完整藏文原文 · 德格版页 当前仅加载第 53 函德格 166b 版页；藏文 NFD、目录标记与异常页序保留在来源切片中，重复版页行以稳定序号区分。
ཅད་ཀྱིས་དངོས་པོ་འདི་ལྔ་དང་ལྡན་ན་ད་ལྟར་གྱི་རྣམ་པར་སྨིན་པ་ཡང་བ་སེམས་ཅན་དམྱལ་བར་མྱོང་བར་འགྱུར་རོ། །ལྔ་གང་ཞེ་ན། གཏི་མུག་ཅན་དང་། དགེ་བའི་རྩ་བ་ཉུང་བ་དང་། མི་དགེ་བའི་ལས་ལྕི་བ་དང་། འགྱོད་ཚངས་མ་བྱས་པ་དང་། ཐོག་མའི་
D119.053.0166b01.01དགེ་བའི་ལས་མི་སྤྱོད་པའོ། །ཡང་རྣམ་པ་ལྔ་སྟེ། མི་དགེ་བའི་ལས་སྤྱོད་པ་དང་། ཚུལ་ཁྲིམས་ཀྱི་ནོར་མེད་པ་དང་། དགེ་བའི་རྩ་བ་སྤོང་བ་དང་། ལུས་དང་། ཚུལ་ཁྲིམས་དང་། སེམས་དང་། ཤེས་རབ་མི་སྒོམ་པ་དང་། མི་དགེ་བའི་བཤེས་གཉེན་
D119.053.0166b02.01ལ་བསྟེན་པ་སྟེ། རིགས་ཀྱི་བུ་དེ་བས་ན་ད་ལྟར་གྱི་འབྲས་བུ་རྣམ་པར་སྨིན་པ་ཡང་བ་སེམས་ཅན་དམྱལ་བའི་ལྕི་བ་མྱོང་བར་འགྱུར་རོ། །སེང་གེ་སྒྲས་གསོལ་པ། བཅོམ་ལྡན་འདས་སྐྱེས་བུ་གང་དག་ནི་སེམས་ཅན་དམྱལ་བའི་རྣམ་པར་སྨིན་པ་ལྕི་བ་བསྒྱུར་ཏེ།
D119.053.0166b03.01ད་ལྟར་གྱི་ཚེ་ན་ཡང་བ་མྱོང་བར་འགྱུར། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་གང་གིས་ལུས་དང་། ཚུལ་ཁྲིམས་དང་། སེམས་དང་། ཤེས་རབ་སྒོམ་ཞིང་གོང་དུ་བཤད་པ་ལྟར་ཆོས་ཐམས་ཅད་ནམ་མཁའ་དང་འདྲ་བར་རྟོགས་ཏེ། ཤེས་རབ་ཏུ་
D119.053.0166b04.01མི་ལྟ། ཤེས་རབ་ཅན་དུ་མི་ལྟ། གཏི་མུག་ཏུ་མི་ལྟ། གཏི་མུག་ཅན་དུ་མི་ལྟ། བསྒོམ་པར་མི་ལྟ། བསྒོམ་པ་ཅན་དུ་མི་ལྟ་བ་དེ་ནི་ཤེས་རབ་ཅན་ཞེས་བྱ་སྟེ། དེས་ནི་ལུས་དང་། ཚུལ་ཁྲིམས་དང་། སེམས་དང་། ཤེས་རབ་སྒོམ་ཞིང་དེས་ནི་སེམས་ཅན་དམྱལ་བའི་འབྲས་བུ་
D119.053.0166b05.01རྣམ་པར་སྨིན་པ་ལྕི་བ་ད་ལྟར་གྱི་ཚེ་ན་ཡང་བ་མྱོང་བ་སྟེ། དེས་གལ་ཏེ་མི་དགེ་བའི་ལས་རབ་ཏུ་ལྕི་བ་བྱས་ཀྱང་འདི་སྙམ་དུ་བདག་གི་ལས་འདི་ཤིན་ཏུ་ལྕི་མོད་ཀྱི། དགེ་བའི་ལས་ཙམ་མི་ཕོད་དོ་སྙམ་དུ་སེམས་པ་ནི་འདི་ལྟ་སྟེ། དཔེར་ན་རས་ཀྱི་བལ་ནི་ཕོ་རེ་བརྒྱ་ཡང་གསེར་ཡང་
D119.053.0166b06.01དག་པ་སྲང་གཅིག་གི་དོར་མེད་པའམ། ཇི་ལྟར་གང་གཱ་ཀླུང་གི་ནང་དུ་ལན་ཚྭ་ཕུལ་གང་བཏབ་ན་ལན་ཚྭ་མི་བྲོ་སྟེ་འཐུང་བ་དག་མི་ཚོར་བའམ། དཔེར་ན་ཤིན་ཏུ་ཕྱུག་པོས་རིན་པོ་ཆེ་བརྒྱ་སྟོང་གཞན་ལ་ཆགས་ཀྱང་སུས་ཀྱང་བཅིངས་དྲགས་ཏེ་སྡུག་བསྔལ་བར་བྱེད་མི་ནུས་པའམ།
D119.053.0166b07.01