完整藏文原文 · 德格版页 当前仅加载第 53 函德格 262b 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་རེག་པ་ཞེས་བྱའོ། །དམ་པའི་ཆོས་ཐོས་པའི་རྐྱེན་གྱིས་ལུས་དང་། ངག་དང་ཡིད་ཀྱི་ལས་ཡོངས་སུ་དག་པར་འགྱུར་ཏེ། དེ་ཡང་རེག་པ་ཞེས་བྱའོ། །ལུས་དང་། ངག་དང་། ཡིད་ཀྱི་ལས་ཡོངས་སུ་དག་པའི་རྐྱེན་གྱིས་ཡང་དག་པའི་འཚོ་བ་ཐོབ་པར་འགྱུར་ཏེ། དེ་
D119.053.0262b01.01ཡང་རེག་པ་ཞེས་བྱའོ། །ཡང་དག་པའི་འཚོ་བའི་རྐྱེན་གྱིས་ཡོངས་སུ་དག་པའི་ཚུལ་ཁྲིམས་ཐོབ་པར་འགྱུར་རོ། །ཡོངས་སུ་དག་པའི་ཚུལ་ཁྲིམས་ཀྱི་རྐྱེན་གྱིས་བས་མཐའི་དགོན་པ་ལ་དགའ་བར་འགྱུར་རོ། །བས་མཐའི་དགོན་པ་ལ་དགའ་བའི་རྐྱེན་གྱིས་ཤིན་ཏུ་ཡིད་
D119.053.0262b02.01ལ་བྱེད་པར་འགྱུར་རོ། །ཤིན་ཏུ་ཡིད་ལ་བྱས་པས་ཆོས་བཞིན་དུ་གནས་པར་འགྱུར་རོ། །ཆོས་བཞིན་དུ་གནས་པའི་རྐྱེན་གྱིས་བྱང་ཆུབ་ཀྱི་ཕྱོགས་སུམ་ཅུ་རྩ་བདུན་ཐོབ་སྟེ། ཀུན་ནས་ཉོན་མོངས་པ་ཚད་མེད་པ་སྙེད་ཆོམས་པར་འགྱུར་ཏེ། དེ་ནི་རེག་པ་ཞེས་བྱའོ། །རིགས་ཀྱི་
D119.053.0262b03.01བུ་ཚོར་བ་ལ་སྡུད་པ་ཞེས་བྱའོ། །སེམས་ཅན་གྱིས་ཚོར་བ་མྱོང་བ་ན་དགེ་བ་དང་སྡིག་པ་བྱེད་པར་འགྱུར་ཏེ། དེ་བས་ན་ཚོར་བ་ལ་སྡུད་པ་ཞེས་བྱའོ། །རིགས་ཀྱི་བུ་ཚོར་བའི་རྐྱེན་གྱིས་ཀུན་ནས་ཉོན་མོངས་པ་མང་པོ་སྐྱེའོ། །བྱང་ཆུབ་ཀྱི་ཕྱོགས་སུམ་ཅུ་རྩ་བདུན་གྱིས་ཀུན་
D119.053.0262b04.01ནས་ཉོན་མོངས་པ་ཆོམས་པར་འགྱུར་ཏེ། དེ་བས་ན་ཚོར་བ་ལ་སྡུད་པ་ཞེས་བྱའོ། །ཤིན་ཏུ་ལེགས་པར་ཡིད་ལ་བྱེད་པའི་རྐྱེན་གྱིས་ཀུན་ནས་ཉོན་མོངས་པ་ཆོམས་པར་འགྱུར་ཏེ། དེ་བས་ན་བསྐྱེད་པ་ཞེས་བྱའོ། །དེ་ཅིའི་ཕྱིར་ཞེ་ན། བརྩོན་འགྲུས་སུ་ནན་ཏན་བྱས་ན་བྱང་ཆུབ་
D119.053.0262b05.01ཀྱི་ཕྱོགས་སུམ་ཅུ་རྩ་བདུན་ཐོབ་པར་འགྱུར་རོ། །གང་གིས་དེ་ལྟར་ཀུན་ནས་ཉོན་མོངས་པ་གཞོམ་པར་བསམས་ན་དྲན་པ་ལ་རག་ལུས་ཏེ། དེ་བས་ན་དྲན་པ་ནི་བདག་པོ་ཞེས་བྱའོ། །དཔེར་ན་འཇིག་རྟེན་ན་ཚོགས་རྣམ་པ་བཞི་ནི་དམག་དཔོན་གྱི་ཡིད་བཞིན་དུ་འགྲོ་བ་ལྟར་བྱང་
D119.053.0262b06.01ཆུབ་ཀྱི་ཕྱོགས་སུམ་ཅུ་རྩ་བདུན་ཡང་དེ་དང་འདྲ་སྟེ། བདག་པོ་དྲན་པའི་རྗེས་སུ་འགྲོའོ། །རིགས་ཀྱི་བུ་ཏིང་ངེ་འཛིན་དུ་ཞུགས་པས་བྱང་ཆུབ་ཀྱི་ཕྱོགས་སུམ་ཅུ་རྩ་བདུན་གྱི་ཆོས་ཀྱི་མཚན་ཉིད་ཐམས་ཅད་རྟོགས་པར་འགྱུར་ཏེ། དེ་བས་ན་ཏིང་ངེ་འཛིན་ནི་དེད་དཔོན་ཞེས་བྱའོ། །
D119.053.0262b07.01