སྨྲས་པ། གལ་ཏེ་གསེར་འབའ་ཞིག་གིས་ས་གཞི་ཐམས་ཅད་ཁྱབ་པར་བཀང་ན་ཡང་མི་སྦྱིན་ནོ། །སྐྱབས་མེད་ཟས་སྦྱིན་གྱིས་སྨྲས་པ། ལེགས་སོ་ཛེ་ཏ་ཁྱོད་ཀྱི་ར་བ་ནི་ཁོ་བོ་དབང་བར་གྱུར་གྱིས་གསེར་ལོང་ཤིག །ཛེ་ཏས་སྨྲས་པ།
D119.053.0132a06.01ངའི་ར་བ་མི་འཚོང་ན། ཅིའི་ཕྱིར་གསེར་ལོང་ཤིག་ཅེས་སྨྲས། སྐྱབས་མེད་ཟས་སྦྱིན་གྱིས་སྨྲས་པ། དེ་ལྟར་མ་རངས་ན་བདག་ཅག་ཞལ་ཅེ་གཅོད་པའི་གན་དུ་འདོང་ངོ་། །དེ་ནས་ཁྱིམ་བདག་གཉིས་ཞལ་ཅེ་གཅོད་པའི་གན་དུ་དོང་ནས། ཞལ་ཅེ་
D119.053.0132a07.01