完整藏文原文 · 德格版页 当前仅加载第 53 函德格 270b 版页；藏文 NFD、目录标记与异常页序保留在来源切片中，重复版页行以稳定序号区分。
ཞིག་འདུ་ཤེས་རྣམ་པ་འདི་བདུན་དང་ལྡན་པ་དེ་ནི་དགེ་སྦྱོང་ཞེས་བྱ། བྲམ་ཟེ་ཞེས་བྱ། རབ་ཏུ་ཞི་བ་ཞེས་ཀྱང་བྱ། ཡོངས་སུ་དག་པ་ཞེས་ཀྱང་བྱ། རྣམ་པར་གྲོལ་བ་ཞེས་ཀྱང་བྱ། མཁས་པ་ཤེས་རབ་ཅན་ཞེས་ཀྱང་བྱ། ཡང་དག་པར་ལྟ་བ་
D119.053.0270b01.01ཞེས་ཀྱང་བྱ། ཕ་རོལ་ཏུ་ཕྱིན་པ་ཞེས་ཀྱང་བྱ། སྨན་པའི་རྒྱལ་པོ་ཞེས་ཀྱང་བྱ། དེད་དཔོན་ཞེས་ཀྱང་བྱ་སྟེ། དེ་ནི་དེ་བཞིན་གཤེགས་པས་དགོངས་ཏེ་གསུངས་པ་ལ་ཤིན་ཏུ་མཁས་པ། དེ་བཞིན་གཤེགས་པ་རྣམས་ཀྱིས་གསུངས་པའི་གསུང་རྣམ་པ་
D119.053.0270b02.01བདུན་རྟོག་པ་དང་། ཡང་དག་པར་ཤེས་པ་དང་། མཐོང་བ་དང་། གསུང་རྣམ་པ་བདུན་ལ་ཐེ་ཚོམ་དུ་གྱུར་པ་ཡོངས་སུ་གཅོད་པར་འགྱུར་རོ། །རིགས་ཀྱི་བུ་གང་ཟག་སུ་ཞིག་འདུ་ཤེས་རྣམ་པ་དྲུག་དང་ལྡན་ན་གང་ཟག་དེ་ནི་འཇིག་རྟེན་གསུམ་ལ་ཡོངས་
D119.053.0270b03.01སུ་སྨོད་ཅིང་། འཇིག་རྟེན་གསུམ་ཡོངས་སུ་སྤོང་ཞིང་འཇིག་རྟེན་གསུམ་ཞི་བར་བྱེད་པ་དང་། འཇིག་རྟེན་གསུམ་ལ་མ་ཆགས་པ་སྟེ། དེ་ནི་མཁས་པ་ཤེས་རབ་ཅན་འདུ་ཤེས་རྣམ་པ་བཅུ་དང་ལྡན་པ་ཞེས་བྱའོ། །དགེ་སློང་གང་ཞིག་རྣམ་པ་འདི་
D119.053.0270b04.01བཅུ་དང་ལྡན་ན་དགེ་སྦྱོང་གི་མཚན་མ་དང་ལྡན་པ་ཞེས་བྱའོ། །དེ་ནས་བྱང་ཆུབ་སེམས་དཔའ་འོད་སྲུང་གིས་བཅོམ་ལྡན་འདས་ཀྱི་སྤྱན་སྔར་སངས་རྒྱས་ལ་ཚིགས་སུ་བཅད་པ་འདི་དག་གིས་མངོན་པར་བསྟོད་དོ། །འཇིག་རྟེན་བཅས་ལ་ཐུགས་བརྩེ་སྨན་པའི་
D119.053.0270b05.01རྒྱལ་པོ་ནི། །སྐུ་དང་ཤེས་རབ་གཉིས་ཀ་རྣམ་པར་ཞི་བ་སྟེ། །བདག་མེད་པ་ཡི་ཆོས་ལ་ངེས་པར་བདག་ཡོད་པས། །དེ་བས་བླ་མེད་རྒྱལ་ལ་གུས་པར་ཕྱག་འཚལ་ལོ། །ཐོག་མའི་སེམས་དང་མཐར་ཕྱིན་གཉིས་ཀ་རྣམ་བརྟགས་ན། །མཐར་ཕྱིན་སེམས་
D119.053.0270b06.01པས་ཐོག་མའི་སེམས་ནི་རབ་དགའོ། །བདག་ཀྱང་རྣམ་པར་མ་གྲོལ་བ་ནི་གཞན་སྒྲོལ་ཏེ། །དེ་བས་བདག་ནི་ཐོག་མའི་སེམས་ལ་ཕྱག་འཚལ་ལོ། །ཐོག་མའི་སེམས་ནི་ལྷ་དང་མི་ཡི་སྟོན་པར་འགྱུར། །ཉན་ཐོས་པ་དང་རང་རྒྱལ་རྣམས་ལས་ཤིན་དུ་འཕགས། །
D119.053.0270b07.01