完整藏文原文 · 德格版页 当前仅加载第 53 函德格 292a 版页；藏文 NFD、目录标记与异常页序保留在来源切片中，重复版页行以稳定序号区分。
པར་མཛད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་ངས་ནི་དོན་དེ་དག་སྟོན་པ་ལ་ཤིན་ཏུ་རྒྱས་པར་མཁྱེན་མོད་ཀྱི། ད་ཁྱོད་ལ་ཕྱོགས་ཙམ་ཞིག་བཤད་པར་བྱའོ། །རིགས་ཀྱི་བུ་འདོད་པ་ནི་མི་དགེ་བ་སྟེ། རྣམ་པར་གྲོལ་བ་ལ་འདོད་པ་ནི་དགེ་
D119.053.0292a01.01བའོ། །ཞེ་སྡང་དང་གཏི་མུག་ཀྱང་དེ་བཞིན་དུ་ཤེས་པར་བྱའོ། །སྲོག་གཅོད་པ་ནི་མི་དགེ་བའོ། །སྲོག་གཅོད་པ་ཡོངས་སུ་སྤངས་པ་ནི་དགེ་བ་ནས། ངན་པར་ལྟ་བའི་བར་དུ་རྒྱས་པར་རིག་པར་བྱའོ། །རིགས་ཀྱི་བུ་ངས་ནི་ཁྱོད་ལ་དགེ་བ་དང་མི་དགེ་བའི་ཆོས་རྣམ་པ་གསུམ་དང་། དགེ་བ་
D119.053.0292a02.01དང་མི་དགེ་བའི་ཆོས་རྣམ་པ་བཅུ་ཡང་བསྟན་ཅིང་བཤད་པ་ཡིན་ནོ། །གལ་ཏེ་ངའི་ཉེ་གནས་སུ་གྱུར་པ་གང་ཞིག་དགེ་བ་དང་མི་དགེ་བ་རྣམ་པ་གསུམ་ནས། དགེ་བ་དང་མི་དགེ་བའི་ཆོས་རྣམ་པ་བཅུའི་བར་དུ་བྱེ་བྲག་ཕྱེད་དེ་ནན་ཏན་དུ་བྱེད་ན། གང་ཟག་དེས་ནི་འདོད་ཆགས་དང་ཞེ་སྡང་དང་གཏི་
D119.053.0292a03.01མུག་མེད་པར་འགྱུར་བ་དང་། ཟག་པ་ཐམས་ཅད་ཟད་པ་དང་། སྲིད་པ་ཐམས་ཅད་ཡོངས་སུ་གཅོད་པར་འགྱུར་རོ། །ཀུན་དུ་རྒྱུས་གསོལ་པ། གཽ་ཏ་མ་བཅོམ་ལྡན་འདས་ཀྱི་བསྟན་པ་ལ། དགེ་སློང་འགའ་ཙམ་ཡང་འདོད་ཆགས་དང་། ཞེ་སྡང་དང་། གཏི་མུག་དང་། ཟག་པ་ཐམས་
D119.053.0292a04.01ཅད་ཟད་པ་དང་། སྲིད་པ་ཐམས་ཅད་ཡོངས་སུ་བཅད་པ་མཆིས་སམ། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་སངས་རྒྱས་ཀྱི་བསྟན་པ་ལ། འདོད་ཆགས་དང་ཞེ་སྡང་དང་གཏི་མུག་དང་། ཟག་པ་ཐམས་ཅད་དང་། སྲིད་པ་ཐམས་ཅད་ཟད་པ་གཅིག་གམ། གཉིས་
D119.053.0292a05.01སམ། གསུམ་མམ། ལྔའམ། བརྒྱར་མ་ཟད་ཀྱི། དེ་ལྟ་བུའི་དགེ་སློང་ནི་གྲངས་མེད་དོ། །གཽ་ཏ་མ་དགེ་སློང་ལྟ་ཞོག་ལ། སངས་རྒྱས་ཀྱི་བསྟན་པ་ལ། དགེ་སློང་མ་འགའ་ཙམ་འདོད་ཆགས་དང་ཞེ་སྡང་དང་། གཏི་མུག་དང་། ཟག་པ་ཐམས་ཅད་དང་། སྲིད་པ་ཐམས་ཅད་
D119.053.0292a06.01ཟད་པ་མཆིས་སམ། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་སངས་རྒྱས་ཀྱི་བསྟན་པ་ལ་དགེ་སློང་མ་གཅིག་གམ། གཉིས་སམ། གསུམ་མམ་ལྔའམ། བརྒྱར་མ་ཟད་ཀྱི། འདོད་ཆགས་དང་། ཞེ་སྡང་དང་གཏི་མུག་དང་། ཟག་པ་ཐམས་ཅད་དང་།
D119.053.0292a07.01