完整藏文原文 · 德格版页 当前仅加载第 53 函德格 315a 版页；藏文 NFD、目录标记与异常页序保留在来源切片中，重复版页行以稳定序号区分。
ཡོངས་སུ་བཅད་དེ། བདེན་པ་བཞི་དང་། རྟེན་ཅིང་འབྲེལ་ཏེ་འབྱུང་བ་བཅུ་གཉིས་ཤིན་ཏུ་རྟོགས་ནས་བྱང་ཆུབ་ཀྱི་ཤིང་དྲུང་དུ་བདུད་རྣམ་བཞི་བཏུལ་ཏེ། ཐམས་ཅད་མཁྱེན་པའི་ཡེ་ཤེས་སུ་གྱུར་ནས་དེ་ལྟ་བུའི་དམ་པའི་ཆོས་ཐམས་ཅད་ལ་ནན་ཏན་བྱས་པས་སངས་རྒྱས་ཐམས་
D119.053.0315a01.01ཅད་ཀྱིས་གསུང་འཐུན་པར་ལེགས་སོ་ལེགས་སོ་ཞེས་བཀའ་སྩལ་ནས། འཐུན་པར་ཆོས་ཉིད་ཀྱི་ཡེ་ཤེས་ཀྱི་ཆུ། ཆོས་ཀྱི་སྐུའི་སྤྱི་བོར་དབང་བསྐུར་ཏེ། གདོད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་སངས་རྒྱས་སོ་ཞེས་བསྒྲགས་སོ། །དེ་བས་ན་ང་ནི་ད་ལྟར་ལྷ་དང་མི་
D119.053.0315a02.01རྣམས་ཀྱི་སྟོན་པ་སྟེ། ཕྱོགས་བཅུར་རྣམ་པར་སངས་རྒྱས་པ་མཐར་ཕྱིན་པ་བཅོམ་ལྡན་འདས་ཞེས་བྱ་སྟེ། ལྷ་དང་མིའི་ནང་ན་དཔེ་ཟླ་མེད་པ། སེམས་ཅན་ཐམས་ཅད་ལ་སྒྲ་གཅན་འཛིན་དང་འདྲ་བར་གཟིགས་པས་དེ་བཞིན་གཤེགས་པ་ཡང་དག་པར་རྫོགས་པ། མཁྱེན་པ་དང་ཞབས་སུ་ལྡན་པ། བདེ་
D119.053.0315a03.01བར་གཤེགས་པ། འཇིག་རྟེན་རིག་པ། བླ་ན་མེད་པ། སྐྱེས་བུ་འདུལ་ཞིང་ཁ་ལོ་སྒྱུར་བ། ལྷ་དང་མིའི་སྟོན་པ་སངས་རྒྱས་བཅོམ་ལྡན་འདས་ཞེས་བྱ་སྟེ། འཇིག་རྟེན་ལ་ཐུགས་བརྩེ་བར་མཛད་པ་ཀུན་མཛད་ནས་སེམས་ཅན་གྱི་ཕྱིར་མྱ་ངན་ལས་འདས་ན། འཇིག་རྟེན་གྱི་ཆོས་བཞིན་དུ་འཁོར་ལོས་
D119.053.0315a04.01སྒྱུར་བའི་རྒྱལ་པོ་ལྟར་སེམས་ཅན་ཐམས་ཅད་ཀྱིས་མཆོད་པ་བྱེད་པར་འགྱུར་བར་བྱའོ། །དགའ་བོ་ང་མྱ་ངན་ལས་འདས་ནས་འཁོར་ལོས་སྒྱུར་བའི་རྒྱལ་པོ་ལྟར་ཞག་བདུན་གྱི་བར་དུ་ཞོག་ལ། གདོད་ལྕགས་ཀྱི་སྒྲོམ་དུ་ཆུག་ཤིག །ལྕགས་ཀྱི་སྒྲོམ་དུ་བཅུག་ནས་མར་བསུང་ཅན་གྱིས་ཁོང་ལ་ཁ་
D119.053.0315a05.01ལེགས་པར་ཆོད་ཅིག །སྒྲོམ་ཡང་རིན་པོ་ཆེ་སྣ་བདུན་གྱིས་རབ་ཏུ་སྤྲས་ཤིང་བརྒྱན་ལ་སྒྲོམ་འཁོར་བར་རིན་པོ་ཆེའི་རྒྱལ་མཚན་དང་། སྤོས་དང་། མེ་ཏོག་གིས་མཆོད་པ་གྱིས་ཤིག །དེ་ལྟ་བུར་ཞག་བདུན་དུ་མཆོད་ནས་སྒྲོམ་ནས་ཕྱུང་ལ། སྤོས་ཆུས་ལེགས་པར་ཁྲུས་ཤིག །དེ་ལྟར་སྤོས་ཆུས་
D119.053.0315a06.01དེ་བཞིན་གཤེགས་པའི་སྐུ་ལེགས་པར་བཀྲུས་ནས་ཤིང་བལ་གྱིས་སྐུ་ཁྱབ་པར་དཀྲིས་ཤིག །དེའི་སྟེང་དུ་རིན་ཐང་མེད་པའི་རས་དཀར་པོ་ཡུག་སྟོང་གིས་དཀྲིས་ཤིག །དེ་ལྟར་དཀྲིས་ནས་ཕྱིར་ལྕགས་ཀྱི་སྒྲོམ་དུ་ཆུག་ལ་མར་བསུང་ཅན་གྱིས་བཀང་སྟེ་ཁ་ལེགས་པར་ཆོད་ཅིག །དེ་ནས་གོ་ཤིར་ཥ་ཙན་དན་
D119.053.0315a07.01