完整藏文原文 · 德格版页 当前仅加载第 53 函德格 195b 版页；藏文 NFD、目录标记与异常页序保留在来源切片中，重复版页行以稳定序号区分。
འཆད། ལ་ལ་ནི་ཕྱོགས་བཅུའི་སངས་རྒྱས་མ་མཆིས་སོ་ཞེས་འཆད་ན། གལ་ཏེ་དེ་བཞིན་གཤེགས་པ་དབང་པོ་རྣམས་མཁྱེན་པའི་སྟོབས་དང་ལྡན་ན་ཅིའི་སླད་དུ་ངེས་པར་མ་གསུངས། དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་འོད་སྲུང་ལ་
D119.053.0195b01.01བཀའ་སྩལ་པ། རིགས་ཀྱི་བུ་དོན་འདི་ནི་མིག་གི་རྣམ་པར་ཤེས་པས་ཤེས་པ་མ་ཡིན་པ་ནས་ཡིད་ཀྱི་རྣམ་པར་ཤེས་པའི་བར་གྱིས་ཤེས་པ་མ་ཡིན་ཏེ། དེ་ནི་ཤེས་རབ་ཀྱིས་ཤེས་པར་ནུས་སོ། །གང་མཁས་པ་ཤེས་རབ་ཅན་ལ་ནི་ངས་ཀྱང་གཉིས་སུ་མ་
D119.053.0195b02.01གསུངས། དེས་ཀྱང་ངས་གཉིས་སུ་མ་གསུངས་པར་ཤེས་སོ། །གང་ཤེས་རབ་མེད་པ་ལ་ནི་མ་ངེས་པར་གསུངས་ཏེ། ཤེས་རབ་མེད་པ་དེས་ཀྱང་ངས་མ་ངེས་པར་གསུངས་པར་ཤེས་སོ། །རིགས་ཀྱི་བུ་དེ་བཞིན་གཤེགས་པའི་དགེ་བའི་ཆོས་ཐམས་ཅད་
D119.053.0195b03.01ནི་སེམས་ཅན་རྣམས་གདུལ་བའི་ཕྱིར་གསུངས་ཏེ། དཔེར་ན་སྨན་པ་མཁས་པ་ལ་སྨན་དཔྱད་ཡོད་དོ་ཅོག་ནི་ཀུན་ཀྱང་ནད་ཀྱིས་གདུངས་པ་ཐམས་ཅད་གསོ་བར་བྱེད་དོ། །རིགས་ཀྱི་བུ་སངས་རྒྱས་བཅོམ་ལྡན་འདས་ནི་ཞིང་གི་ཕྱིར་དུས་ཀྱི་ཕྱིར། གཞན་ལ་སྨྲ་བའི་ཕྱིར།
D119.053.0195b04.01ཕྱི་རོལ་པ་ལ་སྟོན་པའི་ཕྱིར། དབང་པོ་རྣམས་ཀྱི་ཕྱིར། ཆོས་རྣམ་པ་གཅིག་ལས་རྣམ་པ་གཉིས་སུ་འཆད། ཆོས་ཀྱི་མིང་གཅིག་ལས་མིང་གྲངས་མེད་པར་འཆད། དོན་གཅིག་ལས་མིང་གྲངས་མེད་པར་འཆད། དོན་གྲངས་མེད་པ་ལས་མིང་ཚད་མེད་པ་སྙེད་འཆད་
D119.053.0195b05.01དོ། །དེ་ལ་ཇི་ལྟར་ན་མིང་གཅིག་ལས་མིང་གྲངས་མེད་པར་འཆད་པ་ཞེ་ན། ཇི་ལྟར་ཡོངས་སུ་མྱ་ངན་ལས་འདས་པ་ལ་མྱ་ངན་ལས་འདས་པ་ཞེས་ཀྱང་བྱ། སྐྱེ་བ་མེད་པ་ཞེས་ཀྱང་བྱ། འབྱུང་བ་མེད་པ་ཞེས་ཀྱང་བྱ། བྱེད་པ་མེད་པ་ཞེས་ཀྱང་བྱ། འདུས་མ་བྱས་
D119.053.0195b06.01པ་ཞེས་ཀྱང་བྱ། སྐྱབས་སུ་འགྲོ་བ་ཞེས་ཀྱང་བྱ། གནས་དང་རྟེན་ཞེས་ཀྱང་བྱ། རྣམ་པར་གྲོལ་བ་ཞེས་ཀྱང་བྱ། འོད་སྣང་བ་ཞེས་ཀྱང་བྱ། སྒྲོན་མ་ཞེས་ཀྱང་བྱ། མཐར་ཕྱིན་པ་ཞེས་ཀྱང་བྱ། འཇིགས་པ་མེད་པ་ཞེས་ཀྱང་བྱ། ལྡོག་པ་མེད་པ་ཞེས་ཀྱང་བྱ།
D119.053.0195b07.01