完整藏文原文 · 德格版页 当前仅加载第 53 函德格 184b 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་ཅན་ལ་ཕན་པའི་དོན་དུ་རིང་བསྲེལ་ཕྲ་མོར་གསེས་ནས་ཐམས་ཅད་ཀྱིས་མཆོད་པར་འགྱུར་བར་བྱེད་དོ། །དེ་བས་ན་དེ་བཞིན་གཤེགས་པས་རྫུས་ཏེ་སྐྱེ་བའི་སྐུ་མི་འདོད་དོ། །སངས་རྒྱས་ཐམས་ཅད་ཀྱང་རྫུས་ཏེ་སྐྱེ་བའི་སྐུ་མི་འདོད་ན། ཅིའི་ཕྱིར་ང་
D119.053.0184b01.01འབའ་ཞིག་རྫུས་ཏེ་སྐྱེ་བའི་སྐུ་བླང་བར་བྱ། དེ་ནས་བྱང་ཆུབ་སེམས་དཔའ་སེང་གེ་སྒྲས་ཐལ་མོ་སྦྱར་ཏེ་པུས་མོ་གཡས་པའི་ལྷ་ངས་ལ་བཙུགས་ནས་ཚིགས་སུ་བཅད་པ་འདི་དག་གིས་བཅོམ་ལྡན་འདས་ལ་མངོན་པར་བསྟོད་དོ། །དེ་བཞིན་གཤེགས་ནི་ཡོན་ཏན་ཚད་མེད་
D119.053.0184b02.01ཕུང་པོ་སྟེ། །བདག་གིས་དེ་དག་རྒྱས་པར་བརྗོད་པར་མི་ནུས་ཀྱང་། །སོ་སོའི་སྐྱེ་བོའི་སླད་དུ་ཕྱོགས་ཙམ་བརྗོད་པར་བགྱི། །ཐུགས་བརྩེའི་སླད་དུ་བདག་གིས་བརྗོད་པ་གསན་དུ་གསོལ། །སོ་སོའི་སྐྱེ་བོ་མ་རིག་མུན་པར་འགྲོ་བ་དག །སྡུག་བསྔལ་མཐའ་ཡས་རྣམ་པ་མང་པོ་
D119.053.0184b03.01མྱོང་བར་འགྱུར། །བཅོམ་ལྡན་འདས་ཀྱིས་དེ་དང་བྲལ་བར་མཛད་པས་ན། །འཇིག་རྟེན་ཀུན་དུ་ཐུགས་རྗེ་ཆེན་པོ་ཞེས་ཀྱང་གྲགས། །སོ་སོའི་སྐྱེ་བོ་འཁོར་བའི་རྒྱུ་ལ་འཁོར་བས་ན། །བག་མེད་ཡོངས་སུ་བསླད་པས་བདེ་བ་མེད་པར་འགྱུར། །དེ་བཞིན་གཤེགས་པས་བདེ་བ་
D119.053.0184b04.01ཡོངས་སུ་བྱིན་པས་ན། །འཁོར་བས་འཁོར་བའི་རྒྱུད་ནི་ཡོངས་སུ་བཅད་པར་གྱུར། །དེ་བཞིན་གཤེགས་ནི་བདེ་བ་ཀུན་ལ་བྱིན་པས་ན། །བདག་གིས་བདེ་བ་གང་ལའང་མ་ཆགས་མི་མོས་སོ། །སོ་སོའི་སྐྱེ་བོའི་སླད་དུ་དཀའ་བ་ཀུན་སྤྱད་དེ། །དེ་བས་འཇིག་རྟེན་བཅས་པ་ཀུན་
D119.053.0184b05.01གྱིས་མཆོད་པར་གྱུར། །ཕ་རོལ་སྡུག་བསྔལ་མྱོང་བ་གཟིགས་ན་སྐུ་འདར་ཏེ། །སེམས་ཅན་དམྱལ་བར་ཞུགས་ཀྱང་སྡུག་བསྔལ་ཚོར་བ་མེད། །སེམས་ཅན་སླད་དུ་སྡུག་བསྔལ་ཆེན་པོ་མྱོང་མཛད་དེ། །དེ་བས་ཀུན་ལས་རྒྱལ་ཏེ་དཔག་པའི་ཚད་མ་མཆིས། །དེ་བཞིན་
D119.053.0184b06.01གཤེགས་པས་སེམས་ཅན་སླད་དུ་དཀའ་བ་སྤྱད། །ཕ་རོལ་ཕྱིན་པ་དྲུག་ཀྱང་ཡོངས་སུ་རྫོགས་པར་འགྱུར། །ཐུགས་ནི་ལོག་པའི་རླུང་ལ་གནས་ཀྱང་མི་གཡོ་སྟེ། དེ་བས་ཤིན་ཏུ་རྒྱལ་བའི་འཇིག་རྟེན་སྐྱེས་བུའོ། །སོ་སོའི་སྐྱེ་བོ་དག་ནི་བདེ་བ་ཀུན་འདོད་ཀྱང་། །བདེ་བར་གྱུར་
D119.053.0184b07.01