完整藏文原文 · 德格版页 当前仅加载第 53 函德格 288b 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱིས་ལེགས་པར་འོངས་སོ་ཞེས་བཀའ་སྩལ་པས། དགེ་སློང་དུ་གྱུར་ཏེ་དེ་ཉིད་དུ་ཡོངས་སུ་དག་པའི་ཚངས་པར་སྤྱོད་པ་དང་ལྡན་ཞིང་དགྲ་བཅོམ་པའི་འབྲས་བུ་ཐོབ་པར་གྱུར་ཏོ། །དེའི་ཚེ་མུ་སྟེགས་ཅན་དེ་དག་གི་ནང་ན་ཀུན་ཏུ་རྒྱུ་འོད་སྲུང་གི་རིགས་ཅན་ཞིག་འདི་སྐད་ཅེས་གསོལ་ཏོ། །གཽ་ཏ་
D119.053.0288b01.01མ་ལུས་ཉིད་སྲོག་ལགས་སམ། ལུས་དང་སྲོག་གཉིས་ཐ་དད་པ་ལགས། དེ་བཞིན་གཤེགས་པ་ཅང་མི་གསུང་བར་བཞུགས་སོ། །དེ་བཞིན་དུ་ལན་གཉིས་ལན་གསུམ་གྱི་བར་དུ་གསོལ་ཀྱང་ཅང་མི་གསུང་ངོ་། །ཀུན་ཏུ་རྒྱུས་ཡང་གསོལ་པ། གཽ་ཏ་མ་མི་ཞིག་ཚེ་འཕོས་ནས་ལུས་
D119.053.0288b02.01ཕྱི་མ་མ་བླངས་པའི་བར་དུ་ལུས་ཀྱང་ཐ་དད་ལ། སྲོག་ཀྱང་ཐ་དད་ཅེས་མི་བགྱིའམ། ཇི་སྟེ་ཐ་དད་པ་ཞིག་ལགས་ན། གཽ་ཏ་མ་ཅིའི་སླད་དུ་ཅང་མི་གསུང་བར་བཞུགས། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་ངས་ནི་ལུས་དང་སྲོག་གཉིས་ཀ་རྟེན་ཅིང་འབྲེལ་ཏེ་འབྱུང་
D119.053.0288b03.01བ་ལས་སྐྱེས་ཏེ། རྟེན་ཅིང་འབྲེལ་ཏེ་འབྱུང་བ་མ་ཡིན་པ་ལས་མ་ཡིན་ཏེ། ལུས་དང་སྲོག་ཇི་ལྟ་བ་བཞིན་དུ་ཆོས་ཐམས་ཅད་ཀྱང་དེ་དང་འདྲ་བར་རིག་པར་བྱའོ། །ཀུན་ཏུ་རྒྱུས་ཡང་གསོལ་པ། གཽ་ཏ་མ་བདག་གིས་ནི་འཇིག་རྟེན་ན་ཆོས་ཁ་ཅིག་རྟེན་ཅིང་འབྲེལ་ཏེ་འབྱུང་བ་མ་ལགས་པར་མཐོང་ངོ་། །
D119.053.0288b04.01བཅོམ་ལྡན་འདས་ཀྱིས་བཀའ་སྩལ་པ། ཁྱོད་ཀྱིས་འཇིག་རྟེན་གྱི་ཆོས་གང་དག་རྟེན་ཅིང་འབྲེལ་ཏེ་འབྱུང་བ་མ་ཡིན་པར་མཐོང་། ཀུན་ཏུ་རྒྱུས་གསོལ་པ། འདི་ལྟ་སྟེ་ཞུགས་ཆེན་པོ་ཤོར་བ་ན། མེ་ལྕེ་རླུང་གིས་བཏབ་ནས་གནས་གཞན་དག་ཀྱང་ཚིག་པར་འགྱུར་བ་དེ་རྟེན་ཅིང་འབྲེལ་ཏེ་འབྱུང་
D119.053.0288b05.01བ་མ་ལགས་པ་ཞེས་བགྱིའོ། །བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་ངས་ནི་མེ་དེ་ཡང་རྟེན་ཅིང་འབྲེལ་ཏེ་འབྱུང་བ་ལས་སྐྱེས་ཏེ། རྟེན་ཅིང་འབྲེལ་ཏེ་འབྱུང་བ་མ་ཡིན་པ་ལས་མ་ཡིན་ནོ། །ཀུན་ཏུ་རྒྱུས་གསོལ་པ། གཽ་ཏ་མ་མེ་ལྕེ་ཆད་དེ་ཚིག་པ་ནི་ཤིང་ངམ་མདག་མེ་ལས་བྱུང་བ་མ་
D119.053.0288b06.01ལགས་ན། ཅིའི་སླད་དུ་རྟེན་ཅིང་འབྲེལ་ཏེ་འབྱུང་བ་ལགས་ཞེས་གསུངས། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་ཤིང་དང་མདག་མེ་ནི་མེད་མོད་ཀྱི། འོན་ཀྱང་རླུང་གི་དབང་གིས་མེ་ལྕེ་ཆད་དོ། །རླུང་གི་རྒྱུ་དང་རྐྱེན་གྱིས་མེ་ལྕེ་མེད་པར་མ་གྱུར་ཏོ། །ཀུན་ཏུ་རྒྱུས་གསོལ་པ།
D119.053.0288b07.01