完整藏文原文 · 德格版页 当前仅加载第 53 函德格 312a 版页；藏文 NFD、目录标记与异常页序保留在来源切片中，重复版页行以稳定序号区分。
དགྲ་བཅོམ་པའི་འབྲས་བུ་ཐོབ་པར་འགྱུར་རོ། །དགའ་བོ་ང་མྱ་ངན་ལས་འདས་ནས་ཁྱོད་ཀྱིས་ངས་བསྟན་པ་བཞིན་དུ་དྲུག་སྡེ་དང་། འདོད་ལྡན་ལ་སྟོན་ཅིག་དང་། དགེ་སློང་དེ་དག་བསམ་པ་དག་པས་རྣམ་པར་དག་པའི་དམ་པའི་ཆོས་འདི་ལ་བརྟེན་ཏེ། རིང་པོ་མི་ཐོགས་པར་འབྲས་བུ་མཆོག་ཐོབ་པར་
D119.053.0312a01.01འགྱུར་རོ། །དགའ་བོ་དེ་བས་ན་མ་རིག་པ་ལས་ཁམས་གསུམ་དུ་འཁོར་བའི་ཤིང་ཆེན་པོ་སྐྱེས་ཏེ། འདོད་པའི་རླུང་གིས་ཁྱེར་ནས། ཡུན་རིང་པོར་སྡུག་བསྔལ་གྱིས་ཉིན་མཚན་དུ་གདུངས་ཏེ། མུན་པ་ནག་པོའི་འཁོར་བའི་ཀ་བ་ལ་འཁོར་ཞིང་རྣམ་པར་ཤེས་པ་དྲུག་གི་ཡལ་ག་དང་ངན་པར་རྟོག་པའི་རྩ་བ་དང་། མ་
D119.053.0312a02.01རིག་པའི་དབའ་རླབས་དང་། སེམས་དང་རྣམ་པར་ཤེས་པ་ཁོལ་པོ་ལྟ་བུས་ཡུལ་དྲུག་ལ་རྒྱུ་ཞིང་། སྡུག་བསྔལ་གྱི་ས་བོན་བཏབ་ནས་ཕྱིར་ཟློགས་པ་མེད་དེ། རྒྱལ་པོ་དང་འདྲ་བར་དབང་ཆེ་བས་ན་མ་རིག་པ་ནི་རྗེ་བོ་ལྟ་བུ་སྟེ་སྐད་ཅིག་ཏུ་གནོན་པར་བྱེད་པར་སེམས་ཅན་གྱིས་མ་ཚོར་བར་འཁོར་བ་ན་རྒྱུན་དུ་འཁོར་
D119.053.0312a03.01བར་གྱུར་ཏོ། །དགའ་བོ་སེམས་ཅན་ཐམས་ཅད་ནི་མ་རིག་པ་འདིའི་དབང་གིས་འདོད་པའི་ཉོན་མོངས་པ་ལ་ཞུགས་ཏེ། བདག་ཏུ་ལྟ་བས་ཟིལ་གྱིས་མནན་ནས་ཉོན་མོངས་པ་རྗེ་བོ་ལྟ་བུ་བརྒྱད་ཁྲི་བཞི་སྟོང་གིས་ལུས་བཀོལ་ཏེ་ལུས་ཞིག་ཀྱང་རང་དབང་དུ་མི་འགྱུར་རོ། །དགའ་བོ་མ་རིག་པའི་སྡུག་བསྔལ་
D119.053.0312a04.01འགགས་ཏེ་ཁམས་གསུམ་ཟད་ན་དེའི་ཕྱིར་འཇིག་རྟེན་ལས་འདའ་བ་ཞེས་བྱའོ། །དགའ་བོ་གང་གིས་རྟེན་ཅིང་འབྲེལ་ཏེ་འབྱུང་བ་བཅུ་གཉིས་མཐར་བདག་མེད་ཅིང་ཡོངས་སུ་དག་པའི་སྤྱོད་ཡུལ་ལ་ཞུགས་པར་རྟོགས་ན། དེས་ནི་ཁམས་གསུམ་གྱི་མེ་ཆེན་པོ་ཡོངས་སུ་སྤོང་བར་འགྱུར་རོ། །དགའ་བོ་དེ་བཞིན་
D119.053.0312a05.01གཤེགས་པ་ནི་ཡང་དག་པར་གསུང་པ་སྟེ། ཡང་དག་པའི་གསུང་གིས་ཁྱོད་ལ་གཏམས་པ་འདི་ཁྱོད་ཀྱིས་ལེགས་པར་ནན་ཏན་གྱིས་ཤིག །དགའ་བོ་ཁྱོད་ཀྱིས་ཞུ་བ་ལྟར་སངས་རྒྱས་མྱ་ངན་ལས་འདས་ཏེ་འཇིག་རྟེན་ན་མི་བཞུགས་ན་སྟོན་པ་སུས་བྱ་ཞེས་བྱ་བ་ནི་དགའ་བོ་ཚུལ་ཁྲིམས་ནི་ཁྱོད་ཀྱི་སྟོན་པ་
D119.053.0312a06.01ཆེན་པོ་ཡིན་གྱིས་དེ་ལ་གནས་ཏེ་ནན་ཏན་བྱས་ན། འཇིག་རྟེན་ལས་འདས་པའི་ཏིང་ངེ་འཛིན་དང་ཤེས་རབ་ཐོབ་པར་འགྱུར་རོ། །དགའ་བོ་ཁྱོད་ཞུ་བ་ལྟར་སངས་རྒྱས་མྱ་ངན་ལས་འདས་ནས་ཅི་ལ་གནས་ཤིང་རྟེན་ཅེས་བྱ་བ་ནི་དགའ་བོ་དྲན་པ་ཉེ་བར་གཞག་པ་བཞི་ལ་གནས་ཏེ་སེམས་བརྒྱན་ནས་གནས་
D119.053.0312a07.01