完整藏文原文 · 德格版页 当前仅加载第 53 函德格 275b 版页；藏文 NFD、目录标记与异常页序保留在来源切片中，重复版页行以稳定序号区分。
མི་ཤེས་སོ། །དམ་པའི་ཆོས་ནི་མདོ་ཙམ་ཞིག་བགྲོས་ཏེ། དགེ་སྦྱོང་གཽ་ཏ་མ་བདག་ཅག་ལས་རྒྱལ་ན་བདག་ཅག་གིས་དེའི་གཡོག་བྱའོ། །བདག་ཅག་གིས་དེ་ལས་རྒྱལ་ན་བདག་གི་གཡོག་བྱ་དགོས་སོ་ཞེས་སྨྲས་ནས་དེའི་ཚེ་མུ་སྟེགས་ཅན་ཚད་མེད་པ་སྙེད་ལྷན་ཅིག་འདུས་ཏེ།
D119.053.0275b01.01ཡུལ་དབུས་གྱུར་འཆང་དུ་རྒྱལ་པོ་མ་སྐྱེས་དགྲའི་དྲུང་དུ་ལྷགས་སོ། །རྒྱལ་པོས་དེ་དག་མཐོང་ནས་འདི་སྐད་ཅེས་སྨྲས་སོ། །ཀྱེ་སྐྱེས་བུ་དག་ཁྱེད་གར་འགྲོ། ཁྱེད་རྣམས་ནི་སོ་སོ་ན་འཕགས་པའི་ལམ་ལ་ནན་ཏན་བྱེད་པ་ཡིན་ཏེ། ཁྱིམ་ནས་ཁྱིམ་མ་ཡིན་པར་རབ་ཏུ་བྱུང་
D119.053.0275b02.01ནས་ཁྱིམ་གྱི་དངོས་པོ་དང་ལོངས་སྤྱོད་ཐམས་ཅད་ཡོངས་སུ་སྤངས་ཏེ་ཡུལ་མི་ཐམས་ཅད་ཀྱིས་བསྟི་སྟང་དང་བཅས་པས་མཆོད་དེ། བསྟི་སྟང་དང་རིམ་གྲོ་བྱེད་པ་ལ་ཡིད་དང་འགལ་བར་མ་བྱས་ན་ཅིའི་ཕྱིར་ཐམས་ཅད་འདུས་ཏེ་འདིར་ལྷགས་པར་གྱུར། ཀྱེ་སྐྱེས་བུ་དག་ཁྱེད་
D119.053.0275b03.01རྣམས་ནི་སོ་སོའི་ཆོས་འཛིན་ཅིང་སོ་སོའི་ཚུལ་ཁྲིམས་ཀྱིས་རབ་ཏུ་བྱུང་སྟེ་འཐུན་པ་ཡང་མ་ཡིན་སོ་སོའི་ཚུལ་ཁྲིམས་ཀྱིས་རབ་ཏུ་བྱུང་སྟེ་ལམ་ལ་ནན་ཏན་བྱེད་པ་ཡིན་ན། ཅིའི་རྒྱུ་ཅིའི་རྐྱེན་གྱིས་དེང་འདིར་བསམ་པ་གཅིག་ཏུ་ཐམས་ཅད་འདུས་པ་ནི་དཔེར་ན་ལོ་མ་ལྷགས་པ་ལ་རླུང་
D119.053.0275b04.01དྲག་པོས་བཏབ་ན་གཅིག་ཏུ་འདུས་པ་ལྟར་ཐམས་ཅད་འདིར་ལྷགས་པར་གྱུར། ཁོ་བོ་ནི་རྟག་ཏུ་རབ་ཏུ་བྱུང་བའི་མགོན་དང་སྐྱབས་བྱེད་དེ་ཆུང་ངུ་ན་ལུས་དང་སྲོག་ལ་ཡང་ཕངས་པར་མི་བྱེད་དོ། །དེའི་ཚེ་ན་མུ་སྟེགས་ཅན་ཐམས་ཅད་ཀྱིས་འདི་སྐད་ཅེས་གསོལ་ཏོ། །རྒྱལ་པོ་
D119.053.0275b05.01ཆེན་པོ་ལེགས་པར་གསོན་ཅིག །རྒྱལ་པོ་ཆེན་པོ་ནི་ཆོས་ཀྱི་ཟམ་པ་ཆེན་པོ་ལྟ་བུའོ། །ཆོས་ཆེན་པོའི་གདར་ལྟ་བུའོ། །ཆོས་ཆེན་པོའི་སྲང་ལྟ་བུ་ཡིན་ཏེ་ཡོན་ཏན་ཐམས་ཅད་ཀྱི་སྣོད་ཡིན་ནོ། །ཡོན་ཏན་ཐམས་ཅད་ཀྱི་ཡང་དག་པའི་ངོ་བོ་ཉིད་ཡིན་ནོ། །དམ་པའི་ཆོས་ཀྱི་ལམ་
D119.053.0275b06.01ལྟ་བུའོ། །ས་བོན་ཐམས་ཅད་ཀྱི་ཞིང་གཤིན་པ་ལྟ་བུའོ། །ཡུལ་ས་ཐམས་ཅད་ཀྱི་གཞི་ལྟ་བུ་ཡིན་ནོ། །ཡུལ་ཁམས་ཐམས་ཅད་ཀྱི་མེ་ལོང་གི་སྣང་བ་ལྟ་བུ་ཡིན་ནོ། །ལྷ་ཐམས་ཅད་ཀྱི་གཟུགས་ལྟ་བུ་ཡིན་ནོ། །ཡུལ་མི་ཐམས་ཅད་ཀྱི་ཕ་མ་ལྟ་བུ་ཡིན་ནོ། །རྒྱལ་པོ་ཆེན་པོ་འཇིག་
D119.053.0275b07.01