完整藏文原文 · 德格版页 当前仅加载第 53 函德格 303a 版页；藏文 NFD、目录标记与异常页序保留在来源切片中，重复版页行以稳定序号区分。
གཤེགས་པའི་སྤྱན་སྔར་ཕྱིན་ན་དགེ་སྦྱོང་གི་འབྲས་བུ་མངོན་སུམ་དུ་ཐོབ་པ་དང་། ཕྱིས་ཐོབ་པར་འགྱུར་བ་དང་། ལྷ་དང་མིའི་ལུས་གང་གིས་ཐོབ་པ་མངོན་སུམ་དུ་རྟོགས་པ་ཡིན། ངའི་གཡོག་བྱས་ནས་དེ་བཞིན་གཤེགས་པས་དགོངས་ཏེ་གསུངས་པ་ཐམས་
D119.053.0303a01.01ཅད་ཁོང་དུ་ཆུད་ཅིང་རྟོགས་པ་ཡིན་ནོ། །རིགས་ཀྱི་བུ་དགེ་སློང་དགའ་བོ་ནི་དེ་ལྟར་བསམ་གྱིས་མི་ཁྱབ་པའི་ཆོས་བརྒྱད་དང་ལྡན་ཏེ། དེ་བས་ན་དགེ་སློང་དགའ་བོ་ནི་མང་དུ་ཐོས་པའི་མཛོད་ཡིན་ནོ་ཞེས་གྲགས་སོ། །རིགས་ཀྱི་བུ་དགེ་སློང་དགའ་བོ་ནི་ཆོས་རྣམ་པ་བརྒྱད་དང་ལྡན་
D119.053.0303a02.01པས་དེ་བཞིན་གཤེགས་པས་གསུངས་པའི་མདོ་སྡེ་བཅུ་གཉིས་འཛིན་པར་འགྱུར་ཏེ། བརྒྱད་གང་ཞེ་ན། འདི་ལྟ་སྟེ། དད་པའི་དབང་པོ་ཤིན་ཏུ་བརྟན་པ་དང་། ཤིན་ཏུ་དྲང་བ་དང་། ལུས་ལ་ནད་མེད་པ་དང་། བརྩོན་འགྲུས་དང་ལྡན་པ་དང་། དྲན་པ་དང་ལྡན་པ་དང་། ང་རྒྱལ་
D119.053.0303a03.01མེད་པ་དང་། ཏིང་ངེ་འཛིན་དང་ཤེས་རབ་དང་ལྡན་པ་དང་། ཐོས་པ་ལས་ཤེས་རབ་སྐྱེ་བ་དང་ལྡན་པ་ཡིན་ཏེ། འཇམ་དཔལ་སངས་རྒྱས་རྣམ་པར་གཟིགས་ཀྱི་ཉེ་གནས་མྱ་ངན་མེད་ཅེས་བྱ་བ་ཡང་འདི་བཞིན་དུ་ཆོས་བརྒྱད་དང་ལྡན་ནོ། །དེ་བཞིན་གཤེགས་པ་གཙུག་ཏོར་ཅན་གྱི་
D119.053.0303a04.01ཉེ་གནས་ཙ་པ་ཀ་ལ་དང་། སངས་རྒྱས་ཐམས་ཅད་སྐྱོབ་ཀྱི་ཉེ་གནས་ཨུ་པ་ཤན་ཏ་དང་། སངས་རྒྱས་ལོག་པར་དད་སེལ་གྱི་ཉེ་གནས་པ་ཏེ་ཞེས་བྱ་བ་དང་། སངས་རྒྱས་གསེར་ཐུབ་བསོད་སྐྱབས་ཀྱི་ཉེ་གནས་སོ་ཏེ་ཞེས་བྱ་བ་དང་། སངས་རྒྱས་འོད་སྲུང་གི་ཉེ་གནས་ཡ་བ་མི་ཏ་
D119.053.0303a05.01ཞེས་བྱ་བ་ཡང་ཐམས་ཅད་ཆོས་བརྒྱད་དང་ལྡན་ཏེ། ད་ལྟར་ངའི་དགའ་བོ་ཡང་ཆོས་བརྒྱད་དང་ལྡན་ནོ། །དེ་བས་ན་དགེ་སློང་དགའ་བོ་ནི་མང་དུ་ཐོས་པའི་མཛོད་ཅེས་གྲགས་སོ། །རིགས་ཀྱི་བུ་ཁྱོད་སྨྲ་བ་ལྟར་འཁོར་གྱི་དཀྱིལ་འཁོར་འདི་ན་བྱང་ཆུབ་སེམས་དཔའ་ཚད་མེད། མཐའ་
D119.053.0303a06.01ཡས་པ་ཞིག་འདུས་མོད་ཀྱི། བྱང་ཆུབ་སེམས་དཔའ་དེ་དག་ཀྱང་བྱམས་པ་ཆེན་པོ་དང་། སྙིང་རྗེ་ཆེན་པོས་བྱེད་དཀའ་བ་བྱེད་དེ། དེ་ལྟར་བྱམས་པ་དང་། སྙིང་རྗེའི་དབང་གིས་སོ་སོ་ན་ལས་ཡོད་ལ། འཁོར་རྣམས་གདུལ་བ་དང་། བདག་གི་ལུས་བརྒྱན་པའི་ལས་བྱེད་དེ། དེ་
D119.053.0303a07.01